SOLEMNIDAD NI MARIA, INAHAN SA DIOS

  Enero 1 Oktaba sa Pasko

SOLEMNIDAD NI MARIA, INAHAN SA DIOS

ABC

PASIUNA

December 31, 2024

MISA SA GABII 8:00 PM

January 1, 2025

MISA SA ADLAW 8:00 AM

Malipayong pasko ug mabungahong bag-ong tuig kanatong tanan mga igsoon diha ni Cristo.

Karong gabhiuna/adlawa atong gisaulog ang Pangilin sa Mahal nga Birhen Maria, ang Inahan sa Dios.

Ang unang pagbasa gikan sa Basahon sa Numeros. Kini nagsaysay sa sugo sa Ginoo kang Moises sa pagpanalangin sa katawhan sa Israel.

Ang ikaduhang pagbasa gikan sa Sulat ni San Pablo ngadto sa Taga Galacia. Siya nagpahinumdom kanato sa pag-ingon: "aron pagpaila nga kamo iyang mga anak, gipadala sa Dios ang Espiritu sa iyang Anak nganhi sa atong kasing-kasing, ang Espiritu nga nagtuwaw, 'Amahan ko!'

Ug ang ebanghelyo gikan sa Ebanghelyo sumala ni San Lucas. Kini naghisgot sa pagkakaplag sa mga magbalantay sa karnero sa Sagrada Pamilya 'ilang nakaplagan si Maria ug si Jose, ug ang bata nga naghigda sa pasungan.

Puno sa kalipay, daygon ta ang Dios nga nagpakatawo pinaagi ni Birhen Maria!

Salmo Responsoryo:

Bendisyonan unta kita sa Dios diha sa iyang kaluoy.

Katilingbanong Pag-ampo:

Pinaagi sa pangaliya ni Birhen Maria, bendisyoni kami, Mahigugmaong Amahan.

BASAHON I

Nm. 6:22-27

KINUTLO GIKAN SA BASAHON SA

NUMEROS

Ang GINOO miingon kang Moises, "Ingna si Aaron ug ang iyang mga anak nga ingnon ninyo niini pagpanalangin ang mga Israelita:" "Panalanginan ug bantayan unta kamo sa GINΟΟ!"

"Magmaluluy-on ug magmahina- tagon unta siya kaninyo!"

"Kahimut-an unta kamo sa GINOO ug hatagan kamog kalinaw!"

Ug miingon ang GINOO, "Kon ilang ibungat ang akong ngalan agig pa- nalangin alang sa katawhan sa Israel, panalanginan ko sila."

ANG PULONG SA GINΟΟ.

SALMO RESPONSORYO

Ps. 67:2-3, 5, 6, 8

R. Bendisyonan unta kita sa Dios diha sa iyang kaluoy.

Kaloy-an unta kita sa Dios ug bendisyonan kita; ipadan-ag unta kanato ang iyang nawong.

Mahibaw-an unta ang iyang dalan dinhi sa yuta; ug diha sa tanang mga nasod, ang imong kaluwasan.

R. Bendisyonan unta kita sa Dios diha sa iyang kaluoy.

Maglipay unta ang mga nasod ug magsadya kay nagamando ka sa kanasuran diha sa katarong; imong agakon ang mga nasod dinhi sa yuta.

R. Bendisyonan unta kita sa Dios diha sa iyang kaluoy.

Daygon unta ikaw sa katawhan, O Dios; ang tanang kalungsoran magdayeg unta kanimo!

Bendisyonan unta kita sa Dios, ug sa tanang kautlanan sa yuta mahadlok unta kaniya!

R. Bendisyonan unta kita sa Dios diha sa iyang kaluoy.

BASAHON II

Gal. 4:4-7

KINUTLO GIKAN SA SULAT NI SAN PABLO NGADTO SA TAGA-GALACIA

Apan pag-abot sa hustong panahon, gipadala sa Dios ang iyang Anak. Mianhi siya ingon nga anak sa tawhanong inahan, ug nagpuyo sa ilalom sa Balaod, aron pagluwas niadtong nailalom sa Balaod ug aron mahimo kitang mga anak sa Dios.

Aron pagpaila nga kamo iyang mga

anak, gipadala sa Dios ang Espiritu sa

iyang Anak nganhi sa atong kasing-

kasing, ang Espiritu nga nagtuwaw,

"Amahan ko!" Busa dili na kamo ulipon kondili anak na. Ug tungod kay kamo iyang anak, ang Dios maghatag kaninyo sa tanan nga anaa kaniya.

ANG PULONG SA GINOO.

EBANGHELYO

Lc. 2:16-21

Kinutlo gikan sa Balaan nga Ebanghelyo sumala ni Lucas

Midali dayon sila pag-adto, ilang nakaplagan si Maria ug si Jose, ug ang bata nga naghigda sa pasungan. Sa dihang nakit-an na nila kini, gisugilon nila ang panghitabo nga gipahibalo kanila mahitungod niining bataa. Ug ang tanan nga nakadungog niini nahibulong mahitungod sa mga gisugilon ngadto kanila sa mga magbalantay sa karnero.

Si Maria, sa iyang bahin, mitipig niining tanan nga mga panghitabo ug iyang gipamalandongan kini diha sa iyang kasingkasing. Ug namauli ang mga magbalantay sa karnero nga nagahimaya ug nagadayeg sa Dios sa tanan nga ilang nadungog ug nakita sumala sa gisugilon ngadto kanila.

Sa dihang miabòt na ang walo ka adlaw aron sa pagtuli kaniya, ginganlan siya og Jesus, ang ngalan nga gihatag sa anghel sa wala pa siya gipanamkon.

Ang Ebanghelyo sa Ginoo.

Katilingbanong Pag-ampo

December 31, 2024 January 1, 2025 

Pari: Niining Solemnidad sa pagka-Inahan ni Birhen Maria, atong ipadangat ngadto sa atong Amahan ang atong mga panghinaot ug mga pangamuyo. Sa matag pag-ampo moingon kita:

PINAAGI SA PANGALIYA NI BIRHEN MARIA, BENDISYONI KAMI, MAHIGUGMAONG AMAHAN.

1. Nga ang tibuok Simbahan, ubos sa pagdumala ni Papa Francisco, magpabiling lig-on taliwala sa mga hagit ug mga pagsulay ug makakat- on kanunay sa Mahal nga Inahan sa pagpamalandong kanunay sa

Diosnong kabubut-on. Mag ampo kita.

2. Nga ang mga kanasuran ug ang mga pangulo niini, malamdagan ug magiyahan sa Spiritu ni Cristo aron makapatunhay ang kaangayan ug

kalinaw sa kalibutan. Mag ampo kita.

3. Nga ang mga nag-antos sa sakit ug kawad-on sa kinabuhi ug mga nagkadaiyang kalamidad, pinaagi sa grasya sa Dios, makakaplag og kahupayan ug kalinaw sa kinabuhi. Mag ampo kita.

4. Nga kitang tanan nga nagsaulog niining Santos nga Eyukaristiya, motubo unta sa atong espirituhanong kinabuhi ug magmabungahon unta ang atong mga paningkamot diha sa pagbag-o sa Cristohanong kinabuhi. Mag ampo kita.

5. Nga bendisyonan ug panalipdan unta ang tanan nga midayeg ug mipasalamat sa Ginoo, ilabina sila Mag-ampo kita sa Ginoo.

6. Nga ang atong mga igsoong mibiya na niining kinabuhia, ilabina sila maangkon na unta sa hingpit nga kalinaw nga gisaad sa Ginoo ngadto kanila nga mitoo kaniya. Mag ampo kita.

Pari: Mahigugmaong Amahan, tuburan sa tanang grasya, panalangini kami ug ubani kami kanunay niining panaw niining kinabuhia aron maangkon namo ang tiunay nga kalinaw nga imong gihatag kanamo pinaagi ni Cristo among Ginoo. Amen.

SOLEMN BLESSING OR PRAYER OVER THE PEOPLE

Iduko ang inyong mga ulo ug atong pangayoon ang panalangin sa Dios,

Then the priest extends his hands over the people while he sings or says

Ang Dios, nga pinaagi sa pag-anak ni Santa Maria nga Birhen nahigugma sa pagtubos sa kaliwat sa mga tawo maghupong unta kaninyo sa iyang panalangin. R. Amen.

Sa kanunay ug sa tanang dapit malabanan unta kamo sa Birhen kay pinaagi kaniya nahimo kamong takos sa pagdawat sa Magbubuot sa kinabuhi. R. Amen

Ug kamo nga karong adlawa nagkatigom nga madasigon aron pagsaulog sa piyesta ni Maria magdala unta og mga gasa sa mga kalipay nga espirituhanon ug sa mga ganti nga langitnon. R. Amen.

Ug ang panalangin sa makagagahum nga Dios, Amahan, ug Anak, ug Espiritu Santo, mokunsad unta diha kaninyo, ug magpabilin hangtod sa kahangturan. R. Amen.