IKAUPAT NGA NOVENA

MIERCOLES

SA IKAUPAT NGA SEMANA SA KWARESMA

PASIUNA

Marso 13, 2024

Mga igsoon ko diha ni Cristo maayong gabii kaninyong tanan.

Karon Miyerkules sa Ikaupat nga Semana sa Kwaresma ug ika-upat nga adlaw sa Novena alang sa atong mahal nga Patron Sr. San Jose esposo ni Maria.

Palihug manindog alang sa pagsugod sa Santos nga Eukaristiya..

Salmo Responsoryo:

"ANG GINOO MAAYO UG MALOLOY-ON."

Pangaliya sa Katawhan:

GINOO, DUNGGA ANG AMONG PAG-AMPO.

BASAHON I

Isaias 49.8.15

Kinutlo gikan sa hasahon ni Propeta Isaias.

Mao kini ang giingon sa Ginoo: "Sa panahon nga nahimut-an gitubag ko ikaw, gi tabangan ko ikaw sa adlaw sa kaluwasan; gibantayan ko ikaw sa adlaw sa kaluwasan; gibantayan ko ikaw ug gihatag ingon nga ka sabotan ngadto sa katawhan, aron pagpahiuli sa yuta, ug pagbahinbahin sa kabilin nga gipamiyaan.

Moingon ako ngadto sa mga binilanggo, 'Gula kamo, ug niadtong anaa sa kangitngit 'Pakita kamo.' Manibsib sila daplin sa kada- lanan, ug mahimo nga ilang sibsibanan ang hawan nga kabungtoran; dili sila gutomon ni uhawon, ni ang hangin ug kainit sa adlaw mo- sakit kanila, kay tultolan sila ngadto sa mga tuboran sa tubig niadtong may kaluoy kanila. 'Ug himoon ko nga usa ka agianan, ang tanan kong kabukiran, ug patagon ang akong ka- dalanan.

May mangabot gikan sa halayo, ang uban gikan sa amihanan ug kasadpan, ug ang uban sa nasod sa Seyene." Pag-awit sa kalipay, O kalangitan, ug pagmaya, O yuta; panag-awit, O kabukiran! Kay gilipay sa Ginoo ang iyang katawhan, ug maluoy siya sa mga nag-antos.

Ang Sion miingon, "Gibiyaan na ako sa Ginoo, nalimot na siya kanako." "Makalimot ba ang usa ka inahan sa iyang anak nga ma- suso, o dili niya mahalon ang iyang anak?" Bisan pa gani kini sila malimot, apan dili ga- yod ako malimot kanimo.

Ang Pulong sa Ginoo.

SALMO RESPONSORYO

Salmo 145.8-9.13-14.17-18

R. (8) Ang Ginoo maayo ug maloloy-on.

Ang Ginoo maayo ug maloloy-on, dugay nga masuko ug dako sa kalooy, Ang Ginoo maayo sa tanan ug maloloy-on sa tanan niyang mga binuhat

R. Ang Ginoo maayo ug maloloy-on.

Ang Ginoo matinumanon diha sa tanan niyang mga pulong ug balaan diha sa tanan niyang mga buhat. Ang Ginoo nagapabangon sa tanan nga napukan ug nagapatindog sa tanan nga nangalipay.

R. Ang Ginoo maayo ug maloloy-on.

Ang Ginoo matarong diha sa tanan niyang mga paagi ug balaan diha sa tanan niyang mga buhat. Ang Ginoo haduol sa tanan nga nagasangpit kaniya, sa tanan nga nagasangpit kaniya diha sa kama- tuoran.

R. Ang Ginoo maayo ug maloloy-on.

EBANGHELYO

Jn. 5. 17-30

Ang Santos nga Ebanghelyo sumala ni San Juan.

Si Jesus mitubag kanila, "Ang akong Amahan nagabuhat hangtod karon ug ako usah nagabuhat." Tungod niini misamot hi- nuon ang tinguha sa mga Judio sa pagpatay kaniya; sanglit dili lamang kay gilapas niya ang balaod sa Adlawng Igpapahulay, kondili miingon pa gayod siya nga ang Dios iyang Amahan, ug sa ingon niini gipakasama niya ang iyang kaugalingon sa Dios.

Busa si Jesus mitubag kanila, "Sultihan ko kamo sa matuod: ang Anak walay mahimo sa iyang kaugalingon; siya nagabuhat lamang sa nakita niya nga gibuhat sa iyang Amahan. Ang gibuhat sa Amahan, gibuhat usab sa Anak. Kay ang Amahan nahigugma sa Anak ug naga-pakita ngadto sa Anak sa tanan nga iyang gi- buhat. Ug ipakita pa gayod kaniya sa Amahan ang mga butang nga labi pang kahibulongan kay niini; ug nahibulong kamong tanan. Kay ingon nga ang Amahan nagabanhaw sa mga minatay ug nagahatag ug kinabuhi, ang Anak usab nagahatag ug kinabuhi ngadto sa buot niyang hatagan. Ang Amahan dili magahukom kang bisan kinsa, kay gihatag niya sa iyang Anak ang hingpit nga katungod sa paghukom, aron ang tanan magapasidungog sa Anak ingon nga sila nagapasidungog sa Amahan. Ang dili magapasidungog sa Anak dili usab magapasi- dungog sa Amahan nga nagpadala kaniya.

"Sultihan ko kamo sa matuod: ang ma- mati sa akong gisulti ug motuo kaniya nga nagpadala kanako, may kinabuhing dayon. Siya dili pagahukman, kondili nakalatas na siya gikan sa kamatayon ngadto sa kinabuhi. Sultihan ko kamo sa matuod: taliabot ang panahon ug kini miabot na, nga ang mga patay makabati sa tingog sa Anak sa Dios, ug ang magpatalinghog niini mabuhi. Ingon nga ang Amahan mao ang tinubdan sa kinabuhi, gihi- mo usab niya ang iyang Anak nga tinubdan sa kinabuhi. Ug iyang gihatagan ang Anak sa ka- tungod sa paghukom, kay siya mao man ang Anak sa Tawo. Ayaw kamo kahibulong niini, kay moabot ang panahon nga ang tanang mga patay nga anaa sa mga lubnganan makadungog sa iyang tingog, ug manggula sila sa ilang lu- bong: kadtong maayog binuhatan banhawon ug mabuhi, ug kadtong daotag binuhatan ban- hawon ug silotan."

"Wala akoy mahimo sa akong kaugali- ngon; magahukom lamang ako sumala sa isul- ti sa Dios kanako, ug busa ang akong hukom matarong kay wala man ako magatinguha pag- buhat sa akong kabubut-on, kondili sa kabu- but-on sa nagpadala kanako.

Ang Ebanghelyo sa Ginoo.

PANGALIYA SA KATILINGBAN

Pari: Sa atong pagdala sa mga pag-ampo ngadto sa altar sa Dios, atong pangayoon ang kalig-on ug pagtuo sa pagsunod sa iyang kabubut-on.  Sa matag pag-ampo kita moingon: GINOO, DUNGGA ANG AMONG PAG-AMPO.

1. Nga ang simbahan mogiya sa katawhan sa Dios ngadto sa dalan sa kaayo ug ngadto sa iyang makaluwas nga gugma. Mag-ampo kita.

2. Nga ang mga lumilihok sa panggamhanan magmakanunayon sa pagbarog sa kamatuoran ug manalipod sa kabalaan sa kinabuhi sa tawo ug sa pamilya. Mag- ampo kita.

3. Nga kadtong mga nag-atubang sa mga pagsulay ug pagpanglutos tungod sa ilang pagtuo magmalig-on ug magmakanunayon diha sa ilang pagsalig sa Ginoo. Mag-ampo kita.

4. Nga kita makasunod sa panag-ingnan ni Cristo nga 

masinugtanon sa kabubut-on sa Ginoo. Mag-ampo kita.

5. Nga ang mga midayeg ug mipasalamat sa Dios ilabina nila ____ motubo unta diha sa Iyang kaayo ug gugma aron mamahimong maayong sumusunod ni Cristo. Mag-ampo kita

6. Nga ang mga nangamatay ilabina sila _____  sa katapusan makadawat sa gisaad sa Ginoo ang kinabuhing walay katapusan kita. Mag-ampo

Pari: Langitnong Amahan, tabangi kami sa pagpahaum sa among kaugalingon ngadto sa imong kabubut-on aron kami makapuyo sa kinabuhi nga imong gipangandoy alang kanamo. Itugot kini pinaagi ni Cristo among Ginoo. Amen.