Ikanapulog-tulo nga Domingo Sulod sa Tuig

Ikanapulog-tulo nga Domingo Sulod sa Tuig

PASIUNA

HUNYO 30, 2024

Maayong buntag mga igsuon diha ni Cristo.

Ania na kita sa Ikanapulo'g-tulo nga Domingo sa Ordinaryong Panahon.

Ang unang pagbasa gikuha gikan sa Basahon sa Kaalam ni Solomon. Dinhi atong madungog nga siya miingon kanila, "Ang Dios wala maghimo ug kamatayon, ni malipay siya sa kalaglagan sa mga buhi."

Ang ikaduhang pagbasa gikuha gikan sa Ikaduhang Sulat ni San Pablo ngadto sa taga-Corinto. Siya miingon kanila, "Bisan kinsa nga adunay daghan wala makabaton ug labaw pa, ug bisan kinsa nga adunay diyutay wala makabaton ug diyutay."

Ang ebanghelyo gikuha gikan sa Balaan nga Ebanghelyo sumala ni San Marcos. Dinhi atong madungog si Jesus nga miingon, "Ayaw kahadlok, pagbaton lang og pagtoo."

Palihug manindog alang sa pagsugod sa Santos nga Eyukaristiya.

Salmo Responsoryo;

Daygon ko Ikaw O Ginoo kay imo ako nga giluwas.

Katilingbanong Pag-ampo:

Ginoo sa kinabuhi, dungga kami.

BASAHON I

Wis. 1:13-15; 2:23-24

KINUTLO GIKAN SA BASAHON SA KAALAM NI SALOMON

Ang Dios wala magmugna sa kamatayon, ug kon ang buhi nga mga binuhat mamatay, dili siya malipay niini. Gibuhat niya ang tanan aron magpadayon kini ug ang tanang butang nga iyang gibuhat hingpit ug maayo. Walay makamatay nga hilo diha kanila. Ang kamatayon dili maoy nagmando sa kalibutan, kay ang hustisya sa Dios dili man mamatay.

Sa pagbuhat sa Dios kanato, dili niya tuyo nga kita mamatay; gibuhat kita niya sama sa iyang kaugalingon. Ang kasina sa yawa mao ang nagdala sa kamatayon nganhi sa kalibutan, ug sila nga iya sa yawa mao ang mangamatay.

ANG PULONG SA GINOO.

SALMO RESPONSORYO

Ps. 30:2, 4, 5-6, 11, 12, 13

R. Daygon ko ikaw, O Ginoo, kay imo ako nga giluwas.

Ibayaw ko ikaw, O Ginoo, kay imo akong gigakos pag-ayo ug wala ka motugot nga ang akong mga kaaway malipay bahin kanako.

O Ginoo, gikuha mo ako gikan sa kinahiladman sa kalibutan; gilingkawas mo ako gikan kanila nga nagadulong sa kahiladman.

R. Daygon ko ikaw, O Ginoo, kay imo ako nga giluwas.

Dayga ang Ginoo, kamong matinumanon kaniya, ug pasalamati ang iyang Santos nga Ngalan.

Kay ang iyang kasuko molungtad sa makadiyot lamang; apan ang iyang maayong kabubut-on sa tibuok nga kinabuhi.

Sa gabii mosulod ang paghilak apan sa kaadlawon ang pagsadya.

R. Daygon ko ikaw, O Ginoo, kay imo ako nga giluwas.

Pamati, O Ginoo, ug kaloy-i ako; Ginoo, pagpakahimong akong magtatabang.

Gibalhin mo ang akong pagbangotan ngadto sa pagsayaw;

O Ginoo, akong Dios, hangtod sa kahangturan pasalamatan ko ikaw.

R. Daygon ko ikaw, O Ginoo, kay imo ako nga giluwas.

BASAHON II

2 Cor. 8:7, 9, 13-15

KINUTLO GIKAN SA IKADUHANG SULAT NI SAN PABLO NGADTO SA TAGA-CORINTO

Kamo mga dato kaayo sa pagtuo, sa panulti, sa kahibalo, sa inyong tinguha sa pagtabang, ug sa inyong paghigugma kanamo. Busa buot kami nga magma- hinatagon usab kamo niining pag-alagad sa gugma.

Kay nasayod kamo sa grasya sa atong Ginoong Jesucristo, nga bisan siya dato, nagpakakabus siya tungod kaninyo aron madato kamo pinaagi sa iyang kakabus.

Dili ko tuyo nga kuhaon ang lulan sa uban aron ipapas-an kaninyo; apan sanglit hamugaway man kamo niining panahona, makatarunganon gayod nga tabangan ninyo kadtong nagkinahanglan. Unya kon kamo na usab ang mag- kinahanglan ug sila ang hamugaway, motabang usab sila kaninyo. Niining paagiha nagtinabangay kamo. Sumala sa giingon sa Kasulatan,

"Ang daghag tinigom wala masobrahi, Ug ang diotayg tinigom wala makulangi."

ANG PULONG SA GINOO.

EBANGHELYO

Mk. 5: 21-43

Kinutlo gikan sa Balaan nga Ebanghelyo sumala ni Marcos

[Tinaas]

Ug sa pagtabok na usab Jesus [sakay sa sakayan] sa pikas daplin, dako kaayong pundok sa katawhan ang nagka- tapok duol kaniya. Ug didto siya sa baybayon. Ug miabot ang usa sa mga pangulo sa sinagoga nga ginganlag Jairo, ug sa pagkakita niya kang Jesus, mihapa siya sa iyang tiilan ug nagpa- kiluoy pag-ayo sa pag- ingon, "Himalatyon ang akong anak nga babaye, adtoa intawon aron mata- pion nimo ang imong mga kamot kaniya aron siya maluwas ug mabuhi." Ug mikuyog siya kaniya. Misunod usab ang dakong panon sa katawhan ug midutdot kaniya.

Ug adunay usa ka babaye nga gitalinug-an sulod sa napulog-duha ka tuig. Ug daghan na ang iyang giantos ubos sa daghang mga mananambal, ug nahurot na ang tanan niyang kabtangan apan wala gayod siya moarang- arang, migrabe pa hinoon. Pagkadungog niya mahi- tungod kang Jesus, misuot siya sa panon sa katawhan sa likod ni Jesus uggihikap ang iyang bisti. Kay miingon siya, "Kon mahikap ko lamang bisan ang iyang bisti mamaayo ako."

Ug dihadiha dayon mihu- nong ang pag-agas iyang dugo ug sa namatikdan niya sa iyang lawas nga naayo na siya sa iyang sakit.

Ug dihadiha dayon nasayran ni Jesus sulod sa iyang kaugalingon nga migula kaniya ang gahom, ug milingi siya sa panon sa katawhan ug miingon, "Kinsay mihikap sa akong bisti?"

Ug miingon kaniya ang iyang mga tinun-an, "Nakita nimo nga nagdi- nutdotay ang panon sa katawhan kanimoug mangutana ka pa, 'Kinsay mihikap kanako?" Ug gilibot niya ang iyang panan-aw aron pagsuta kinsa ang nagbuhat niini. Ug nahadlok ug nagkurog ang babaye kay nasayod man siya sa nahitabo kaniya; miduol siya ug mihapa sa iyang atu- bangan ug mitug-an kaniya sa tibuok kama- tuoran.

Unya miingon siya kaniya, "Anak, ang imong pagtuo nagluwas kanimo. Lakaw sa kalinaw ug mamaayo ka sa imong sakit."

Samtang nagsulti pa siya, adunay ming-abot gikan sa balay sa pangulo sa sinagoga nga nag-ingon, "Patay na ang imong anak nga babaye; nganong imo pa mang samokon ang Magtutudlo?" 

Apan nadunggan ni Jesus ang ilanggisulti ug miingon siya sa pangulo sa sinagoga, "Ayaw kahadlok; salig lang." Ug wala siyay laing gitugotan pagkuyog kaniya gawas kang Pedro ug kang Santiago ug kang Juan nga igsoon ni Santiago.

Ug pag-abot nila sa balay sa pangulo sa sinagoga, nakita niya ang kagu- liyang ug paghinilakay ug kusog nga pagminatay. Ug saiyang pagsulod miingono siya kanila, "Nganong nagkaguliyang ug naghinilakay man kamo? Wala mamatay ang bata apan natulog lamang siya." Ug gikataw-an nila siya.

Unya gipapahawa niya silang tanan ug gidala niya ang amahan ug inahan sa bata ug ang iyang mga kauban ug misulod siya sa lawak diin naghigda ang bata. Ug gikuptan niya ang kamot sa bata ug miingon siya kaniya "Talita kum," nga sa ato pa "Inday, nag-ingon ako kanimo, bangon!"  Ug dihadiha dayon mibangon ang bata ug milakaw; kay adunay napulog-duha na man siya ka tuig. Ug napuno sila [dayon] sa hilabihang kahibulong. Ug gipahimangnoan niya sila pag-ayo nga walay si bisan kinsa nga makahibalo niini, ug iya silang giingnan nga hatagan siyag makaon.

Ang Ebanghelyo sa Ginoo.

--or--

EBANGHELYO

Mk. 5: 21-24, 35- 43

Kinutlo gikan sa Balaan nga Ebanghelyo sumala ni Marcos

[Minubo]

Ug sa pagtabok na usab ni Jesus [sakay sa sakayan] sa pikas daplin, dako kaayong pundok sa katawhan ang nagka- tapok duol kaniya. Ug didto siya sa baybayon. Ug miabot ang usa sa mga pangulo sa sinagoga nga ginganlag Jairo, ug sa pagkakita niya kang Jesus, mihapa siya sa iyang tiilan ug nagpa- kiluoy pag-ayo sa pag- ingon, "Himalatyon ang akong anak nga babaye, adtoa intawon aron mata- pion nimo ang imong mga kamot kaniya aron siya maluwas ug mabuhi." Ug mikuyog siya kaniya. Misunod usab ang dakong panon sa katawhan ug midutdot kaniya.

Samtang nagsulti pa siya, adunay ming-abot gikan sa balay sa pangulo sa sinagoga nga nag-ingon, "Patay na ang imong anak nga babaye; nganong imo pa mang samokon ang Magtutudlo?"

Apan nadunggan ni Jesus ang ilang gisulti ug miingon siya sa pangulo sa sinagoga, "Ayaw kahadlok; salig lang." Ug wala siyay laing gitugotan pagkuyog kaniya gawas kang Pedro ug kang Santiago ug kang Juan nga igsoon ni Santiago.

Ug pag-abot nila sa balay sa pangulo sa sinagoga, nakita niya ang kagu- liyang ug paghinilakay ug kusog nga pagminatay. Ug sa iyang pagsulod miingon siya kanila, "Nganong nagkaguliyang ug naghinilakay man kamo? Wala mamatay ang bata apan natulog lamang siya." Ug gikataw- an nila siya. Unya gipa- pahawa niya silang tanan.

Ug gidala niya ang amahan ug inahan sa bata ug ang iyang mga kauban ug misulod siya sa lawak diin naghigda ang bata. Ug gikuptan niya ang kamot sa bata ug miingon siya kaniya, "Talita kum," nga sa ato pa, "Inday, nag-ingon ako kanimo, bangon!"

Ug dihadiha dayon miba- ngon ang bata ug milakaw; kay adunay napulog-duha na man siya ka tuig. Ug napuno sila [dayon] sa hilabihang kahibulong. Ug gipahimangnoan niya sila pag- ayo nga walay si bisan kinsa nga makahibalo niini, ug iya silang giingnan nga hatagan siyag makaon.

Ang Ebanghelyo sa Ginoo.

KATILINGBANONG PAG-AMPO

HUNYO 30, 2024

Pari: Ang atong Dios mao ang Dios sa kaayohan ug kinabuhi. Iyang gipadala ang Iyang bugtong Anak aron sa pagluwas kanato gikan sa tanan nga katalagman. Puno sa pagsalig sa Iyang gugma alang kanato, sama ni Jairo, modangop kita kaniya diha sa pag-ampo:

GINOO SA KINABUHI, DUNGGA KAMI.

1. Alang sa mga namunuan sa Simbahan ilabina si Papa Francisco, mga obispo, kaparian, mga diyakono ug mga relihiyoso, hinaut nga ang Balaang Espiritu magpadayon sa pagdasig kanila nga mahimong sama kang Jairo sa tibuok katawhan sa ilang mga paningkamot sa pagpakigbatok sa sakit ug pag-antos sa tanang matang niini. Mag-ampo kita.

2. Alang sa mga lideres sa atong nasud, hinaut nga mahisama sila kang Jairo kinsa sa pagtuo ug pagpaubos, mitugyan sa Iyang kaugalingon ngadto sa Ginoo ug misalig sa Iyang grasya ilabina diha sa pagdala sa katawhan paduol sa Ginoo. Mag-ampo kita.

3. Alang sa tanan nga nag-antus sa pisikal o emosyonal, hinaut nga makadawat sila sa kalooy sa Ginoo ug kasingkasing nga mapaubsanon diha sa pag-atiman sa ilang mga panginahanglan, ug pinaagi sa grasya sa Sagrada Pamilya, hinaut nga ang ilang mga pamilya mahimong tinubdan sa kahupayan ug kusog alang kanila. Mag-ampo kita.

4. Alang niadtong nagkaduol na sa kamatayon, pinaagi sa paglamdag sa Balaang Espiritu hinaot nga ilang tan-awon kini isip ganghaan sa kinabuhing dayon, sa dihang ilang mahimamat ang Ginoo sa Kinabuhi. Mag-ampo kita.

5. Alang sa tanan nga mga migrante nga mikalagiw gikan sa gubat o kagutom, napugos sa paghimo sa mga panaw nga puno sa kakuyaw ug kapintasan, hinaut nga ang Dios maghatag kanila og bagong oportunidad ug mapuno sa inigsuong pag-abi-abi ngadto sa ilang bagong puloy-anan. Mag-ampo kita.

6. Alang sa mga mihalad sa ilang pagdayeg ug pasalamat niining Santos nga Misa ilabina nila _________ sama sa nasinati ni Jairo, makadawat unta sila sa kabuhong sa grasya sa Dios. Mag-ampo kita.

7. Alang sa mga magtutuong nangamatay ilabina sila ________ makadawat na unta sa kinabihing walay katapusan. Mag-ampo kita. 

Pari: Gamhanang Amahan, paminawa nga maloloy-on ang among mga pangaliya alang sa kaayohan sa tanan namong mga kaigsoonan, ilabina niadtong nag-antos. Gipangayo namo kini pinaagi ni Kristo among Ginoo nga nag-ayo ug naghatag ug kinabuhi hangtod sa kahangtoran. Amen.