Ikaduhang adlaw sa novena
LUNES SA IKAUPAT NGA SEMANA SA KWARESMA
Ikaduhang adlaw sa Novena
Isaias 65.17-21
Kinutlo gikan sa basahon ni Propeta Isaias.
Ania, hapit na ako magbuhat og bag- ong mga langit ug usa ka bag-ong yuta; Ang mga butang nga mangagi dili na hinum- doman ni moabut sa panumdoman. Inay niini, maduna kanunay kasadya ug kalipay diha sa akong buhaton; kay buhaton ko ang Jerusalem nga usa ka kalipay; Maglipay ako diha sa Jerusalem ug magsadya diha sa akong kataw- han. Dili na mabati didto ang tingog sa dangoy- ngoy, ni ang tingog sa paghilak; Wala na didtoy usa ka bata nga mabuhi og pipila la- mang kaadlaw, o usa ka tigulang nga dili mag- puyo og taas nga kinabuhi; Mamatay nga ba- tan-on pa siya nga makaabut og usa ka gatus isipon nga desgrasiyado.
Magpuyo sila didto sa mga balay nga ilang tukoron, ug magkaon sa bunga sa mga parasan nga ilang itanum.
Mao kini ang Pulong sa Ginoo
SALMO RESPONSORYO
Salmo 30.2.4.5-6. 11-13
R. (2) Dayegon ko ikaw, O Ginoo, kay imo man ako nga giluwas.
Ibayaw ko ikaw, O Ginoo, kay imo akong gigakos pag-ayo ug wala ka motugot nga ang akong mga ka- away maglipay bahin kanako.
O Ginoo, gikuha mo ako gikan sa kahiladman sa kalibutan; gilingkawas mo ako gikan kanila nga naga- dulong sa kahiladman.
R. Dayegon ko ikaw, O Ginoo, kay imo man ako nga giluwas.
Dayega ang Ginoo, kamong matinumanon kaniya, ug pasalamati ang iyang balaan nga ngalan. Kay ang iyang kasuko molungtad sa makadiyot lamang; apan ang iyang maayong kabubut-on, sa ti- buok kinabuhi.
Sa gabii, mosulod ang paghilak, apan sa kaadlawon, ang pagsadya.
R. Dayegon ko ikaw, O Ginoo, kay imo man ako nga giluwas.
Pamati, O Ginoo, ug kaloy-i ako;
O Ginoo, pagpakahimong akong magtatabang. Gibalhin mo ang akong pagbangotan ngadto sa pagsayaw;
O Ginoo, akong Dios, hangtod sa kahangtoran pasalamatan ko ikaw.
R. Dayegon ko ikaw, O Ginoo, kay imo man ako nga giluwas.
EBANGHELYO
Jn. 4. 43-54
+Ang Santos nga Ebanghelyo sumala ni San Juan.
Tapos sa duha ka adlaw, si Jesus miadto sa Galilea; kay siya miingon man, "Ang usa ka propeta dili tinahod sa iyang kaugalingong lungsod." Sa pag-abot niya sa Galilea, gidawat siya sa mga Galileanhon, kay sila mismo na- hiadto man sa Jerusalem sa Pangilin sa Pasko, ug nakakita sila sa tanan nga iyang nabuhat didto.
Busa si Jesus mibalik sa Cana sa Galilea, diin ang tubig iyang gihimong bino. Ug didto may usa ka opisyal sa kagamhanan, kansang anak nga lalaki nasakit didto sa Capernaum.
Sa pagkadungog niya nga si Jesus nahiabot sa Galilea gikan sa Judea, miadto siya kang Jesus ug mihangyo kaniya sa pag-adto sa Capernaum
aron ayohon ang iyang anak nga himatyon.
Si Jesus miingon kaniya, "Wala gayod kaninyoy motuo kanako gawas kon makakita kamog mga milagro." "Nyor," ang opisyal mitubag, "kuyog kanako sa dili pa mamatay ang akong anak." Si Jesus mitubag kaniya, "Lakaw na, ang imong anak dili mamatay! "Ang tawo mi- tuo sa gisulti ni Jesus ug milakaw. Samtang nagpaingon siya sa iyang balay, gitagbo siya sa iyang mga sulugoon ug gibalitaan nga naayo ang iyang anak. Unya iyang gipangutana sila unsang orasa naayo ang iyang anak, ug mitu- bag sila, "Gahapon sa ala una gihuwasan siya sa hilanat." Unya nahinumdom ang amahan nga mao kadtong orasa nga gisultihan siya ni Jesus nga dili mamatay ang iyang anak. Busa mituo siya ug ang tanang sakop sa iyang pa- nimalay.
Kini mao ang ikaduhang milagro nga gihimo ni Jesus sa iyang pag-abot sa Galilea gikan sa Judea.
Mao kini ang Ebanghelyo sa Ginoo
Comments
Post a Comment