Ikakawhaag-lima nga Domingo Sulod sa Tuig

Ikakawhaag-lima nga Domingo Sulod sa Tuig

PASIUNA

SEPTIYEMBRE 22, 2024

Maayong buntag/hapon mga igsuon diha ni Cristo.

Karong Domingoha mao ang Ikakawhaan ug Lima nga Domingo sa Ordinaryong Panahon.

Ang unang pagbasa gikuha gikan sa Basahon sa Kaalam ni Solomon. Dinhi atong madungog ang iyang pagsaysay sa giingon sa dautan nga nagkanayon, "Kon ang mga matarong tinuod gayud nga mga anak sa Dios, ang Dios magluwas kanila sa ilang mga kaaway."

Ang ikaduhang pagbasa gikuha gikan sa Sulat ni Santiago. Dinhi iyang gisaysay nga "ang pagkamatarong mao ang bunga sa binhi nga gipugas sa mga makigdaiton diha sa kalinaw."

Palihug manindog alang sa pagsugod sa Eyukaristiya.

Salmo Responsoryo:

Ang Ginoo maoy nagabuhi kanako.

Katilingbanong Pag-ampo:

Ginoo, pamati-a kami

BASAHON I

Wis. 2:12, 17-20

KINUTLO GIKAN SA BASAHON SA KAALAM NI SOLOMON

(Ang dautan nagaingon:)

"Ang matarong nga mga tawo walay kapuslanan, kondili mga samokan lamang, busa mangita kitag higayon sa paglaglag kanila. Supak sila sa atong gibuhat; nagpasangil sila kanato nga kita nagsupak sa Balaod ni Moises ug naglapas sa mga pagtulon-an sa atong mga katigulangan."

"Apan tan-awon ta kon tinuod ba kana! Tan-awon ta unsay mahitabo kon mamatay na sila! Kon ang mga matarong tinuod gayod nga mga anak sa Dios, ang Dios magluwas kanila sa ilang mga kaaway. Busa sulayon ta sila. Ato silang daugdaogon ug sakiton; unya sutaon ta unsa kamalinawon ug kamakataronganon sila! Sutaon ta asa kutob ang ilang pag-agwanta. Silotan ta sila sa usa ka makauulaw nga kamatayon, sanglit nag- ingon man sila nga ang Dios mao ray manalipod kanila."

ANG PULONG SA GINOO.

SALMO RESPONSORYO

Ps. 54:3-4, 5, 6-8

R. Ang Ginoo maoy nagabuhi kanako.

O Dios, sa imong ngalan luwasa ako, ug sa imong gahom labani ang akong hinungdan.

O Dios, pamatia ang akong pag-ampo; patalinghugi ang mga pulong sa akong baba.

R. Ang Ginoo maoy nagabuhi kanako.

Kay ang garbosong mga tawo misukol batok kanako, ug mapintas nga mga tawo nangita sa akong kinabuhi; wala nila ibutang ang Dios atubangan sa ilang mga mata.

R. Ang Ginoo maoy nagabuhi kanako.

Ania, ang Dios mao ang akong magtatabang; ang Ginoo maoy nagabuhi kanako.

Maghalad ako kanimo nga mahinangpon og sakripisyo; daygon ko ang imong ngalan, O Ginoo, tungod sa iyang kaayo.

R. Ang Ginoo maoy nagabuhi kanako.

BASAHON II

Jas. 3:16-4:3

KINUTLO GIKAN SA SULAT NI SANTIAGO

Diin anaa ang kasina ug ang pagpa- ninguha alang sa kaugalingong kaayohan lamang, anaa usab ang kasamok ug tanang matang sa dautang buhat. Apan ang kaalam nga gikan sa langit, una sa tanan putli, ug unya makigdaiton, maaghop, mahigalaon, maluluy-on ug maayog binuhatan; dili usab kini mopihig ug dili tigpakaaron-ingnon. Ang pagka- matarong mao ang bunga sa binhi nga gipugas sa mga makigdaiton diha sa kalinaw.

Unsa bay hinungdan sa inyong panag- away ug panagbingkil? Dili ba ang inyong mga lawasnong kaibog nga nagka- sumpaki sa sulod ninyo? Buot kamo manag-iyag mga butang, apan kay wala man kamo makaangkon niini, buot kamong mopatay. May gikaibgan kamo, apan wala ninyo kini makab-ot, busa nagbingkil kamo ug nag-away. Wala kamo makabaton sa inyong gitinguha kay wala man kamo mangayo niini sa Dios. Ug sa dihang nangayo kamo, wala kamo hatagi kay dautan man ang inyong tuyo. Nangayo kamo aron lamang pagtagbaw sa inyong mga lawasnong kaibog.

ANG PULONG SA GINOO.

EBANGHELYO

Mk. 9:30-37

Kinutlo gikan sa Balaan nga Ebanghelyo sumala ni Marcos

Ug sa pagbiya ni Jesus U ug sa iyang mga tinun-an gikan didto milatas sila sa Galilea, ug dili niya buot nga adunay makahibalo. Kay nag- tudlo siya sa iyang mga tinun-an ug nag-ingon kanila, "Ang Anak sa Tawo itugyan ngadto sa mga kamot sa mga tawo, ug patyon nila siya, ug human siya patya, inig- labay sa tulo ka adlaw, mabanhaw siya." Apan wala sila makasabot sa iyang gipamulong, ug nahadlok silang mangu- tana kaniya.

Ug miabot sila sa Capernaum. Sa nakasulod na siya sa balay, nangutana siya kanila, "Unsa may inyong gilalisan didto sa dalan?" Apan nahilom sila. Kay sa dalan nag-lalis man sila sa usag-usa kinsa ang labing dako.

Ug sa iyang paglingkod gitawag niya ang Napulog- duha ug miingon kanila, "Kon adunay buot nga mahiuna, magpaka- himong ulahi sa tanan ug alagad sa tanan."

Ug gikuha niya ang usa ka bata ug gipatindog niya kini sa ilang taliwala ug gikugos niya kini ug miingon kanila, "Ang bisan kinsa nga modawat sa usa ka bata nga sama niini sa akong ngalan, modawat kanako; ug bisan kinsa nga modawat kanako, wala modawat kanako kondili kaniya nga nagpadala kanako."

Ang Ebanghelyo sa Ginoo.

KATILINGBANONG PAG-AMPO

SEPTIYEMBRE 22, 2024

Pari: Ang buot nga mamahimong labing dako sa gingharian sa Dios kinahanglan nga magpakahisama sa usa ka bata ug moalagad sa labing nanginahanglan. Mag-ampo kita sa grasya aron atong mabansay ang pagkamapaubsanon nga gitudlo ni Jesus alang kanato. Sa matag pag-ampo kita moingon:

GINOO, PAΜΑΤΙ-Α ΚΑΜΙ.

1. Para sa Santo Papa, mga obispo, mga pari, mga diakono ug mga gikonsagrahan sa Simbahan, hinaut nga makadawat sila sa kasingkasing nga mapaubsanon ug sa espiritu sa pag-alagad sa pagsunod kang Jesus, ang alagad sa tanan. Mag-ampo kita.

2. Alang sa mga lideres sa gobyerno, hinaot mahatagan sila ug kaalam aron masabtan ug makita ang panginahanglan sa mga tawo nga ilang gidumala. Mag-ampo kita.

3. Alang sa tanan nga nag-atiman sa mga bata nga giabandonar, mga baldado, ug mga adik sa droga, hinaut nga ang Ginoo maghatag kanila sa espiritu sa pagkamalahutayon sa ilang maayong buhat sa pag-alagad kang Kristo diha sa ilang kabus nga mga kaigsoonan. Mag-ampo kita.

4. Alang sa tanang mga tigulang ug masakiton sa anaa sa mga panimalay ug sa mga balay-tambalanan, hinaut nga ang Dios maghatag kanila og kaayohan, kahimsog ug kabaskog sa panglawas aron sa pagpadayon sa pag-alagad Kaniya. Mag-ampo kita.

5. Alang sa tanan nga mibayaw ngadto sa Dios sa ilang pagpasalamat ug pagdayeg ilabina nila _________ unta sila mag-ugmad sa kalinaw ni Kristo diha kanila. Mag-ampo kita. 

6. Alang sa mga kalag sa mga magtutuo nga mitaliwan ilabina sila _______ unta makadawat sila og kapasayloan ug kinabuhing dayon. Mag-ampo kita.

Pari: Ginoong Hesus, hatagi kami ug espiritu sa pagpaubos ug pag- alagad aron mahimo kaming instrumento sa imong gugma sa tanan namong mga kaigsoonan, labi na sa mga nag-antos. Ikaw nga nag- antos ug nag-atiman gihapon hangtod sa kahangtoran. Amen.