STO. NIÑO

 SANTO NIÑO

The Feast of Sto. Nino of Cebu is celebrated on the Third Sunday of January or Second Sunday of Ordinary Time.

PASIUNA

ENERO 21, 2024

Maayong buntag mga igsuon diha ni Cristo.

Karong adlawa mao ang Ikatulong Domingo sa Ordinaryong Panahon. Karong adlawa usab gisaulog sa tibuok Simbahan sa Nasud Pilipinas ang Kapistahan ni Señor Santo Niño.

Diha sa unang pagbasa nga gikan sa Basahon ni propeta Isaias, atong madungog nga siya [Propeta Isaias] mipahayag sa iyang panagna mahitungod sa Mesiyas nga mao ang kahayag nga modan-ag sa kalibutan nga mangitngit tungod sa sala.

Diha sa ikaduhang basa nga gikan sa Sulat ni San Pablo ngadto sa taga-Efeso, atong madungog ang pagpahayag ni Pablo sa pipila sa labing makahupay nga mga kamatuoran sa atong pagtuo.

Ug diha sa Balaan nga Ebanghelyo sumala ni San Marcos, atong madungog si Jesus nga miingon, "Pasagdi nga ang mga bata moanhi ngari kanako...'

Palihug manindog alang sa pagsugod sa Santos nga Misa.

Salmo Responsoryo:

Ang tanang katawhan sa kalibutan nakakita sa kadaugan sa atong Dios.

Pag-ampo sa katilingban:

Ginoo, paminawa kami.

BASAHON I

Is. 9:1-6

KINUTLO GIKAN SA BASAHON NI PROPETA ISAIAS

Dili na batiog kasubo ang kaniadto nag-antos. Sa miaging panahon gipa- kaulawan niya ang Zabulon ug ang Neftali, apan sa umaabot nga mga adlaw himoon niyang nindot ang agianan latas sa dagat, ang yuta unahan sa Jordan, ang Galilea nga gipuy-an sa mga langyaw.

Ang katawhan nga kaniadto naglakaw sa kangitngit nakakitag dakong kahayag; ang nagpuyo sa mangiob nga dapit gisidlakan na sa kahayag.
Gipadaghan mo ang molupyo sa nasod, GINOO, nagmaya sila diha sa imong atubangan; sama sa pagmaya sa mga tawo inigkating-ani ug ingon nga maglipay ang mga tawo
inigbahinbahin nila sa ilang inilog.
Kay gigupok mo sama sa nahitabo sa  Midian ang yugo nga iyang gisangon
ug ang karga nga iyang gipas-an ug ang garoti sa nagdaugdaog kaniya.
Kay sunugon daw sugnod ang tanang sapatos sa mga sundalo nga nagpaingon sa gubat, ingon man ang tanang saput nga natumog sa dugo. Kay natawo alang kanato ang usa ka bata, gihatag kanato ang usa ka anak lalaki; ug siya ang magmando sa tanan, ug nganlan siyag "Maalamong Magtatambag," "Dios nga Gamhanan,"

"Walay Katapusang Amahan," "Prinsipe sa Pakigdait."

ANG PULONG SA GINOO.

SALMO RESPONSORYO

Ps. 98:1,2-3,3-4,5-6

R. Ang tanang katawhan sa kalibutan nakakita sa kadaugan sa atong Dios.

Awitig bag-ong awit ang Ginoo, kay nagbuhat siyag katingalahang mga butang.

Pinaagi sa iyang gahom ug balaang kusog, nakab-ot niya ang kadaugan.

R. Ang tanang katawhan sa kalibutan nakakita sa kadaugan sa atong Dios.

Gipahayag sa Ginoo ang iyang pagdaug, gipaila niya sa kanasuran ang iyang makaluwas mga gahom.

Gituman niya ang iyang mga saad sa katawhan sa Israel, uban sa walay paglubad nga gugma ug pagkamaunongon.

R. Ang tanang katawhan sa kalibutan nakakita sa kadaugan sa atong Dios.

Dayga ang Ginoo dinuyogan sa mga alpa, pagtugtog og honi diha sa mga alpa.

Bulhota ang mga trumpeta ug mga budyong ug singgit sa kalipay atubangan sa Ginoo, ang atong hari.

R. Ang tanang katawhan sa kalibutan nakakita sa kadaugan sa atong Dios.

BASAHON II

Eph. 1:3-6, 15-18

KINUTLO GIKAN SA SULAT NI SAN PABLO NGADTO SA TAGA-EFESO

Magpasalamat kita sa Dios ug Amahan sa atong Ginoong Jesucristo nga nagpa- nalangin kanato sa tanang espirituhanong gasa sa langit diha sa atong pagkahiusa kang Cristo. Sa wala pa buhata ang kalibutan gipili na kita sa Dios aron maiya diha ni Cristo, aron mabalaan kita ug mawalay sala sa iyang atubangan. Tungod sa iyang gugma, daan nang gibut-an sa Dios nga sagupon niya kita nga mga anak pinaagi ni Jesucristo-mao kini ang iyang gikahimut-an og tuyo. Daygon nato ang Dios tungod sa iyang labihang pagtagad kanato pinaagi sa iyang hinigugmang Anak!

Tungod niini, sukad sa pagkadungog ko nga mituo kamo sa Ginoong Jesus ug nahigugma sa tanang katawhan sa Dios, wala akoy hunong sa pagpasalamat sa Dios tungod kaninyo. Gihinumdoman ko kamo sa akong mga pag-ampo, ug nag- hangyo ako sa Dios sa atong Ginoong Jesucristo, ang Gamhanang Amahan, nga hatagan unta kamo sa Espiritu nga maghimo kaninyong maalamon ug magpadayag sa Dios kaninyo aron makaila kamo kaniya. Naghangyo usab ako nga malamdagan unta ang inyong salabotan aron masayod kamo unsa ang paglaum nga alang niini gitawag kamo. Ug hinaut usab unta nga masayod kamo sa kahupong sa mga panalangin nga gisaad niya sa iyang katawhan.

ANG PULONG SA GINO0.

EBANGHELYO

Mk. 10:13-16

Kinutlo gikan sa Ebanghelyo sumala ni Marcos

Ug nagdala sila kaniyag mga bata aron hikapon niya sila, apan gibadlong sila sa mga tinun-an. Apan sa pagkakita ni Jesus nasuko siya ug miingon siya kanila, "Pasagdi nga ang mga bata moanhi ngari kanako; ayaw ninyo silag did-i, kay ang gingharian sa Dios íla sa sama niini. Sa pagkatinuod nag-ingon akò kaninyo, bisan kinsa nga dili modawat sa gingharian sa Dios sama sa usa ka bata dili gayod makasulòd niini."

Ug gikugos niya sila, ug gitapion ang mga kamot ngadto kanila ug gipanalanginan sila.

Ang Ebanghelyo sa Ginoo.

PAG-AMPO SA KATILINGBAN

ENERO 21, 2024

Pari: Sa atong pagpasidungog kang Senor Santo Niño ug sa atong paghinumdum sa walay puas nga gugma ni Cristo sa matag usa kanato, malaumon kitang modangop sa atong Langitnong Amahan sa atong mga panginahanglan diha sa pag-ingon:

GINOO, PAMINAWA KAMI

1. Nga ang mga nagdumala sa atong Simbahan ilabina si Papa Francisco, ang atong Obispo, mgakaparian, diyakono ug mga relihiyoso, sama ni Sto. Niño, mamahimong maalamon, matinumanon ug maghari diha sa ilang mga kasingkasing ang ang hiyas sa pagkamapaubsanon ngadto sa Langitnong Amahan. Mag-ampo kita sa Ginoo.

2. Nga ang mga nagdumala sa atong nasud, mamahimong dayag diha sa ilang pulong ug buhat ang pagkamatinud-anon ug pagkamapaubsanon ni Cristo. Mag-ampo kita sa Ginoo.

3. Nga ang tanang Kabataan ug kabatan-onan, malamdagan unta ang ilang kasingkasing ug hunahuna sa tawag sa Dios sa matag adlaw ug makadawat unta sila sa tanang grasya nga ilang gikinahanglan. Mag-ampo kita sa Ginoo.

4. Nga ang tanang mga ginikanan, makakaplag diha kang Senor Santo Niño sa hiyas sa pagkamapaubsanon diha sa ilang pagtuman sa ilang kaakuhan sa paghigugma ug pag-agak sa ilang mga anak subay sa Diosnong pagtulun- an. Mag-ampo kita sa Ginoo.

5. Nga ang tanang mga makasasala, makasinati unta sa pagkamapasayloon sa Dios pinaagi ni Senor Sto. Niño, ug sa kanunay mabag-o ug mubalik ngadto Kaniya pinaagi sa pagdawat sa Sankramento sa Pakighiuli o Kumpisal. Mag- ampo kita sa Ginoo.

6. Nga ang tanang mipadayag sa ilang pasalamat ug pagdayeg sa Dios ilabina nila mamahimong hulagway ni Señor Santo Niño ngadto sa uban pinaagi sa ilang pulong ug buhat. Mag-ampo kita sa Ginoo.

7. Nga ang mga kalag sa mga magtutuong nangamatay ilabina sila mahiusa na unta sila uban sa atong Ginoo didto sa langit. Mag-ampo kita sa Ginoo.

Pari: Dios nga Makagagahum, sa pamaubsanong kasingkasing, kami nagalaum gayod nga Imong hatagan og katumanan kining among mga pag-ampo tungod kay kini among gipangayo pinaagi ni Cristo among Ginoo. Amen.

PAHIBALO: 

JAN 14, 2024

Sa atong pagsaulog sa Bulan sa Pro-Life karong Pebrero, ang Archdiocesan Commission on Social Communications, buhatan sa DXGN 89.9 Spirit FM ug Davao Catholic Herald, inubanan sa Family and Life Apostolate sa Davao nag- imbita sa tanan sa pagtan-aw sa usa ka salida sa sine nga "Unplanned", a 2019 American Anti-abortion drama film karong February 23, 2024, 1:30PM ug 6:00PM sa SM Lanang Premiere Cinema 6 ug 1:30 PM ug 6:00 PM sa SM City Ecoland Cinema 1. Ang ticket nagkantidad og P400.00 nga pwedeng mapalit sa DXGN ug Davao Catholic Herald Office sa San Pablo Parish, Juna Subd. Matina, Davao City ug sa opisina sa Family and Life Apostolate sa inyong mga parokya. Ang matigum niini, gamiton sa pagsuporta sa mga programa sa maong mga apostolado sa pagduso sa kabililhon sa pamilya ug sa kinabuhi.