Sto Niño

SANTO NIÑO

[Dominggo human sa pagbunyag sa Ginoo] 

a. UNANG BASAHON

Isaias 9:1-6

Ang pagbasa gikuha gikan sa basahon ni Propeta Isalas.

Ang katawhan nga kanladto naglakaw sa kangitngit nakakita'g dakung kahayag; ang nagpuyo sa mangi-ob nga dapit gisidlakan na sa kahayag. Gipadaghan mo ang mga molupyo sa nasud, Ginoo, nagmaya sila diha sa Imong atubangan; sama sa pagmaya sa mga tawo Inigkating-ani na ug ingon nga maglipay ang tawo Inigbahinbahin nila sa ilang inilog. Kay gigupok mo sama sa nahitabo sa Midian ang yugo nga lyang gisangon ug ang karga nga lyang gipas-an ug ang garoti nga nagdaugdaug kaniya. Kay sunugon daw sugnod ang tanang sapatos sa mga sundalo nga nagpaingon sa gubat, ingon man ang tanang sapot nga nabasa sa dugo. Kay natawo alang kanato ang usa ka bata, gihatag kanato ang usa ka anak lalaki; ug siya ang magmando sa tanan, ug hinganlan siya'g, "Maalamong Magtatambag," "Dios nga Gamhanan," "Walay Katapusang Amahan," "Prinsipe sa Pakigdait."

Mga igsoon, ang Pulong sa Ginoo.

b. SALMO RESPONSORYO

Salmo 98:1,2-3,3-4,5-6

Tubag (R) - Ang tanang katawhan sa tibook kalibutan, nakakita sa kadaugan sa atong Dios.

Awiti'g bag-ong awit ang Ginoo; kay nagbuhat siya'g katingalahang mga butang! Pinaagi sa lyang gahum ug balaang kusog, nakab-ot niya ang kadaugan. (R)

Gipahayag sa Ginoo ang lyang pagdaug, gipalla niya sa kanasuran ang lyang makaluwas nga gahum. Gituman niya ang lyang saad sa katawhan sa Israel, uban sa walay paglubad nga gugma ug pagkamaunongon. (R)

Nakakita sa kadaugan sa atong Dios ang tanang katawhan sa kalibutan! Pag-awit kamo nga malipayon ngadto sa Ginoo, kamong tanang katawhan; dayga siya pinaagi sa mga awit ug mga singgit sa kalipay. (R)

Dayga ang Ginoo dinuyogan sa mga alpa; pagtugtog og huni diha sa mga alpal Bulhota ang mga trumpeta ug mga budyong ug singgit sa kalipay atubangan sa Ginoo, ang atong haril (R)

c. IKADUHANG BASAHON

Efeso 1:3-6,15-18

Ang pagbasa gikuha gikan sa sulat ni San Pablo ngadto sa mga taga-Efeso.

Magpasalamat kita sa Dios ug Amahan sa atong Ginoong Jesukristo nga nagpanalangin kanato sa tanang espirituhanong gasa sa langit diha sa atong pagkahiusa kang Kristo. Sa wala pa buhata ang kalibutan gipili na kita sa Dios aron maiya diha ni Kristo, aron mabalaan kita ug mawalay sala sa iyang atubangan. Tungod sa iyang gugma, daan nang gibut-an sa Dios nga sagupon kita niya nga mga anak pinaagi ni Jesukristo-mao kini ang iyang gikahimut-an ug tuyo. Daygon nato ang Dios tungod sa iyang labihang pagtagad kanato pinaagi sa iyang hinigugmang anak.

Tungod niini, sukad sa pagkadungog ko nga mituo kamo sa Ginoong Jesus ug nahigugma sa tanang katawhan sa Dios, wala akoy hunong sa pagpasalamat sa Dios tungod kaninyo. Gihinumduman ko kamo sa akong mga pag-ampo, ug naghangyo ako sa Dios sa atong Ginoong Jesukristo, ang gamhanang Amahan, nga hatagan unta kamo sa Espiritu nga maghimo kaninyong maalamon ug magpadayag sa Dios kaninyo aron makalla kamo kaniya.

Naghangyo usab ako nga malamdagan unta ang inyong mga salabutan aron masayud kamo unsa ang paglaum nga alang niini gitawag kamo. Ug hinaut usab unta nga masayud kamo sa kapuno sa mga panalangin nga gisaad nlya sa lyang katawhan.

Mga Igsoon, ang Pulong sa Ginoo.

d. EBANGHELYO

Lucas 2:41-52

Ang pagsangyaw sa Maayong Balita sumala ni San Lucas.

Matag tulg moadto sa Jerusalem ang mga ginikanan ni Jesus aron pagsaulog sa Pangilin sa Pagsaylo. Sa napulo'g-duha ka tuig na si Jesus, nangadto sila sa pangilin Ingon sa naandan. Sa pagkatapos sa mga adlaw sa pangilin namaull sila, apan nagpabilin sa Jerusalem ang bata nga si Jesus. Wala mahlbalo niini ang iyang mga ginikanan; nagtoo sila nga nahluban si Jesus sa panon, ug sa nakalakaw na sila'g usa ka adlaw, gipangita nila siya didto sa llang mga paryenti ug mga higala. Apan wala siya nila hikaplagi, busa mibalik sila sa Jerusalem aron sa pagpangita kaniya.

Sa lkatulo ka adlaw hikaplagan nila siya didto sa Templo, naglingkod uban sa mga magtutudlo, namati kanila ug nangutana. Ang tanan nga nakadungog kaniya nahibulong sa lyang maalamong mga tubag. Nahibulong ang lyang mga ginikanan sa pagkakita nila kaniya, ug mlingon ang lyang Inahan kanlya, "Anak, nganong gibuhat mo man kini kanamo? Ako ug ang Imong amahan nabalaka pag-ayo nga nangita kanimo." Mitubag siya, "Nganong nangita pa man kamo kanako? Wala ba kamo masayod nga kinahanglan anhi gayud ako sa balay sa akong Amahan?" Apan wala sila makasabot sa lyang gisulti kanila.

Mipauli si Jesus sa Nazaret uban kanila, ug nagmasinugtanon siya kanila. Kining tanan gitipigan sa lyang Inahan sulod sa lyang kasingkasing.

Ug mitubo si Jesus sa lawas ug sa kinaadman, ug gikahimut-an siya sa Dios ug sa mga tawo.

Mga igsoon, ang Maayong Balita sa atong Ginoo.

e. KOMENTARYO

TEMA: ANG MAPAUBSANONG ANAK SA DIOS

Karong adlawa atong gisaulog ang Kapistahan sa Batang Jesus o ang Kapistahan sa Sto. Niño. Niining maong pagsaulog atong gihinumduman ang misteryo sa pagkatawo sa Anak sa Dios, diha sa iyang kinaiyahan apan mipaubos sa iyang kaugalingon, nahimong tawo ug mipuyo uban kanato, nahimong sama kanato way labot ang sala. Gipanamkon siya sa lalang sa Espiritu Santo ug natawo gikan ni Maria nga ulay. Ang batang Jesus mitubo diha sa iyang lawas ug sa iyang kinaadman ubos sa pangama ni San Jose ug ni Birhen Maria (Lucas 2: 52). Tataw ug nindot kaayo nga pamalandungan ang pagpaubos sa Dios sa iyang kaugalingon aron mamahimong atong dalangpanan. Sa laing bahin usab, tataw kaayo nga si Jesus nagpakatawo isip usa ka bata ug nanginahanglan sa pag-atiman sa iyang mga ginikanan. Nan si Jesus nasayod sa atong mga kalisdanan ug makahibalong motan-aw sa atong mga panginahanglan tungod kay nahimo siyang sama kanato. Dili unta nato hikalimtan nga kitang tanan natawo nga mga bata ug nanginahanglan sa pag-amoma. Susama kang Cristo, mamahimo unta kitang maluluy-on sa atong mga kaigsuonan nga nanginahanglan sa atong pagtagad ug pag-amoma.

Ang hagit sa matag usa karon mao ang paghimo sa Sto. Niño nga atong dalangpanan. Usa kini ka dakong hagit tungod kay karong mga panahona, ang pamilya nakasinati og dili tiaw nga mga pagsulay. Gawas niini, adunay mga pamilya nga walay luna nga kapuy-an, gigutom ug nag-ilaid sa tumang kalisod. Adunay mga pamilya nga nagkatibulaag tungod sa kahakog ug kakulang sa pagmatuto ug edukasyon. Kitang tanang binunyagan, kita ang mga instrument sa kabag-ohan diha sa atong katilingban ug kini magasukad diha sa atong tagsa-tagsa ka pamilya. Ang pagpakaylap sa Maayong Balita magsugod diha sa atong mga pamilya diin naumol ang atong mga kasinatian sa pagtuo ug paghigugma.

Diha sa gugma nangahimo kitang mga anak sa Dios pinaagi kang Cristo sumala sa iyang kabubut-on (Efeso 1:3-6). Ang Dios gugma ug iyang kining gipadayag ug gitisok sa kasingkasing sa matag usa ug mao nga aduna kitay katakus sa paghigugma ug pakighiusa (Familiaris Consortio #11). Ang pamilya usa ka katilingban diin ang mga ginikanan ug mga kabataan, ang bana ug asawa magkatambayayong aron ang gugma nga ilang nadawat gikan sa Dios magmabungahon. Dugang pa niini, aron usab diha sa pagkamatinud-anon ug pagpakighiusa molambo ang tiunay nga katilingban (Familiaris Consortio #18).

Natawo dinhi kanato ang Batang Jesus. Siya ang atong kahayag nga mibanwag diha sa kangitngitan ug nagluwas kanato gikan sa kaulipnan sa sala. Ang katawhan nga kaniadto naglakaw sa kangitngit nakakita og dakong kahayag (Isaias 9: 1). Ang pagpakatawo sa atong Ginoo usa ka pagpadayag sa gugma ug pagkamapaubsanon. Ang iyang kamatayon sa krus ug ang pagkabanhaw mao ang naglangkob niini. Diha sa Santos nga Eyukaristiya, ato kining gihinumduman ug gisaulog. Ang Eyukaristiya maoy tinubdan o sukaranan ug utlanan sa atong kristohanon nga kinabuhi. Diha sa nagkadaiyang hagit sa atong pamilya, ato untang hinumduman nga ang Sto. Niño maoy atong dalangpanan. Modangop kita kaniya kay diha kaniya magkahiusa kitang tanan. Ang Batang Jesus mitubo diha sa lawas ug sa kinaadaman (Lucas 2: 52). Isip lawas ni Cristo, ang matag pamilya motubo unta diha sa kinaadman, sa pagtuo, sa paghigugma ug pagpakiglambigit sa uban. Malipayong Pista kanatong tanan!

Giya alang sa Pamalandong:

1. Sa unsang pamaagi nato gisangyaw ang Batang Jesus? Ato bang gisugdan niining maong pagsangyaw diha sa atong tagsatagsa ka pamilya?

2. Isip mga binunyagan, nagmapaubsanon ba kita sa atong tahas sa pagpakaylap sa gingharian sa Dios diha sa pulong ug buhat?

f. Katilingbanong Pag-ampo

Pangulo: Minahal nga mga kaigsoonan, ang Anak sa Dios nahi- mong tawo ug mipuyo uban kanato. Siya maoy atong kahayag ug panig-ingnan sa pagkamapaubsanon ug pagkamahigugmaon. Sa matag pag-ampo ang atong tubag: GINOONG JESUS, PATALINGHUGI KAMI.

a) Alang sa atong Santo Papa Juan Pablo II, mga Obispo, mga pari ug mga relihiyoso, nga unta ang Balaaang Espiritu Santo sa kanunay maglamdag kanila aron ang ilang pagsabwag sa Maayong Balita magpadayon ilabina ngadto sa mga kabatan-onan nga maoy paglaum sa nasud. Mag-ampo kita sa Ginoo.

b) Alang sa mga kabataan nga wala pa mahimugso, nga unta sila higugmaon ug dawaton sa ilang mga ginikanan isip usa ka bililhong gasa sa Dios nga Magbubuhat. Mag-ampo kita sa Ginoo.

c) Alang sa mga kabataan sa tibuok kalibutan, nga unta hatagan sila sa malumong gugma ug pagtahud ug isipon nga dunay dakung kaakuhan sa kaugmaon sa katawhan. Mag-ampo kita sa Ginoo.

d) Alang sa mga batan-on sa atong nasud ug sa uban, nga magtubo unta sila sa kaputli, katarung ug makabaton sila og hiyas sa pagkamaalagaron sa ilang isigkaingon. Mag-ampo kita sa Ginoo.

e) Alang sa tanang mga ginikanan, nga unta ilang atimanon ug amuma- hon ang ilang mga anak sama sa panig-ingnan nga gihatag ni Santa Maria ug San Jose sa mga pag-atiman nila kang Jesus. Mag-ampo kita sa Ginoo,

f) Alang sa tanang nagdebosyon ni Senyor Santo Nino, nga unta ang ilang debosyon ngadto sa Batang Jesus magdasig kanila sa kanunay aron sa pagpalambo sa ilang paghigugma sa Dios ug sa ilang isigkatawo. Mag-ampo kita sa Ginoo.

g) Alang sa...(mahimong idugang dinhi ang mga panginahanglan sa katilingban)

h) Mag-ampo kita sa hilum alang sa atong kaugalingong katuyuan.

Pangulo: Mahigugmaon namong Amahan, nadungog Nimo ang mga pangamuyo sa Imong katawhan. Misalig ug milaum kami nga sa kanunay Imong pamation ang among mga pag-ampo. Kini among gipangayo ug gilauman pinaagi ni Kristo among Ginoo. Amen.