IKAUPAT NGA DOMINGGO SA ADBIYENTO IKASIYAM NGA ADLAW SA MISA DE GALLO

Ikaupat Nga Domingo Sa Adbiyento

Disyembre 24 Buntag

PASIUNA

Maayong buntag mga igsuon diha ni Cristo.

Ania na gayod kita sa Ikaupat nga Domingo sa Adbiyento ug Ikasiyam nga Adlaw o Katapusang Adlaw sa Misa de Gallo.

Ang unang pagbasa gikuha gikan sa Ikaduhang Basahon ni Samuel. Dinhi atong madungog ang pagsugod ni David sa iyang pagkahari.

Ang ikaduhang pagbasa gikuha gikan sa Sulat ni San Pablo ngadto sa taga-Roma. Siya miingon kanila, "Himayaon ta ang Dios pinaagi kang Jesucristo hangtod sa kahangturan! Amen."

Ang ebanghelyo gikuha gikan sa Balaan nga Ebanghelyo sumala ni San Lucas. Kini nagsaysay mahitungod sa pagpahibalo ni Arkangel Gabriel ngadto kang Maria.

Palihug manindog alang sa pagsugod sa Santos nga Eyukaristiya.

Salmo Responsoryo:

Mag-awit ako sa kaayo sa Ginoo hangtod sa kahangturan

Pag-ampo sa Katilingban:

Ginoo, dungga ang among pag-ampo

BASAHON I

2 Sm. 7:1-5, 8.-11, 16

KINUTLO GIKAN SA IKADUHANG BASAHON NI SAMUEL

Unya sa dihang nakasukad na si David sa iyang pagkahari ug wala na siya ipasamok sa GINOO sa iyang mga kaaway nga naglibot kaniya, giingnan niya si Natan, ang propeta, "Nakita mo karon nga nagpuyo ako sa palasyo nga sidro, apan anaa ta ibutang ang Sudlanan sa Kasabutan sa Dios sa usa ka tolda!"

Ug miingon si Natan kang David, "Lakaw, buhata ang imong gitinguha, kay mag-uban kanimo ang GINOO." Apan niadtong gabhiona gisultihan si Natan sa GINOO, "Ingna ang akong alagad nga si David, 'Kini ang gisulti sa GINOO:

Buhatan ba ako nimog balay nga akong kapuy-an?" Busa karon sultihi ang akong sulugoon nga si David, "Kini ang giingon sa GINOO nga Labing Gamhanan: Gikuha ko ikaw sa pasibsiban, gikan sa imong pagkamagbalantay sa karnero, aron paghimo kanimong hari sa akong katawhan, ang mga Israelita.

Sukad sa panon nga nagtudlo akog mga maghuhukom alang sa akong katawhan, ug dili ko na ikaw ipasamok sa tanan mong mga kaaway. Dugang pa niana, ako nag-ingon nga hatagan ko ikawg mga kaliwat. Ug palungtaron ko ang imong ba-nay ug gingharian hangtod sa hangtod."

ANG PULONG SA GINOO.

SALMO RESPONSORYO

Ps. 89:2-3, 4-5, 27, 29

R. Mag-awit ako sa kaayo sa Ginoo hangtod sa kahangturan.

Ang mga kaayohan sa Ginoo akong

awitan hangtod sa kahangturan; latas sa tanang kaliwatan magsangyaw ang akong ba-ba sa imong kamatinumanon. Kay miingon ikaw, "Ang akong kaluoy hangtod sa kahangturan: diha sa langit imong gilig-on ang imong kamatinumanon."

R. Mag-awit ako sa kaayo sa Ginoo hangtod sa kahangturan.

"Nakigsabut ako sa akong pinili; namumpa ako kang David akong sulugoon: Hangtod sa kahangturan, lig-onon ko ang imong kaliwat ug pabarugon ko ang imong trono hangtod sa tanang kaliwatan."

R. Mag-awit ako sa kaayo sa Ginoo hangtod sa kahangturan.

"Moingon siya kanako ikaw akong Amahan; akong Dios, akong Bato, akong manluluwas!

Hangtod sa kahangturan padayonon ko ang akong kaluoy alang kaniya ug ang akong pagpakigsabot kaniya magabarog nga malig-on."

R. Mag-awit ako sa kaayo sa Ginoo hangtod sa kahangturan.

BASAHON II

Rom. 16:25-27

KINUTLO GIKAN SA SULAT NI SAN PABLO NGADTO SA TAGA-ROMA

Daygon nato ang Dios! Makahimo siya sa paglig-on kaninyo, sumala sa Maayong Balita nga akong giwali, nga mao ang mensahe mahitungod kang Jesucristo, ug sumala sa gipadayag nga tinagoang kamatuoran nga gililong sulod sa dugayng panahon. Apan karon gipadayag na ang maong kamatuoran pinaagi sa mga sinulat sa mga propeta, ug gibutyag kini ngadto sa tanang kana- suran sa mando sa walay katapusang Dios aron ang tanan motuo ug motuman. Himayaon ta ang bugtong maalam nga Dios pinaagi kang Jesucristo hangtod sa kahangturan! Amen.

ANG PULONG SA GINOO.

EBANGHELYO

Lk. 1: 26-38

Kinutlo gikan sa Balaan nga Ebanghelyo sumala ni Lucas

Sa ikaunom ka bulan, gipadala si Gabriel gikan sa Anghel Dios ngadto sa usa ka lungsod sa Galilea nga ginganlan og Nazaret ngadto sa usa ka ulay nga sinayoran sa usa ka lalaki nga gingan- lan og Jose, gikan sa balay ni David; ug ang ngaian sa ulay, Maria.

Ug sa iyang pag-adto kaniya miingon siya, "Pagmaya puno ka sa grasya. Ang Ginoo anaa kanimo." Apan, tungod niining pulonga, nabalaka siya pag-ayo ug gihuna- huna niya kon unsang matanga kini sa pangu- musta. Ug miingon ang anghel kaniya, “Ayaw na kahadlok Maria kay gikahimut-an ka sa Dios. Ug tan-awa, manamkon ka sa imong sabakan ug matawo kanimo ang anak nga lalaki ug paganganlan mo siya og Jesus. Kini siya mamahimo nga ban- togan ug pagatawgon nga anak sa Labing Halangdon ug ihatag kaniya sa Ginoong Dios ang trono ni David nga iyang amahan. Ug magahari siya sa balay ni Jacob hangtod sa kahangturan ug ang iyang gingharian walay katapusan."

Ug miingon si Maria ngadto sa anghel, "Unsaon man pagkahitabo niini nga wala pa gani ako makig-ipon sa akong sinayoran?" Mitubag ang anghel ug miingon kaniya, "Ang Espiritu Santo mokunsad diha kanimo ug ang gahom sa Kahitas-an molandong kanimo. Ug tungod niini, ang balaan nga bata nga matawo pagatawgon nga Anak sa Dios. Ug tan-awa ra god, si Isabel nga imong ig-agaw siya usab nanamkon og batang lalaki diha sa iyang pagkatigulang; ug kini unom na ka bulan diha kaniya nga gitawag nga landay. Kay walay butang nga dili mahimo sa Dios."

Ug miingon si Maria, "Ania ang ulipon sa Ginoo, matuman unta dinhi kanako sumala sa imong pulong." Ug mibiya kaniya ang anghel.

Ang Ebanghelyo sa Ginoo.

PAG-AMPO SA KATILINGBAN

DISYEMBRE 24, 2023

Pari: Niining mahinamon natong paghulat sa pag-abot sa atong Manunubos, puno sa dakong pagsalig ato kaarong ihalad sa atong Amahan ang atong mga pag-ampo diha sa pag-ingon:

GINOO, DUNGGA ANG AMONG PAG-AMPO.

1. Nga ang mga namunoan sa Simbahan ilabina ang atong Santo Papa, Obispo, kaparian ug mga diyakono, ablihan unta sa Dios ang ilang mga kasingkasing aron mamahimong maayong instrumento sa gugma, kaluoy ug grasya sa Ginoo. Mag-ampo kita sa Ginoo.

2. Nga ang mga namunoan sa panggamhanan, mamahimong lig-on diha sa ilang pagpangalagad aron mabatukan ang mga haylo ug katalagman nga niasdang sa kalibutan. Mag-ampo kita sa Ginoo.

3. Nga ang mga babayeng nagsabak, mamahimong malipayon ug matuohon diha sa ilang pag-paabot sa pagkahimugso sa ilang anak ug mamahimong masaligon sa grasya sa Dios. Mag-ampo kita sa Ginoo.

4. Nga ang tanang mga nagmasakiton, tigulang ug himalatyon, lig-onon sa Dios ug panalanginan. Mag-ampo kita sa Ginoo.

5. Nga ang mga kasingkasing nga nagadayeg sa Ginoo ilabina nila makadawat og kasingkasing nga malumo. Mag-ampo kita sa Ginoo.

6. Nga ang tanang mga nangamatay ilabina sila makasulod na unta sila sa puloy-anan nga gitagana kanila sa atong Langitnong Amahan. Mag-ampo kita sa Ginoo.

Pari: Amahan sa gugma ug kaluoy, sayod ka sa tanan namong mga panginahanglan. Puno sa kalipay ug kahinangop, malaumon kami nga amo nang madawat ang grasya nga imong gitagana kanamo pinaagi ni Cristo nga among Ginoo. Amen.