Domingo sa Pentekostes

 Domingo sa Pentekostes

ABC

PASIUNA

MAYO 19, 2024

Maayong buntag/hapon mga igsuon ko diha ni Cristo.

Ang tibuok Simbahan nagsaulog karong adlawa sa Domingo sa Pentekostes. Mao kini ang Ikalim-an nga adlaw sukad sa atong pagsaulog sa Pasko sa Pagkabanhaw sa atong Ginoo.

Diha sa Unang Pagbasa nga gikuha gikan sa Basahon sa Buhat sa mga Apostoles atong madungog nga ang mga magtutuo napuno sa Espiritu Santo.

Diha sa Ikaduhang Pagbasa nga gikuha gikan sa Unang Sulat ni San Pablo ngadto sa taga-Corinto. Si San Pablo nagpahinumdum kanila nga sila "binunyagan diha sa usa lamang ka lawas, pinaagi sa mao ra gihapon nga Espiritu..."

Diha sa Ebanghelyo sumala ni San Juan atong madungog nga si Jesus mipakita sa iyang mga apostoles ug "mihuyop siya ug miingon kanila, "Dawata ninyo ang Espiritu Santo.."

Palihug manindog alang sa pagsugod sa Santos nga Eyukaristiya.

Salmo Responsoryo:

Ginoo, ipadala ang imong Espiritu, ug bag-oha ang nawong sa yuta.

Pangaliya sa Katilingban:

Ginoo, ipadala ang imong Espiritu.

BASAHON I

Acts 2:1-11

KINUTLO GIKAN SA MGA BUHAT SA MGA APOSTOLES

Sa pag-abot na sa adlaw sa Pentekostes, ang tanang magtutuo nagtigom sa usa ka dapit. Ug sa kalit may dahunog gikan sa langit, sama sa kusog nga huros sa hangin, ug milukop kini sa tibuok balay nga ilang gitigoman. Unya nakakita silag daw mga dila nga kalayo nga nanugdon diha sa matag usa kanila. Silang tanan napuno sa Espiritu Santo ug misulti sa nagkalainlaing pinulongan sumala sa gipasulti kanila sa Espiritu.

Sa Jerusalem may mga Judio nga relihiyoso kaayo nga gikan sa nagkalain- laing nasod sa kalibutan. Sa pagkadungog sa mga tawo sa kabanha, nanugok sila ug labihan nilang katingala kay ang tagsatagsa ka magtutuo nagsulti man sa tagsatagsa ka pinulongan sa mga namati. Busa sa dakong kahibulong, miingon sila, "Dili ba taga-Galilea man kining mga tawhana? Nganong nakasulti man sila sa atong tagsatagsa ka pinulongan? Dinhi kanato may mga taga-Partia, Media, Elam, Mesopotamia, Judea, Capadocia, Ponto, Asia, Frigia, Panfilia, Ehipto, ug sa mga dapit sa Libya duol sa Cirene; ang uban kanato taga-Roma, nga mga Judio ug mga dili Judio nga nakabig sa tinuohan sa mga Judio; ug may pipila pa kanato nga taga-Creta ug Arabia-apan bisan pa niini, kitang tanan nakadungog kanila nga nagsulti sa atong tagsatagsa ka pinulongan mahitungod sa katinga- lahang mga butang nga gibuhat sa Dios."

ANG PULONG SA GINOO.

SALMO RESPONSORYO

Ps. 104:1, 24, 29-30, 31, 34

R. Ginoo, ipadala ang imong Espiritu, ug bag-oha ang nawong sa yuta.

Dayga ang Ginoo, kalag ko!

O Ginoo, akong Dios, dako gayod ikaw! Pagkadaghan sa imong mga buhat, O Ginoo!

Puno ang yuta sa imong mga binuhat;

R. Ginoo, ipadala ang imong Espiritu, ug bag-oha ang nawong sa yuta.

Kon imong kuhaon ang ilang ginhawa, mangamatay sila ug mobalik ngadto sa abog.

Sa imong pagpadala sa imong espiritu, magama sila, ug mabag-o nimo ang nawong sa yuta.

R. Ginoo, ipadala ang imong Espiritu, ug bag-oha ang nawong sa yuta.

Molungtad unta sa gihapon ang himaya sa Ginoo; ug malipay ang Ginoo diha sa iyang mga buhat!

Makapahimuot unta kaniya ang akong isugilon; maglipay ako diha sa Ginoo.

R. Ginoo, ipadala ang imong Espiritu, ug bag-oha ang nawong sa yuta.

BASAHON II

1 Cor. 12:3-7, 12-13

KINUTLO GIKAN SA UNANG SULAT NI SAN PABLO NGADTO SA TAGA-CORINTO

Busa kinahanglan hibaloan ninyo nga ang tawo nga gimandoan sa Espiritu sa Dios dili makatunglo kang Jesus, ug walay makasugid nga si Jesus mao ang Ginoo, gawas kon mandoan siya sa Espiritu Santo.

May nagkalainlaing mga hiyas nga espirituhanon, apan mao rang Espirituha ang naghatag niini. May nagkalainlaing paagi sa pag-alagad, apan mao rang Ginooha ang gialagaran. May nagkalain- laing katakus sa pag-alagad, apan usa ra ka Dios ang naghatag og katakus sa tagsatagsa alang sa tanang pag-alagad. Ang matag usa gihatagan og pipila ka ilhanan sa presensiya sa Espiritu alang sa kaayohan sa tanan.

Kay si Cristo sama sa usa ka lawas nga may daghang bahin apan usa ra ka lawas bisan kon nagkalainlain ang mga bahin niini. Sa samang pagkaagi, kitang tanan, mga Judio ug mga dili Judio, mga ulipon ug mga dili ulipon, gibunyagan diha sa usa ka lawas, pinaagi sa mao gihapong Espiritu, ug gipainom kitang tanan sa usa ka Espiritu.

ANG PULONG SA GINOO.

SEKWENSIYA

Umari ka, O Espiritu Santo, ug ibanwag ang langitnong silaw sa imong kahayag. Amahan sa mga kabos, tighatag sa mga gasa.

Sa mga kasingkasing masiga nga kahayag. Ikaw mao ang maglilipayng labing hingpit Sa kalag kalan-ong tam-is, binating dinapit, Pahulayanan ka dinhi sa tanang kabudlay

Sa kainit tigbugnaw, sa kagul-anan tiglipay.

O bulahang kahayag, tubaga ang kasing- kasing

Sa imong katawhan nga kanimo nagatuo. Kon ang tawo wala sa imong grasya Kawad-an siyag kaputli, mawala siyay nada. Hugasi ang mahugaw, ang uga bisbisi Ug unya ang tanang nasamdan tambali, Ang nahisalaag tultoli, ang matig-a humoka

Ug ang mabugnawon nga kalag inita. Ihatag sa nagatuo kanimo Ang imong pito ka gasa nga sagrado. Gantihi sila tungod sa mga buhat nga maayo, Hatagi sila sa kamatayon nga sa kaluwasan magseguro, Igasa nila ang langitnong kabulahanan Nga nagalungtad hangtod gayod sa kahangturan.

Amen.

Aleluya.

ALELUYA

Aleluya. Umari ka, O Espirtu Santo. Pun-a sa kalayo sa imong gugma ang mga kasingkasing sa imong mga alagad. Aleluya.

EBANGHELYO

Jn. 20: 19-23

Kinutlo gikan sa Balaan nga Ebanghelyo sumala ni Juan

Pagkagabii nianang unang ang adlaw sa semana, samtang gitrangkahan ang mga pultahan diin nahimutang ang mga tinun-an tungod sa kahadlok sa mga Judio, miabot si Jesus ug miba- rog sa taliwala ug miingon kanila, "Ang kalinaw maanaa kaninyo." Sa pagkasulti niya niini, gipakita niya ang iyang mga kamot ug kilid ngadto kanila. Busa nagmaya ang mga tinun- an sa pagkakita sa Ginoo. Miingon si [Jesus] kanila pag-usab, "Ang kalinaw maanaa kaninyo. Ingon nga ang Amahan nagpa-dala kanako, ako usab nagpadala kaninyo." Ug human siya makasulti niini, mihuyop siya ug miingon kanila, "Dawata ninyo ang Espiritu Santo. Kang bisan kinsang mga sala nga inyong pasay- loon, kini gipasaylo; kang bisan kinsang mga sala nga dili ninyo pasayloon, kini dili pasayloon."

Ang Ebanghelyo sa Ginoo.

KATILIGNABANONG PAG-AMPO

MAYO 19, 2024

Pari: Mga igsuon, maghiusa kita pagpangaliya sa Dios nga Amahan. Usa man ang pagtuo, paglaom ug paghigugma nga nagagikan sa iyang Santos nga Espiritu. Sa matag pag- ampo, kita moingon:

GINOO, IPADALA ANG IMONG ESPIRITU.

1. Alang nangulo as Simbahan ilabina si Papa Francisco, mga Obispo, kaparian, diyakono ug mga relihiyoso, lig-onon unta sa Espiritu Santo aron mahimo silang saksi ni Kristo diha sa ilang kinabuhi nga pinasikad sa pagtuo ug paghigugma. Mag- ampo kita sa Ginoo.

2. Alang sa mga nangulo sa gobiyerno sa tibuok kalibutan, makakaplag sa Gingharian sa Dios nga mao ang kalinaw ug kalipay diha sa Epiritu Santo aron diha sa ilang pagpangalagad sa katawhan, mapaambit nila kini sa mga nanginahanglan. Mag- ampo kita sa Ginoo.

3. Alang sa mga tawo nga anaa sa kalibog ug kahadlok, ang Espiritu Santo maglamdag sa ilang salabutan ug maghatag og igong kalig-on. Mag-ampo kita sa Ginoo.

4. Alang sa mga masakiton, tigulang ug himalatyon, mapuno sa Espiritu Santo aron maangkon nila ang kahupayan sa ilang mga kagul-anan ug ang tinuoray nga kalipay ilang masinati. Mag-ampo kita sa Ginoo.

5. Alang sa mga nagadayeg ug nagapasalamat sa Dios ilabina nila ___sa kanunay maabli ang ilang mga kasingkasing sa pagdawat sa grasya sa Espiritu Santo diha sa ilang kinabuhi. Mag-ampo kita sa Ginoo.

6. Alang sa mga magtutuong nangamatay ilabina sila ___nga ang Espiritu nga mibanhaw kang Cristo maghatag unta kanila sa kinabuhing walay katapusan. Mag-ampo kita sa Ginoo.

7. Sa kahilum, atong ihalad sa Dios ang atong kaugalingong katuyoan.

Pari: O Dios, ikaw mihatag sa Espiritu Santo ngadto sa mga Apostoles. Imo usab nga pagbuot nga pinaagi kanila ug sa ilang mga sumusunod, ang maong Espiritu ikahatag usab ngadto sa tanang mga matuohon. Patalinghugi nga maluluy-on kining among pag-ampo ug itugot nga ang pagtuo og paghigugma nga misugod pagkaylap niadtong unang pagwali sa Ebanghelyo mulambo unta diha sa kasingkasing sa mga matuohon. Kini among gipangayo pinaagi ni Kristo nga among Ginoo.