Biyernes sa Ikaduha nga semana sa kwaresma

Biyernes sa ikaduha nga semana sa kwaresma

PASIUNA:

Marso 10, 2023

Mga igsoon ko diha ni Cristo, maayong gabii kanatong tanan, karon Biernes sa ikaduhang semana sa kwaresma, karon usab ang unang adlaw sa pag novena pahinungod sa atong mahal nga patron San Jose Esposo ni Maria alang sa umaabot niyang kapistahan.

Palihug manindog alang sa pagsugod sa Santos nga Eyukaristiya.

BASAHONI

Gn. 37:3-4, 12-13, 17-28

KINUTLO GIKAN SA BASAHON SA GENESIS

Gipangga ni Jacob si Jose labaw sa tanan niyang mga anak, sanglit natawo man si Jose sa tigulang na si Jacob. Gitahian niya si Jose og taas nga bisti nga binuktonan. Ug sa nakita sa iyang mga igsuon nga gipangga sa ilang amahan si Jose labaw kanila, naglagot sila kaniya ug masuk-anon kanunay ang ilang sinultihan kaniya.

Usa ka adlaw niana, miadto sa Siquem ang mga igsuon ni Jose aron pagpasibsib sa kahayopan sa ilang amahan. Miingon si Jacob kang Jose, "Tua sa Siquem ang imong mga igsuon aron pagpasibsib sa atong kahayopan. Pangandam kay paapason ko ikaw kanila." Si Jose mitubag, "Andam ako!"

Ang tawo miingon, "Wala na sila dinhi; nadungog ko nga miingon sila nga moadto sila sa Dotan." Busa miapas si Jose kanila, ug nakaplagan niya sila didto sa Dotan. Layo pa gani siya, nakakita na kaniya ang iyang mga igsuon. Sa wala pa siya mahiabot kanila, naglaraw sila kon unsay ilang angay buhaton kaniya. Nakahukom sila nga patyon siya; nag- ingnanay sila, "Ania na ang tigdamgo. Karon patyon ta siya ug itambog ta ang iyang lawas sa usa sa mga atabay, ug moingon kita nga gitukob siyag ihalas nga mananap. Tan-awon ta kon matuman ba ang iyang mga damgo."

Nakabati si Ruben sa ilang gipa- nagsultihan ug gipaningkamutan niya pagluwas si Jose. Siya miingon, "Dili nato siya patyon. Ihulog lamang siya dinhi niining atabay sa kamingawan, apan ayaw siya ninyog dagmali." Gisulti kini ni Ruben kay naghunahuna man siya sa pagluwas kang Jose aron iyang dad-on balik sa ilang amahan. Sa pag-abot ni Jose sa iyang mga igsuon, gihukas nila ang taas niyang bisti nga binuktonan. Unya gidala nila siya ngadto sa atabay nga walay tubig ug gihulog siya didto.

Unya samtang nangaon sila, nakita nila ang usa ka panon sa mga Ismaelita gikan sa Galaad. Nagbaguod ang ilang mga kamelyo sa karga nga mga salong ug mga pahumot nga ilang dad-on ngadto sa Ehipto. Miingon si Juda sa iyang mga igsuon, "Unsa may makuha nato kon patyon ta ang atong igsuon ug ililong ang iyang kamatayon? Maayo pag ibagligya ta siya sa mga Ismaelita. Sa ingon niini, dili kita makapasakit kaniya; hinum- doman ta nga ato siyang igsuon ug kaputol tag tinai." Miuyon niini ang iyang mga igsuon. Ug sa pag-agi sa mga negos- yante nga taga-Midian, gikuha nila si Jose sa atabay, ug gibaligya og kawhaan ka buok salapi ngadto sa mga Ismaelita, nga nagdala kaniya ngadto sa Ehipto.

ANG PULONG SA GINOO.

SALMO RESPONSORYO

Ps. 105:16-17, 18-19, 20-21

R. Hinumdomi ang mga katingalahan nga nahimo sa Ginoo.

Sa pagpakanaug sa Ginoo sa usa ka gutom nganhi sa yuta ug sa paglaglag sa mga tanom nga nagbuhi kanila, Iyang gipadala ang usa ka tawo una kanila, si Jose, nga gibaligya ingong usa ka ulipon.

R. Hinumdomi ang mga katingalahan nga nahimo sa Ginoo.

Ila siyang gikargahan og mga gapos, ug gipusasan og mga kadena, Hangtod nga ang iyang panag-an natuman ug ang pulong sa Ginoo nagpakita sa iyang kamatinud-anon. 

R. Hinumdomi ang mga katingalahan nga nahimo sa Ginoo.

Gipatawag siya sa hari ug gibuhian, ang magmamando sa katawhandeld inthemipalingkawas kaniya.lom

Gihimo siya nga agalon sa iyang balay ug magmamando sa tanan niyang mga katigayonan. am libel

R. Hinumdomi ang mga katingalahan nga nahimo sa Ginoo.

PANGALIYA SA KATILINGBAN

Marso 10, 2023

Pari: Sa atong pagpamalandong sa pahimangno sa Ebanghelyo nga kinahanglan magmabungahon kita diha sa parasan sa Ginoo pinaagi sa pag-alagad sa uban, atong ipahiluna ang atong mga hangyo atubangan sa Dios Amahan. Sa matag pag-ampo kita moingon:

GINOO SA PARASAN, PANALANGINI ANG AMONG KINABUHI.

Nga ang mga pangulo sa simbahan makadawat unta sa kahayag, kusog, ug panabang sa paggiya sa simbahan niining mga panahon nga malisod. Mag-ampo kita.

Nga ang tagsa-tagsa ka panghunahuna mapuno sa kalinawsa Dios  nga nagdala sa walay katapusang kalipay. Mag-ampo kita.

Nga sa atong kinabuhi, makapabunga kita sa bunga sa gugma, pasaylo, hustisya ug kalinaw. Mag- ampo kita.

Nga ang mga masakiton ug nag-antus dili makabsan sa paglaum taliwala sa ilang mga pagsulay, hinonoa malig-on diha sa Pulong sa Dios. Mag-ampo kita.

Nga ang mga nangamatay makadawat sa ilang walay katapusang kapahulayan diha sa imong Gingharian. Mag-ampo kita.

Pari: Langitnong Amahan, nagapasalamat kami sa imong walay paglubad nga gugma. Tabangi kami nga mahimong mahinatagong moalagad kanimo ug magpuyo sa kinabuhi nga takus sa among tawag. Itugot kini pinaagi ni Cristo among Ginoo. Amen.