PILGRIMAGE MASS

VIERNES SA IKA KAWHAAN UG WALO NGA SEMANA

TUIG I

BASAHON I

Rom. 4. 1-8

Kinutlo gikan sa sulat ni San Pablo ngadto sa taga Roma.

Busa unsa may ikasulti nato mahitungod kang Abraham nga amahan sa atong kaliwat? Kon gimatarong pa siya sa Dios tungod sa iyang nahimo, may katarongan unta siya sa pagpasigarbo apan dili atubangan sa Dios. Kay ang Kasulatan nag-ingon: "Mituo si Abraham sa Dios, ug tungod sa iyang pagtuo ang Dios nag-isip kaniya nga matarong." Suholan ang tawo nga nagtrabaho apan ang suhol dili ma- isip nga gasa kay iya mang gihagoan. Apan ang tawo nga wala magbuhat kondili nagtuo la- mang sa Dios nga nag-isip nga walay sala sa ta- wong sad-an, isipon siya nga matarong tungod sa iyang pagtuo. Mao kini ang gipasabot ni David sa paghisgot niya sa kalipay nga bation sa tawo nga gimatarong sa Dios nga dili pina- sikad sa bisan unsang buhat niya, sumala ni- ining mosunod nga pahayag:

"Bulahan gayod ang mga tawo kansang kalapasan gipasaylo na sa Dios, ug kansang mga sala gitabonan na niya!

Bulahan gayod ang tawo kansang mga sala dili na hinumdoman sa Ginoo!"

Mao kini ang Pulong sa Ginoo.

SALMO RESPONSORYO

Ps. 32.1-2.5.11

R. Nagadangop ako kanimo, Ginoo, sa panahon sa kagul-anan, ug gipuno mo ako sa kalipay sa kaluwasan.

Bulahan ang tawo, kansang kalapasan gipapas, kansang sala gitabonan. Bulahan ang tawo, nga wala pasanginli sa Ginoo og sala, kansang espiritu walay kasal-anan.

R. Nagadangop ako kanimo, Ginoo, sa panahon sa kagul-anan, ug gipuno mo ako sa kalipay sa kaluwasan.

Unya giila ko ang akong sala kanimo, ang akong kalapasan wala nako ilimod. Miingon ako, "Itug-an ko ang akong mga sala ngadto sa Ginoo," ug imong gikuha ang akong sala.

R. Nagadangop ako kanimo, Ginoo, sa panahon sa kagul-anan, ug gipuno mo ako sa kalipay sa kaluwasan.

Paglipay diha sa Ginoo ug pagsadya, kamong mga matarong; pagsadya, kamong tanang mga matarong og kasingkasing.

R. Nagadangop ako kanimo, Ginoo, sa panahon sa kagul-anan, ug gipuno mo ako sa kalipay sa kaluwasan.

EBANGHELYO

Lk. 12.1-7

+Ang Santos nga Ebanghelyo sumala ni San Lucas.

Sa diha nga linibo ang mga tawo nga nagpunsisok kaniya nga tungod niini nagtinum- banay na sila, misulti si Jesus pag-una sa iyang mga tinun-an: "Pagbantay kamo sa igpapa-tubo sa pan sa mga Pariseo nga mao ang pag- pakaaron-ingnon. Bisan unsay gitabonan ma-dayag, ug ang tanang tinagoan mabutyag. Busa bisan unsay inyong gisulti didto sa ngit- ngit madungog diha sa hayag, ug bisan unsay inyong gihunghong didto sa tinakpan nga la- wak, isinggit didto sa mga atop sa kabalayan."

"Sultihan ko kamo, mga higala, ayaw kamo kahadlok kanila nga nagpatay sa lawas apan wala nay laing mahimo nga labi pang daotan. Tug-anan ko kamo kinsa ang angay ninyong kahadlokan: kahadloki ang Dios nga human mopatay, may gahom sa pagtambog ngadto sa impiyerno. Oo, kahadloki gayod ninyo siya!

"Dili ba ang lima ka gagmayng langgam ibaligya man lang og duha ka dako? Apan walay usa kanila nga hikalimtan sa Dios. Bisan gani ang tanang buhok sa inyong ulo giihap niya. Busa ayaw kamo kahadlok; labaw pa ka- ayo kamog bili kay sa daghang mga gagmayng langgam!

Ang Ebanghelyo sa Ginoo.

PANGALIYA SA KATILINGBAN

Pari: Mag-ampo kita sa atong Amahan nga langit uban sa uban sa hingpit nga pagsalig kaniya ug aron makabaton kitag kaisog sa pagmugna iyang Gingharian dinhi sa kalibutan. MAHIGUGMAONG AMAHAN, WAGTANGA ANG AMONG KAHADLOK.

Nga ang mga nangulo sa atong Simbahan dili mabugnaw sa mga pag-sulay ug hagit sa pagbag-o hinonoa mahimong labawng bug-os ug matinud-anon sa pagpahinabo sa kausaban ug pagbalik ngadto sa Dios sa katilingban. Mag-ampo kita sa Ginoo.

Nga kadtong mga gilutos tungod sa ilang pagtuo kang Jesucristo malig-on ug molahutay sa ilang pagtuo. Mag-ampo kita sa Ginoo.

Nga kitang mga Kristiyanos makakitag kalipay diha sa atong pagtuo bisan kon kita nag-atubang sa mga pagsulay ug kagul-anan. Mag-ampo kita sa Ginoo.

Nga kadtong mga nag- antos ning kinabuhia, labi na ang mga masakiton, makasinati sa makaayo nga kahupayan ni Cristo. Mag-ampo kita sa Ginoo.

Nga ang mga magtutuo nga nangamatay makadawat sa mga ganti sa ilang pagtuo kang Cristo. Mag-ampo kita sa Ginoo.

Pari: Amahan, sa tanang panahon, hatagi kamig kalagsik ug kusog aron kami makapadayon sa pag- buhat og maayo. Kini among gipangayo pinaagi ni Cristo among Ginoo. Amen.