Novena unang adlaw

 PAG-AMPO SA ADLAWNG TANAN

Mahimayaon nga Patriarca Senor San Jose, esposo ni Maria Santisima, pinaka-Amahan ni Jesus nga atong kinabuhi, ug manlalaban namo nagahapa kami saimong mga tiil ug nagahalad kanimo sa pipito ka Amahan namo ug pipito ka Maghimaya ka Maria ug Gloria Patri sa paghinumdum ug pagtahud sa mga punoan nga kasakit ug kalipay nga gibati mo dinhi niining kinabuhi ingon man usab tungud sa kanunay nga kasubo nga gibati mo dinhi niining kinabuhi ingon man usab tungud sa kanunay nga kasubo nga gibati mo sa pagpalandong sa lawas nga walay buling ni Jesus nga bata, nga sa ulahi nga adlaw sa ubos sakiton sa dako nga mga kasakit, pagaduphon ug tungud usab sa dakung kasakit sa kasingkasing mo sa pagbulag kang Jesus ug sa iyang Santos nga Inahan sa imong ikamatay; ingon man usab tungud sa kalipay nga daku sa imong kasingkasing sa pagpalandong sa mga bunga nga matam-is sa grasya ug pagka Santos nga hiambitan sa mga tawo, sa kahoy nga Santos sa Cruz, ug sa pagtambong kanimo ni Jesus nga mayo ug sa Inahan niya nga nga mahigugmaón sa oras sa among ikamatay; busa nagahangyo kami sa imong paglaban ug nangamuyo.nga idangat mo kami sa kamahalan nga diosnon sa mga grasya nga gitugot sa imong kalolot sa mga tawo nga nagadevocion kanimo ug ingon man usab ang pangayoon namo sa Dios sa labi nga angay sa iyang dakung himaya, sa pagtahud kanimo ug sa kaayuhan sa among mga kalag. Amen Jesus, Maria y Jose.

Karon pangadyeon ang pito ka Amahan namo ug pito ka Maghimaya ka Maria ug Gloria Patri.

PAG-AMPO SA NAHAUNANG ADLAW

Santos uyamut nga Amahan ug Patriarca Sr. San Jose tungud sa kasakit nga gibati sa kasingkasing mo sa pagtan-aw nga nanamkon si Maria Santisima nga mahal nga esposa mo, kay bisan sa kalig-on kanimo ang dayag nga pagpakaila sa mahal nga virtudes niya ug sa hingpit niya nga pagkaulay, bisan pa ngani nakasakit kanimo ang kasayuran nga gikan sa mga mata mo, ug tungud niana imong katarungan gituyo mo dili kay isumbong mo siya, kon dili mipahawa ka ug mibulag kaniya ug kini nakasakit kaayo sa kasingkasing mo; tungud sa kalipay nga gibati sa kalag mo sa pag-ingon kanimo sa Anghel nga dili ka mahadlok, ka yang putli ug ulay uyamut nga esposa mo nga si Maria Santisima nanamkon sa Anak sa Dios, sa lalang ug grasya sa Espiritu Santo; nangamuyo kami kanimo nga ig-ampo mo kami, ug idangat kami sa atong Ginoong Dios, nga gawason mo kami sa ngatanan nga kalisud namo, aron makadawat kami dinhi niining kinabuhi sa kahusay ug kadait sulod sa among mga kalag; ug nangamuyo usab kami kanimo nga idangat mo kami sa gipangayo namo niining novena, kon daw angay sa himaya sa Dios ug sa dungog mo. Amen, Jesus, Maria y Jose.

Karon ang tagsa-tagsa magadasig sa iyang pagsalig ingon sa iyang maabut sa mga pulong ug mga pagpalandong nga labing angay sa iyang devocion, ug mangayo sa mahimayaon nga Patriarca Senyor San Jose sa grasya o kalooy nga gituyo niya.

PAG-AMPO NGA KINATAPUSAN SA ADLAW NGATANAN

Oh Dios nga walay sinugdan ug makagagahum sa nga tanan, nga tungud sa imong kalooy gipili mo sa tanang mga tawo ang among Amahan Senor San Jose aron mahimo nga esposo sa Mahal nga Birhen Maria ug magbalantay nga matinumanon sa hingpit niya nga pagkaulay, pinaka Amahan ug agbalantay nga makugihon ni Jesus, testigos sa mga misteryo nga labi ug halawon, sinayran mo sa mga sekreto nga labing tinago; punoan ug pangulo sa imong balay ug mga sakop niya si Jesus ug si Maria, nga gibuhi niya sa singot ug sa kanago sa iyang lawas, giubanan niya, ug gisagang sa pagdumot kanila sa mga tawo ug sa ilang mga peligro sa pagtuman nga hingpit sa kabubut-on nga Santos uyamut sa mga hataas nga katungdanan nga gihatag mo kaniya, ingon sa usa ka alagad nga masinugtanon tungud sa mga pahanungdan niining Patriarca nga Santos uyamut nangamuyo kami kanimo, Ginoo nga kaloy-an mo ang among kaluya ug kahangol, pasayloon mo ang among mga sala ug tagaan mo kami sa grasya nga ikatuman sa mga katungdanan sa among pagkabutang ug ikatuman usab sa mga batasan nga Santos sa pagbuhat sa ngatanan nga angay sa pagsilbi kanimo ug sa pagpadayon kutub sa katapusan sa among kinabuhi aron makadawat kami sa usa ka Santos nga kamatayon ug sa katapusan dangaton namo ang bulahan nga dili matapus gihapon. Amen Jesus, Maria y Jose.

Ania: Sa pagtindog ni Jose gikan sa kahitas-an, gibuhat ni Jose ang gisugo sa Anghel sa Ginoo ug gikuha niya ang iyang asawa.

V. Iyang gihimo siyang Ginoo nga iyang ginoo.

R. Ug ang prinsipe sa tanan niyang mga kabtangan.

OREMUS

Ang Dios, nga sa dili matukib nga probidensya mibuot sa pagpili kang mahimayaong San Jose isip Kapikas sa imong Labing Balaan nga Inahan; itugot, nangamuyo kami kanimo, nga kami takus nga adunay usa ka tigpataliwala sa langit, nga buhi ug naghari, nga among gisimba sa yuta, ug uban pa.