IKAKAWHAAG LIMA

Ikakawhaag-lima nga Domingo

Sulod sa Tuig

PASIUNA

Septiyembre 24, 2023

Maayong buntag/hapon mga igsuon ko diha ni Cristo. Ania na kita karon sa Ikakawhaan ug lima nga Domingo sa Ordinaryong Panahon.

Niining Domingoha usab atong gisaulog ang National Seafarer's Day ug ang World day for Migrants and Refuges. Ato silang ilakip sa atong mga intension niining Santos nga Misa.

Ang unang pagbasa gikuha gikan sa Basahon ni Propeta Isaias. Dinhi atong madungog ang iyang pagpahinumdum sa katawhan nga sa kanunay pangitaon ang Ginoo, ang Ginoo nga mapasayloon.

Ang ikaduhang pagbasa gikuha sa Sulat ni San Pablo ngadto sa taga - Filipos sa pagkinabuhi sumala sa Ebanghelyo ni Cristo.

Ang ebanghelyo sumala ni San Mateo nagsaysay mahitungod sa usa ka sambingay mahitungod sa mga mamumuo.

Palihug manindug alang sa pagsugod sa Santos na Eyukaristiya.

Salmo Responsoryo:

Haduol ang Ginoo sa tanan nga naga-sangpit kaniya.

Katilingbanong Pag-ampo:

Langitnong Amahan, dungga kami.

BASAHON I

Is. 55:6-9

KINUTLO GIKAN SA BASAHON NI PROPETA ISAIAS

Pangitaa ninyo ang GINOO samtang siya hikaplagan pa, sangpita ninyo siya, samtang siya duol pa; pabiyaa ang mga dautan sa ilang sala ug ipasalikway sa mga makasasala ang ilang dautang hunahuna.

Pabalika sila sa GINOO aron kaloy-an sila, kay andam siya sa pagpasaylo.

pabalika sa atong Dios, "Kay ang akong hunahuna dili sama sa inyong hunahuna, ni ang akong mga laraw sama sa inyong mga laraw, nag-ingon ang GINOO. Kay ingon nga ang kalangitan habog kay sa yuta, ang akong mga laraw habog kay sa inyong mga laraw, ug ang akong hunahuna kay sa inyong hunahuna."

ANG PULONG SA GINOO.

SALMO RESPONSORYO

Ps. 145:2-3, 8-9, 17-18

R. Haduol ang Ginoo sa tanan nga nagasangpit kaniya.

Himayaon ko ikaw adlaw-adlaw, ug daygon ko ang imong ngalan hangtod sa kahangturan. Dako ang Ginoo ug angay gayod siyang daygon; ang iyang kadako dili matukib.

R. Haduol ang Ginoo sa tanan nga

nagasangpit kaniya. Ang Ginoo maayo ug maluluy-on, dugay nga masuko ug dako sa kaluoy. Ang Ginoo maayo alang sa tanan ug maluluy-on sa tanan niyang mga

binuhat.

R. Haduol ang Ginoo sa tanan nga nagasangpit kaniya.

Ang Ginoo matarong diha sa tanan niyang mga paagi ug balaan diha sa tanan niyang mga buhat. Ang Ginoo haduol sa tanan nga nagsangpit kaniya, sa tanan nga nagasangpit kaniya diha sa kamatuoran.

R. Haduol ang Ginoo sa tanan nga nagasangpit kaniya.

BASAHON II

Phil. 1:20-24, 27

KINUTLO GIKAN SA SULAT NI SAN PABLO NGADTO SA TAGA-FILIPOS

Ang dako kong tinguha ug paglaum mao nga dili ko gayod pakyason pag- tuman ang akong katungdanan, kondili magmaisog ako sa tanang panahon, labi na gayod ning panahona aron makapasidungog ako kang Cristo, buhi ako o patay. 

Kay alang kanako ang kinabuhi mao si Cristo, ug ang kamatayon mag- hatag kanakog dugang kaayohan. Apan kon buhi ako, makahimo akog mas mapuslanon nga buhat, busa wala ako masayod hain niini ang akong pilion. Naglibog gayod ako kon unsay akong pilion. Buot ako mobiya ning kinabuhia ug makig-uban kang Cristo, nga mas maayo alang kanako; apan labi pang maayo alang kaninyo nga buhi ako.

Nan karon, ang hinungdanon mao nga magkinabuhi kamo sumala sa Ebanghelyo ni Cristo, aron bisag dili ako makaanha kaninyo, madungog ko nga nagpabilin kamo nga lig-on diha sa usa ka tuyo, ug maghiusa kamo pagpalambo sa Ebanghelyo.

ANG PULONG SA GINOO.

ANG EBANGHELYO

Mt. 20:1-16

Kinutlo gikan sa Balaan nga Ebanghelyo sumala ni Mateo

Gisultian ni Jesus ang iyang mga tinun-an niining sambingay: "Kay ang gingharian sa langit sama sa usa ka agalon sa panimalay nga migawas sayo sa buntag aron pagpanuhol og mga mamumuo ngadto sa iyang parasan. Human siya magkauyon sa mga mamumuo sa suhol nga usa ka denaryu ang adlaw, gipadala niya sila ngadto sa iyang parasan. Paggawas niya sa may mga alas nuwebe sa buntag, nakakita siya didto sa taboan og laing mga tawo nga nagtindog nga walay buhat.

Ug miingon siya niadtong mga tawhana, 'Kamo usab, pangadto sa parasan ug hatagan ko kamo sa unsay hustong suhol.

Ug nangadto sila.

"Unya paggawas na usab niya sa mga alas dose ug alas tres sa hapon, mao gihapon ang iyang gihimo.

Ug sa paggawas niya sa may mga alas singko sa hapon, nakakita siyag mga lain pang nanagtindog ug miingon siya kanila, 'Nganong nanagtindog man kamo dinhi tibuok adlaw nga walay buhat?'

Nanubag sila kaniya, 'Kay wala may misuhol kanamo.' Miingon siya kanila, 'Kamo usab, lakaw ngadto sa parasan.' 

"Sa pagkakilumkilom na, ang agalon sa parasan miingon sa iyang kapatas, 'Tawga ang mga mamumuo ug hatagi sila sa ilang suhol, sugod sa mga ulahi hangtod sa mga nahauna.

Ug pag-abot niadtong mga nagtrabaho sa mga alas singko na, nakadawat silag usa ka denaryu matag usà.

Pag-abot sa mga nahauna pagtrabaho, naghunahuna sila nga makadawat silag labing labaw. Apan sila usab nakadawat og tagsa ka denaryu.

"Gidawat nila ang ilang suhol apan nagbagutbot sila batok sa agalon nga nag-ingon, 'Kining mga ulahi nagtrabaho sulòd sa usà lamang ka takna, ug gipakasama mo sila kanamo - kami nga nagbudlay sa tibuok adlaw ug napagba sa kainit.'

Apan mitubag siya sa usa kanila, 'Higala, wala akò manikas kanimo.

Dili ba miuyon ka man kanako sa usa ka denaryu?

Kuhaa ang imoha ug lakaw. Buòt kong hatagan kining ulahi sama sa akong gihatag kanimo.

Walâ ba itugot kanako nga buhaton ang unsay akong buòt buhaton sa akong kabtangan?

O nasina ka ba tungod kay akò maayo?'

"Busa, ang naulahi mahauna, ug ang nahauna maulahi."

Ang Ebanghelyo sa Ginoo.

KATILINGBANON PAG-AMPO 

Septiyembre 24, 2023

Pari: Ang Ginoo sa kanunay nagahatag kanato og grasya tungod sa iyang kamanggihatagon. Busa karon atong ipadayag ngadto kaniya ang atong mga panginahanglan diha sa pag-ampo:

LANGITNONG AMAHAN, DUNGGA KAMI.

1. Nga ang mga lideres sa atong Simbahan ilabina si Papa Francisco, ang atong Arsobispo, mga pari, mga diyakono ug mga relihiyoso, mapuno unta sa grasya sa Dios aron mapaduyonon silang moserbisyo sa parasan sa atong Ginoo. Mag-ampo kita sa Ginoo.

2. Nga nga mga lideres sa atong panggamhanan mabusog ug malig-on sa pulong sa Dios sa matag adlaw aron diha sa ilang pagpangalagad sa katawhan aron mapuy-anon nila ang kinabuhi sa pagserbisyo nga tinuoray ug puno sa hustisya ug paghigugma nga sama sa kinabuhi ni Cristo. Mag-ampo kita sa Ginoo.

3. Nga ang mga Filipino Migrants and Refuges og ang mga seafarers sa atong nasud, makadawat sa kabuhong sa grasya sa Dios ilabina gayod sa kalig-on sa espiritu ug sa pagsalig ug pagtuo ngadto Kaniya aron mag malig-on sila sa adlaw-adlaw bisan pa man nga sila layo sa ilang tagsa-tagsa ka pamilya. Mag- ampo kita sa Ginoo.

4. Nga ang atong mga igsuon nga makahimo sa nagka-lain-laing krimen, makaplagan diha ni Cristo ang pagkakabig sa kasingkasing sa pagkinabuhi ingon nga ang mga anak sa Dios. Mag-ampo kita sa Ginoo.

5. Nga ang mga mihalad sa ilang pagdayeg ug pasalamat sa Dios ilabina nila mapuno unta ang ilang kasingkasing og kalipay magpuyo nga mapasayloon ug manggihatagon. Mag-ampo kita sa Ginoo.

6. Nga ang mga magtutuong nangamatay ilabina sila makaangkon na sa kapasayloan sa ilang mga sala ug makadawat sa kinabuhing dayon. Mag-ampo kita sa Ginoo.

7. Sa kahilom, atong iampo ang atong kaugalingong katuyoan.

Pari: Langitnong Amahan, sa kanunay nakasinati kami sa imong gugma ug kamanggihatagon. Itugot nga amo nang maangkon ang mga panginahanglan nga among gihalad kanimo pinaagi ni Cristo nga among Ginoo. Amen.

Announcement

September 24, 2023

1. There will be a Confirmation this coming November 2023. For those who are interested please register to your respected Gkk's and submit the following requirements; IDS for confirmation and a Baptismal Certificate. The deadline for submission is on October 26, 2023.

2. Seminarians CECILIO LOPE CANICO of Holy family Parish- Baliok, ANGELO CELIS ESPINAS of St. Mary of the Perpetual Rosary parish- Buhangin, JULIUS ESPONGA LUGAY of St. Jude Shrine Parish- Malvar Street, RANIE BOY LABADAN PAMPLONA of St. Joseph the Worker Parish- Sasa and ALCRIS GUTIERREZ PANGANIBAN of St. Francis of Assisi Parish- Maa are to be ordained deacons on September 30, 2023 (Saturday) at 5:00 o'clock in the afternoon at San Pedro Cathedral. Those who have objections to their ordination to the diaconate are requested to inform the Archbishop of Davao, in writing, stating the factual bases for the objections, with name and contact details of the sender. Prayers for them are very much appreciated.

Thank you very much.