IKAPITO NGA NOVENA

SABADO

SA IKAUPAT NGA SEMANA SA KWARESMA

PASIUNA

Marso 16, 2024

Mga igsoon ko diha ni Cristo maayong gabii kaninyong tanan.

Karon Sabado sa Ikaupat nga Semana sa Kwaresma ug ika-pito nga adlaw sa Novena alang sa atong mahal nga Patron Sr. San Jose esposo ni Maria.

Palihug manindog alang sa pagsugod sa Santos nga Eukaristiya..

Salmo Responsoryo:

"O Ginoong akong Dios, nagadangop ako kanimo."

Pangaliya sa Katawhan:

GINOO, DUNGGA ANG AMONG PAG-AMPO.

BASAHON I

Jer. 11.18-20

Kinutlo gikan sa basahon ni Propeta Jeremias.

"Gisuginlan ako sa Ginoo bahin sa laraw sa akong mga kaaway batok kanako. Sama ako sa maaghop nga nating karnero nga patyonon wala ako masayod nga naglaraw diay silag daotan batok kanako. Matod nila, 'Putlon nato ang kahoy samtang lig-on pa kini; ato siyang patyon aron wala nay mahinum- dom kaniya. "

Unya nag-ampo si Jeremias, "Labing Gamhanang Dios, maghuhukom ka nga matarong; nagsusi ka sa kasingkasing ug huna- huna sa tawo. Pakit-a ako inigpanimalos mo kanila, kay gitugyan ko na man kanimo ang akong kawsa."

Ang Pulong sa Ginoo.

SALMO RESPONSORYO

S.7.2-3.9-10.11.12

R. (2) O Ginoong akong Dios, nagadangop ako kanimo.

O Ginoong akong Dios, nagadangop ako kanimo; luwasa ako sa mga naggukod kanako ug palingkawasa ako, Tingali unyag mahimo ako nga sama sa gitukob sa leyon, kuniskonison nga wala gayoy motabang.

R. O Ginoong akong Dios, nagadangop ako kanimo.

Hukmi ako, O Ginoo, kay nagmatarong ako, ug tungod kay wala akoy sala.

Laglaga ang kangil-ad sa dautan, apan saguga ang matarong, O tig-usisa sa kasingkasing ug sa kalag, O matarong nga Dios.

R. O Ginoong akong Dios, nagadangop ako kanimo.

Taming sa akong atubangan mao ang Dios, nga nagałuwas sa matarong og kasingkasing Matarong nga maghuhukom ang Dios, usa ka Dios nga mosilot sa adlaw-adlaw.

R. O Ginoong akong Dios, nagadangop ako kanimo.

EBANGHELYO

Jn. 7. 40-53

Ang Santos nga Ebanghelyo sumala ni San Juan.

Daghang mga tawo didto nakadungog kaniya nga misulti niini ug sila miingon, "Kining tawhana mao gayod ang Propeta! "Ang uban miingon, "Siya mao ang Mesiyas!" Apan ang uban usab miingon, "Ang Mesiyas dili maga- gikan sa Galilea. Ang Kasulatan nagaingon nga ang Mesiyas kaliwat ni David ug matawo siya sa Betlehem, ang lungsod nga gipuy-an ni David." Busa tungod kaniya nabahin ang mga tawo. Ang uban gusto unta nga modakop kaniya, apan walay nakahimo pagbuhat niini.

Ang mga sundalo namalik ngadto sa mga pangulong pari ug sa mga Pariseo, nga nangu- tana kanila, "Nganong wala man ninyo siya dad-a nganhi?" Ang mga sundalo mitubag, "Wala pay tawo nga nakasulti sama kaniya." Ang mga Pariseo nangutana kanila, "Hasta ba usab kamo nalimbongan niya? May usa ba sa atong mga pangulo o usa ka Pariseo nga mituo kaniya? Kining mga tawhana wala masayod sa Balaod ni Moises, busa tinunglo sila sa Dios." Si Nocodemo, usa sa mga Pariseo nga nakigkita kang Jesus kaniadto, miingon kanila, "Sumala sa atong Balaod, dili kita makahukom nga sad-an ang usa ka tawo sa dili pa nato siya mahusay ug maila kon unsay iyang nabuhat." Sila mitubag, "Taga-Galilea ba usab ikaw? Nan, pagtuon sa Kasulatan ug imong masayran nga wala pagayoy propeta nga nagagikan sa Galilea."

Ang Ebanghelyo sa Ginoo.

Katilingbanong Pag-ampo:

Marso 16, 2024

Pari: Atong itugyan ug ipadayag ang atong mga pag-ampo ngadto sa Ginoo masaligon nga iya kining tubagon og moingon kita: 

GINOO, DUNGGA ANG AMONG PAG-AMPO.

1. Nga ang nangulo sa simbahan dinasig sa Balaang Espiritu makahatag sa ilang kaugalingon alang sa pagsangyaw sa mensahe sa Ebanghelyo ug mapuy-an kini sa ilang kinabuhi. Mag-ampo kita.

2. Nga ang mga naghupot sa awtoridad sa nasud magiyahan unta sa diwa sa pagtuo. Mag-ampo kita.

3. Nga ang mga masakiton, mga binilanggo, mga tigulang, ug mga hinikawan sa maayong panglawas malig-on unta sa makahupay nga pulong sa Ginoo. Mag-ampo kita.

4. Nga ang mga nagdayeg ug nagapasalamat sa Dios ilabina sila,___ makadawat sa mga grasya sa matag adlaw. Mag-ampo kita.

5. Nga ang mga nangamatay nga magtutuo ilabina nila _____ makatagamtam unta sa gisaad nga walay katapusang kalinaw. Mag- ampo kita.

Pari: Amahan sa tanan, imong gipadala ang imong Bugtong Anak aron kami mahibalik diha kanimo. Giyahi kami sa among tahas sa pagpakaylap sa among pagtuo ngadto sa tibuok kalibutan. Kini among gipangayo pinaagi ni Cristo among Ginoo. Amen.