Pangulo: Ang Dios sa kanunay nagpahinumdum kanato sa pagsalig Kaniya sa hingpit. Busa ato karong ihalad ang atong mga panginahanglan ug pangayoon usab nato ang pangama ni San Vicente Ferrer niinig pagsaulog nato sa iyang kapistahan. Ug sa matag pag-ampo kita motubag: GINOO SA GUGMA PAMINAWA KAMI.
1. Alang sa atong Simbahan ilabina ang nagdumala niini ang Santo Papa, mga Obispo ug kaparian nga sa kanunay ang Espiritu Santo maglamdag kanila aron magmakanunayon sila sa pagtuman sa misyon nga gisangon kanila. Mag-ampo kita.
2. Alang sa mga pangulo sa atong panggamhanan nga uban sa giya sa Espiritu Santo makahimo unta sila og kasulbaran sa mga nagkadaiyang suliran nga natagamtaman sa mga katawhan. Mag-ampo kita.
3. Alang sa atong mga kaigsoonan nga nakasinati sa naglainlaing kasakitan sa kinabuhi nga makaangkon na unta sila sa kahupayan nga dugay na nilang gihandum pinaagi sa mga instrumento nga Imong gipadala kanila. Mag-ampo kita.
4. Alang sa mga lideres sa atong tagsa tagsa ka katilingban nga ila untang ipaambit ang ilang kahayag ngadto sa uban diha sa ilang matinud-anong pag-alagad sa tanan. Mag-ampo kita.
5. Alang kanatong tanan nga ang Pulong ug mensahe sa atong Ginoo atong mapuy-an aron makahimo kita sa pagpaambit niini ngadto sa uban ilabina diha sa atong tagsa tagsa ka pamilya. Mag-ampo kita.
6. Alang sa mga nagdayeg ug nagpasalamat ilabina sila nga ania karon, makatagamtam unta sa panalangin sa mahigugmaong Amahan. Mag-ampo kita
7. Alang sa mga nangamatay natong mga kaigsoonan, makasulod na unta sa langit nga gisaad ni Cristo. Mag-ampo kita.
Pangulo: Amahan nga maloloy-on, nasayod kami nga kon wala Ikaw, wala gayud kami mahimo. Puno sa dakung pagsalig ug pagtoo amo nang nahalad Kanimo ang among mga panginahanglan. Itugot nga amo na kining maangkon pinaagi ni Kristo among Ginoo. Amen.
Mga igsoon ko diha ni Cristo, maayong buntag ug malipayong fiesta kanatong tanan.
Karon, Huwebes sa ikaduhang Semana sa Pasko sa Pagkabanhaw, karon usab atong saulogon ang ika-napulo ug tulo nga kapistahan sa atong Mahal nga Patron San Vicente Ferrer.
Ang unang pagbasa nga gikan sa mga Buhat sa mga Apostoles, Si Pedro ug ubang mga Apostoles mitubag, "Kinahanglan sundon namo ang Dios ug dili ang mga tawo.
Ug ang ebangelyo sumala sa Ebanghelyo ni San Juan, si Jesus miingon kang Nicodemo, "Siya nga gikan sa itaas labaw sa tanan."
Palihug manindog alang sa pagsugod sa Santos nga Eukaristiya.
Comments
Post a Comment