KATILINGBANONG PAG-AMPO
ABRIL 27, 2025
Domingo sa Diosnong Kaluoy

Pari: Modangop kita ngadto sa Dios Amahan kansang gugma ug kaluoy molungtad hangtod sa kahangturan. Sa matag pag-ampo kita motubag:

DIOS NGA MALULUY-ON, DUNGGA KAMI.

1. Alang sa mga namunoan sa Simbahan; mga kaobispohan ug kaparian sa Simbahan atol niining tuig sa Paglaum, masinati unta nila ang Diosnong Kaluoy sa ilang mapadayunong pagsangyaw sa Maayong Balita ngadto sa katawhan. Mag-ampo kita.

2. Alang sa tanang kanasuran sa tibuok kalibutan ug ang mga lideres niini, masinati unta nila si Cristo nga namatay ug nabanhaw alang sa kaluwasan sa tanang katawhan. Mag-ampo kita.

3. Alang sa tanang binunyagan sa ngalan sa Santisima Trinidad nga mamahimo unta kitang maluluy-on sa panginahanglan sa uban ug maghimo sa mga buhat sa kaluoy. Mag-ampo kita.

4. Alang sa tanang mga masakiton, tigulang ug himalatyon, nga matagamtaman na nila ang kahupayan nga nagsumikad sa kaluoy sa Dios. Mag-ampo kita.

5. Alang sa mga nagdayeg ug nagpasalamat sa Dios ilabina nila nga ang Diosnong Kaluoy maghari diha sa ilang kasingkasing ug mamahimong dayag diha sa ilang pulong ug buhat. Mag-ampo kita.

6. Alang sa mga nangamatay ilabina sila nga mituo kang Cristo bisan wala makakita kaniya, mabulahan unta sa gasa sa kinabuhing dayon. Mag-ampo kita.

Pari: Langitnong Amahan, ang imong Diosnong Kaluoy walay kinutoban. Itugot nga kami mahimong angayan sa mga saad ni Cristo nga among Ginoo ug Manunubos. Amen.

Comments

Post a Comment

Popular posts from this blog

LENTEN RECOLLECTION

Image
 "PILGRIMS OF HOPE" LENTEN RECOLLECTION 2025 • THE JUBILEE PRAYER 2025 • "PILGRIMS OF HOPE" Amahan nga anaa sa kalangitan Hinaut nga ang pagtuo nga imong gasa kanamo diha sa imong anak, nga si Jesukristo, among igsoon, Ug ang kalayo sa paghigugma nga sa among mga kasingkasing. Gipasiga sa Espiritu Santo, magpabangon unta pag-usab dinhi kanamo sa paglaum nga balaan alang sa pag-abot sa imong Gingharian. Ang imong grasya mag-usab unta kanamo ngadto sa pagkahimong makugihong mga tigpatubo sa mga binhi sa Ebanghelyo. Hinaut unta nga ang maong mga binhi mamunga'g kabag-ohan gikan sa kahiladman sa katawhan ug sa tibuok kalibutan, diha sa pagpaabot nga masalingon sa usa ka bag ong langit ug bag-ong kalibutan, nianang panahon kanus-a, human mabuntog ang kagahuman sa Dautan, mosidlak sa kahangturan ang imong kahimayaan. Hinaut unta nga ang grasya sa Hubileyo mopahigmata dinhi kanamo, nga mga Pumapanaw sa Paglaum, sa pangandoy alang sa mga bahanding langitnon. Hinaut unta...
Read more

IKA-KAWHAA'G-USA NGA DOMINGGO

Image
IKA-KAWHAA'G-USA NGA DOMINGGO A. Unang Basahon Josue 24:1-2,15-17,18 Ang pagbasa gikuha gikan sa basahon ni Josue. Gitigom ni Josue ang tanang banay sa Israel didto sa Siquem. Gitawag niya ang mga pangulo, ang mga kadagkoan, ang mga maghuhukom, ug ang mga opisyal sa Israel, ug nanuol sila sa atubangan sa Dios. Giingnan ni Josue ang tanang katawhan, "Mao kini ang giingon sa Dios sa Israel, Kaniadto ang mga katigulangan ninyo nagpuyo sa tabok sa Suba sa Eufrates, ug nagsimba sa laing mga dios. Usa kanila mao si Tera, amahan ni Abraham ug ni Nahor. Kon dili kamo andam pag-alagad sa Ginoo, pagpili karong adlawa kon kinsay alagaran ninyo, ang mga dios ba nga gialagaran sa inyong mga katigulangan didto sa Mesopotamia, o ang mga dios ba sa mga Amorihanon dinhi sa yuta nga gipuy-an ninyo karon. Apan alang kanako ug sa akong pamilya, mag-alagad kami sa Ginoo." Ang mga tawo mitubag, "Dili gayud kami mobiya sa Ginoo ni moalagad sa laing mga dios! Ang Ginoo nga atong Dios nagluw...
Read more

IKA-KAWHAAN NGA DOMINGGO

Image
  IKA-KAWHAAN NGA DOMINGGO A. Unang Basahon Panultihon 9:1-6 Ang pagbasa gikuha gikan sa basahon sa Panultihon. Ang kaalam nagbuhat og balay alang sa iyang kaugalingon, ug kini gibutangan niya'g pito ka haligi. Nagpa-ihaw siya'g mananap aron kombirahan. Gibutangan niya'g pahumot ang bino, ug giandam na ang kan- anan. Gisugo niya ang iyang mga sulugoong babaye sa pagdapit sa mga kadagkoan sa lungsod, ug sila nag-ingon, "Tambong kamo sa kombira, mga tawong walay alamag!" Ug sa mga buangbuang, nag-ingon siya, "Dali kamo, kaon kamo sa giandam kong kalan-on ug i nom kamo sa bino nga akong giandam kaninyo. Biya-i ang mga walay alamag ug dili kamo mamatay. Sunda ninyo ang dalan sa kahibalo." Mga igsoon, ang Pulong sa Ginoo. B. Salmo Responsoryo Salmo 34:2-3,10-11,12-13,14-15 Tubag (R) - Tagamtama ug sinati-a ang kaayo sa Ginoo. Dayegon ko ang Ginoo sa tanang panahon ang iyang pagdayeg maania kanunay sa akong baba. Pahimaya-a ang akong kalag diha sa Ginoo;...
Read more