Novena

 PAG-AMPO SA ADLAWNG TANAN

Mahimayaon nga Patriarca Senor San Jose, esposo ni Maria Santisima, pinaka-Amahan ni Jesus nga atong kinabuhi, ug manlalaban namo nagahapa kami saimong mga tiil ug nagahalad kanimo sa pipito ka Amahan namo ug pipito ka Maghimaya ka Maria ug Gloria Patri sa paghinumdum ug pagtahud sa mga punoan nga kasakit ug kalipay nga gibati mo dinhi niining kinabuhi ingon man usab tungud sa kanunay nga kasubo nga gibati mo dinhi niining kinabuhi ingon man usab tungud sa kanunay nga kasubo nga gibati mo sa pagpalandong sa lawas nga walay buling ni Jesus nga bata, nga sa ulahi nga adlaw sa ubos sakiton sa dako nga mga kasakit, pagaduphon ug tungud usab sa dakung kasakit sa kasingkasing mo sa pagbulag kang Jesus ug sa iyang Santos nga Inahan sa imong ikamatay; ingon man usab tungud sa kalipay nga daku sa imong kasingkasing sa pagpalandong sa mga bunga nga matam-is sa grasya ug pagka Santos nga hiambitan sa mga tawo, sa kahoy nga Santos sa Cruz, ug sa pagtambong kanimo ni Jesus nga mayo ug sa Inahan niya nga nga mahigugmaon sa oras sa among ikamatay; busa nagahangyo kami sa imong paglaban ug nangamuyo nga idangat mo kami sa kamahalan nga diosnon sa mga grasya nga gitugot sa imong kalolot sa mga tawo nga nagadevocion kanimo ug ingon man usab ang pangayoon namo sa Dios sa labi nga angay sa iyang dakung himaya, sa pagtahud kanimo ug sa kaayuhan sa among mga kalag. Amen Jesus, Maria y Jose.

Karon pangadyeon ang pito ka Amahan namo ug pito ka Maghimaya ka Maria ug Gloria Patri.

IKADUHANG ADLAWP PAG-AMPOSantos uyamut nga Amahan ug Patriarca Sr. San Jose nga nasubo ka sa Belen kay walay hingkit-an mo bisan usa ka balay nga pagasak-an ni Maria Santisima, ang mahal nga esposa mo; ug gidala mo didto sa usa ka kamalig nga guba niadtong gabii nga katingalahan; ug sa pag-abut sa oras sa atong kapalaran gianak niya nga ulay ang Bata nga Dios tungud sa kasakit nga gibati sa kasingkasing mo sa pagtan-aw niadtong Bata nga Diosnon nga giligad sa malaksot nga ligaran sa usa ka pasungan ug giputos sa mga pobres nga noog ug gibutang sa dagami nagakurog sa katugnaw minghilak tungud sa among mga sala ug tungud sa kalipay sa imong kalag sa pagtan-aw mo sa maong gabii nga gisimba ang Batang Dios sa mga Espiritu nga langitnon; ug sa mga pastores, sa pagmatuod nila nga siya mao ang Mesias nga gisaad; nanganmuyo kami kanimo nga ig-ampo mo kami ug ipadangat mo sa atong Ginoong Dios nga ang among mga kalag, gawas ang tanan nga pagkadautan, mahimo nga matahum nga ligaran ug puloy-anan niya nga diha magpuyo sa gihapon, sa pagpa-ambit kanamo sa kadait nga idangat mo kami sa among gipangayo niining Novena, kon daw angay sa himaya sa Dios ug dungog mo. Amen Jesus, Maria y Jose,

PAG-AMPO NGA KINATAPUSAN SA ADLAW NGATANAN

Oh Dios nga walay sinugdan ug makagagahum sa nga tanan, nga tungud sa imong kalooy gipili mo sa tanang mga tawo ang among Amahan Senor San Jose aron mahimo nga esposo sa Mahal nga Birhen Maria ug magbalantay nga matinumanon sa hingpit niya nga pagkaulay, pinaka Amahan ug agbalantay nga makugihon ni Jesus, testigos sa mga misteryo nga labi ug halawon, sinayran mo sa mga sekreto nga labing tinago; punoan ug pangulo sa imong balay ug mga sakop niya si Jesus ug si Maria, nga gibuhi niya sa singot ug sa kanago sa iyang lawas, giubanan niya, ug gisagang sa pagdumot kanila sa mga tawo ug sa ilang mga peligro sa pagtuman nga hingpit sa kabubut-on nga Santos uyamut sa mga hataas nga katungdanan nga gihatag mo kaniya, ingon sa usa ka alagad nga masinugtanon tungud sa mga pahanungdan niining Patriarca nga Santos uyamut nangamuyo kami kanimo, Ginoo nga kaloy-an mo ang among kaluya ug kahangol, pasayloon mo ang among mga sala ug tagaan mo kami sa grasya nga ikatuman sa mga katungdanan sa among pagkabutang ug ikatuman usab sa mga batasan nga Santos sa pagbuhat sa ngatanan nga angay sa pagsilbi kanimo ug sa pagpadayon kutub sa katapusan sa among kinabuhi aron makadawat kami sa usa ka Santos nga kamatayon ug sa katapusan dangaton namo ang bulahan nga dili matapus gihapon. Amen Jesus, Maria y Jose.