IKALIMA NGA ADLAW SA MISA DE GALLO

 

IKALIMA NGA ADLAW SA MISA DE GALLO

Disyembre 20

PASIUNA 

Mga igsuon diha ni Cristo, maayong buntag kaninyong tanan!

Karon mao ang Ikalima nga Adlaw sa atong Misa de Gallo, ang atong mapadayonong pagtukaw agi'g pagpangandam sa pagkatawo sa atong Ginoo.

Ang unang pagbasa gikuha gikan sa Basahon ni Propeta Isaias. Kini nagsaysay mahitungod sa pagtagna ni Isaias sa timaan nga mao ang pagpanamkon sa usa ka dalaga ug moanak og usa ka lalaki, ug nganlan niya siya'g Emmanuel.

Ang ebanghelyo gikuha gikan sa Balaan nga Ebanghelyo sumala ni San Lucas. Kini nagsaysay mahitungod sa pagpahibalo ni Arkanghel Grabriel ngadto sa usa ka dalaga nga ginganlag Maria.

Palihug manindog alang sa pagsugod sa Santos nga Eyukaristiya.

Salmo Responsoryo:

Pasudla ang Ginoo, kay siya hari sa himaya.

Pag-ampo sa Katilingban:

Ginoo, pamati-a ang imong katawhan

BASAHON I

Is. 7:10-14

KINUTLO GIKAN SA BASAHON NI PROPETA ISAIAS

Misulti pag-usab ang GINOO kang Acas, "Pangayog milagro sa imong GINOONG Dios, bisag kini adto sa kinahiladman sa Seol, o sa kinatumyan sa langit."

Apan miingon si Acas, "Dili ako ma- ngayo, ug dili ko sulayan ang GINΟΟ."

Ug miingon si Isaias, "Busa pamati, O banay ni David! Dili pa ba igo ang imong pagsamok sa mga tawo, nga imo na man usab nga samukon ang Dios? Busa ang GINOO gayod mohatag ka- nimog timaan, ug kini mao nga usa ka batan-ong dalaga manamkon ug moanak og usa ka lalaki, ug nganlan niya siyag Emmanuel.

ANG PULONG SA GINOO.

SALMO RESPONSORYO

Ps. 24:1-2, 3-4, 5-6

R. Pasudla ang Ginoo, kay siya ang hari sa himaya.

Iya sa Ginoo ang yuta ug ang kapuno niini; ang kalibutan ug sila nga nagpuyo niini.

Kay iya kining gitukod ibabaw sa

kadagatan ug gilig-on kini ibabaw sa kasapaan.

R. Pasudla ang Ginoo, kay siya ang hari sa himaya.

Kinsay makatungas sa bukid sa Ginoo?

O kinsay makabarog sa iyang balaan nga dapit?

Siya kansang mga kamut walay mga sala kansang kasingkasing malinis, siya nga wala magtinguha sa walay hinungdan.

R. Pasudla ang Ginoo, kay siya ang hari sa himaya.

Makadawat siya og panalangin gikan sa Ginoo; usa ka ganti gikan sa Dios nga iyang manunubos.

Sama niini ang kaliwat nga nangita kaniya, nga nangita sa nawong sa Dios ni Jacob.

R. Pasudla ang Ginoo, kay siya ang hari sa himaya.

EBANGHELYO

Lk. 1: 26-38

Kinutlo gikan sa Balaan nga Ebanghelyo sumala ni Lucas

Sa ikaunom ka bulan, si Gabriel gikan Anghel sa Dios ngadto sa usa ka lungsod sa Galilea nga ginganlan og Nazaret ngadto sa usa ka ulay nga sinayoran sa usa ka lalaki nga gingan- lan og Jose, gikan sa balay ni David; ug ang ngalan sa ulay, Maria.

Ug sa iyang pag-adto kaniya miingon siya, "Pagmaya puno ka sa grasya. Ang Ginoo anaa kanimo." Apan, tungod niining pulonga, nabalaka siya pag-ayo ug gihuna- huna niya kon unsang matanga kini sa pangu- musta. Ug miingon ang anghel kaniya, "Ayaw na kahadlok Maria kay gikahimut-an ka sa Dios. Ug tan-awa, manamkon ka sa imong sabakan ug matawo kanimo ang anak nga lalaki ug paganganlan mo siya og Jesus. Kini siya mamahimo nga ban- togan ug pagatawgon nga anak sa Labing Halangdon ug ihatag kaniya sa Ginoong Dios ang trono ni David nga iyang amahan.

Ug magahari siya sa balay ni Jacob hangtod sa kahangturan ug ang iyang gingharian walay katapusan."

Ug miingon si Maria ngadto sa anghel, "Unsaon man pagkahitabo niini nga wala pa gani ako makig-ipon sa akong sina- yoran?" Mitubag ang anghel ug miingon kaniya, "Ang Espiritu Santo mokunsad diha kanimo ug ang gahom sa Kahitas-an molandong kanimo. Ug tungod niini, ang balaan nga bata nga matawo pagatawgon nga Anak sa Dios. Ug tan-awa ra god, si Isabel nga imong ig-agaw siya usab nanamkon og batang lalaki diha sa iyang pagkatigulang; ug kini unom na ka bulan diha kaniya nga gitawag nga landay. Kay walay butang nga dili mahimo sa Dios."

Ug miingon si Maria, "Ania ang ulipon sa Ginoo, matuman unta dinhi kanako sumala sa imong pulong." Ug mibiya ang anghel kaniya.

Ang Ebanghelyo sa Ginoo

PAG-AMPO SA KATILINGBAN

DISYEMBRE 20, 2023

Pari: Mga igsuon, mag-ampo kita karon sa Amahan nga naghatag kang Birhen Maria og malipayon nga kasingkasing ugmapaubsanong midawat sa iyang misyon nga mamahimong Inahan sa Dios. Sa matag pag-ampo, kita moingon:

GINOO, PAMATI-A ANG IMONG KATAWHAN

1. Alang sa atong Santo Papa, mga Obispo, kaparian, mga diyakono ug mga relihiyoso, mahisama sila kang Birhen Maria nga adunay mapaubsanon ug malipayong kasingkasing diha sa ilang pagdala sa katawhan paduol sa Ginoo. Mag-ampo kita sa Ginoo.

2. Alang sa atong mga opisyales sa gobiyerno, giyahan unta sila sa Espiritu Santo diha sa ilang pag-mugna ug pagpatuman sa mga balaod ug mahisubay kini sa mensahe sa Ebanghelyo. Mag-ampo kita sa Ginoo.

3. Alang sa matag pamilya, mamahimong malaumon diha sa pagpaabot sa pagkatawo sa atong Ginoo ug mapadayag ang kalipay ug gugma sa Dios diha sa matag miyembro niini. Mag-ampo kita sa Ginoo.

4. Alang sa mga gikapuyan sa kinabuhi tungod sa sakit, katigulangon, kawad-on ug sa inhustisya nga nahiaguman, ang Dios nga Labing Gamhanan maghupay unta kanila ug manalangin kanila sa tibuok nilang kinabuhi. Mag-ampo kita sa Ginoo.

5. Alang sa mga nagadayeg ug nagapasalamat sa Dios ilabina nila sama ni Maria, magmalipayon sila diha sa pagtubag sa tawag sa pagtabang sa uban alang sa kaayohan sa tanan. Mag-ampo kita sa Ginoo.

6. Alang atong mga kaigsuonan nga nangamatay ilabina sila ang Ginoo modawat na kanila didto sa lyang Gingharian. Mag-ampo kita sa Ginoo.

Pari: Dios sa gugma, pamati-a ang imong katawhan. Itugot nga sa among pagtukaw sa pagpaabot sa pag-abot sa pag-anhi sa imong Anak, makaplagan unta niya ang among kasingkasing nga puno sa gugma ug kalipay. Kini among gipangayo pinaagi ni Cristo among Ginoo. Amen.