IKATULONG DOMINGO SA ORDINARYONG PANAHON
Ikatulong Domingo Sulod sa Tuig
Maayong buntag/hapon mga igsuon ko diha ni Cristo. Ania na kita sa Ikatulong Domingo sa Ordinaryong Panahon. Gisaulog usab karong Domingoha ang Sunday of the Word of God
Ang unang pagbasa gikuha gikan sa Basahon ni Propeta Isaias. Kini nagkanayon, "Ang katawhan nga kaniadto naglakaw sa kangitngit nakakitag dakong kahayag ang nagpuyo sa mangiob nga dapit gisidlakan na sa kahayag.
Ang ikaduhang pagbasa gikuha gikan sa Sulat ni San Pablo ngadto sa Corinto. Si San Pablo nagdapit sa katawhan sa Efeso nga magkahiusa diha sa usa ka hunahuna ug tumong.
Ang ebanghelyo gikan sa Balaan nga Ebanghelyo sumala ni San Mateo. Si Jesus miingon, "Sunod kamo kanako, ug himoon ko kamong mga mangingisda og mga tawo."
Palihug manindog alang sa pagsugod sa Santos nga Eyukaristiya
KINUTLO GIKAN SA BASAHON NI PROPETA ISAIAS
Sa miaging panahon gipakaulawan niya ang Zabulon ug ang Neftali, apan sa umaabot nga mga adlaw himoon niyang nindot ang agianan latas sa dagat, ang yuta unahan sa Jordan, ang Galilea nga gipuy-an sa mga langyaw.
Ang katawhan nga kaniadto naglakaw sa kangitngit nakakitag dakong kahayag; ang nagpuyo sa mangiob nga dapit gisidlakan na sa kahayag. Gipadaghan mo ang molupyo sa nasod, GINOO, nagmaya sila diha sa imong atubangan; sama sa pagmaya sa mga tawo inigkating-ani ug ingon nga maglipay ang mga tawo inigbahinbahin nila sa ilang inilog.
Kay gigupok mo sama sa nahitabo sa Midian ang yugo nga iyang gisangon ug ang karga nga iyang gipas-an ug ang garoti sa nagdaugdaog kaniya.
ANG PULONG SA GINOO.
R. Ang Ginoo mao ang akong kahayag ug akong kaluwasan.
Ang Ginoo mao ang akong kahayag ug akong kaluwasan; kinsa may akong kahadlokan? Ang Ginoo mao ang dalangpanan sa akong kinabuhi; kinsa pa may akong kalisangan?
R. Ang Ginoo mao ang akong kahayag ug akong kaluwasan.
Usa ka butang akong gipangayo sa Ginoo; kini ang akong gipangita: Ang pagpuyo diha sa balay sa Ginoo sa tanang mga adlaw sa akong kinabuhi, aron makasud-ong ako sa kahiligugma-on sa Ginoo ug makapalandong sa iyang templo.
R. Ang Ginoo mao ang akong kahayag ug akong kaluwasan.
Nagatoo ako nga makakita ako sa kaayo sa Ginoo diha sa yuta sa mga buhi. Paabuta ang Ginoo uban sa kaisug; pagmalig-on sa kasingkasing ug paabuta ang Ginoo.
R. Ang Ginoo mao ang akong kahayag ug akong kaluwasan.
KINUTLO GIKAN SA UNANG SULAT NI SAN PABLO NGADTO SA TAGA-CORINTO
Mga igsuon, sa ngalan sa atong Ginoong Jesucristo, naghangyo ako kaninyo nga uyonan ninyong tanan ang inyong gisulti aron walay pagkabahin- bahin diha kaninyo. Paghiusa gayod kamo diha sa usa ka hunahuna ug tumong. Kay gibalitaan ako sa pipila ka sakop sa panimalay ni Cloe nga kamo nagbingkil- bingkil. Ang buot kong ipasabut mao nga nagkalainlain ang gisulti sa usag-usa kaninyo. Ang usa moingon, "Dapig ako ni Pablo"; ang usa usab moingon, "Dapig ako ni Apolo"; ug may nag-ingon, "Dapig ako ni Pedro"; ug adunay nag-ingon, "Dapig ako ni Cristo." Nabahinbahin ba diay si Cristo? Si Pablo ba diay ang gilansang sa krus tungod kaninyo? Gibunyagan ba kamo sa ngalan ni Pablo?
Si Cristo wala magpadala kanako aron ako mamunyag, kondili aron magsangyaw sa Maayong Balita, dili ginamit ang mga pulong nga lisod sabton, aron dili mawagtang ang gahom sa kamatayon ni Cristo didto sa krus.
ANG PULONG SA GINOO.
TINAAS
Kinutlo gikan sa Balaan nga Ebanghelyo sumala ni Mateo
Sa pagkadungog ni Jesus nga si Juan gibilanggo, mibalik siya sa Galilea. Ug mibiya siya sa Nazaret, unya miadto siya ug mipuyo didto sa Capernaum nga naa sa daplin sa lanaw, sa mga utlanan sa Zabulon ug Neftali; aron matuman ang giingon pinaagi ni propeta Isaias: "Yuta sa Zabulon ug yuta sa Neftali, dalan sa lanaw, tabok sa Jordan, Galilea sa mga Hentil.
Ang katawhan nga nagpuyo sa kangitngit nakakita og dakong kahayag, ug sa mga nagpuyo sa yuta sa landong sa kamatayon ang kahayag midan-ag kanila!"
Sukad niadtong panahona misugod si Jesus sa pagwali ug sa pag-ingon, "Paghinulsol kamo, kay haduol na ang gingharian sa langit!" kay mga mangingisda man sila.
Unya miingon siya kanila, "Sunod kamo kanako, Samtang naglakaw siya sa daplin sa lanaw sa Galilea, nakita niya ang duha ka managsoon nga si Simon, nga ginganlan og Pedro, ug si Andres nga iyang igsoon, nga nagtaktak sa pukot ngadto sa dagat, ug himoon ko kamong mga mangingisda og mga tawo." Ug dihadiha dayon gibiyaan nila ang mga pukot ug mingsunòd sila kaniya.
Gikan didto mipadayon siya paglakaw, ug nakita niya ang laing duha ka managsoon, si Santiago nga anak ni Zebedeo, ug ang iyang igsoon nga si Juan, diha sa sakayan ubàn sa ilang amahan nga si Zebedeo, nga nag-ayo sa ilang mga pukot, ug gitawag niya sila.
Ug dihadiha gibiyaan nila ang ilang sakayan ug ang ilang amahan, unya mingsunòd sila kaniya.
Ug milibot siya sa tibuok Galilea, nagtudlo sa ilang mga sinagoga, nagwali sa maayong balita sa gingharian, ug nag-ayo sa tanang matang sa sakit ug balatian sa katawhan.
Ang Ebanghelyo sa Ginoo.
MINUBO
Kinutlo gikan sa Balaan nga Ebanghelyo sumala ni Mateo
Sa pagkadungog ni Jesus nga si Juan gibilanggo, mibalik siya sa Galilea.Ug mibiya siya sa Nazaret, unya miadto siya ug mipuyo didto sa Capernaum nga naa sa daplin sa lanaw, sa mga utlanan sa Zabulon ug Neftali; aron matuman ang giingon pinaagi ni propeta Isaias: "Yuta sa Zabulon ug yuta sa Neftali, dalan sa lanaw, tabok sa Jordan, Galilea sa mga Hentil.
Ang katawhan nga nagpuyo sa kangitngit nakakita og dakong kahayag, ug sa mga nagpuyo sa yuta sa landong sa kamatayon ang kahayag midan-ag kanila!"
Sukad niadtong panahona misugod si Jesus sa pagwali ug sa pag-ingon," Paghinulsol kamo, kay haduol na ang gingharian sa langit!"
Ang Ebanghelyo sa Ginoo.
1. Alang sa mga pangulo sa Simbahan ug sa tanang nag-alagad sa Ngalan ni Cristo ilabina ang atong Santo Papa Francisco, mga Obispo ug mga Pari, ang Dios magbubo unta kanila sa lyang gugma nga maoy tuburan sa pagkahiusa sa tanang kristiyanos. Mag ampo kita.
2. Alang sa mga pangulo sa kanasuran, makadawat unta sila og lig-ong pagtuo nga magdala kanila ug sa katawhan ngadto kang Cristo. Mag ampo kita.
3. Alang niining tuig sa Sinodo, pinaagi sa panabang sa mga piniling apostoles, makabaton unta ang katawhan og kasingkasing nga magkahiusa sa hunahuna ug tumong. Mag ampo kita.
4. Alang sa mga masakiton, tigulang ug himalatyon, makatagamtam unta sila og kaayohan ug kalipay pinaagi sa mga nag-amoma kanila. Mag ampo kita.
5. Alang sa mga nagadayeg ug mapasamaton sa Ginoo ilabina nila mamahimong magpabilin diha sa ilang pagkapinili sa pagtabang sa mga nanginahanglan. Mag ampo kita.
6. Alang sa mga magtutuong nangamatay ilabina sila mahiusa na sila uban ni Cristo sa Gingharian sa Langit. Mag ampo kita.
Pari: Ginoong Dios, abliha ang among kinabuhi alang sa gahum sa pagtuo diha ni Cristo. Tabangi kami sa pag-ampo, pagsaksi, ug pagtrabaho alang sa kahiusahan sa tanan nimong mga anak, pinaagi ni Jesucristo among Ginoo ug Manunubos. Amen.
Comments
Post a Comment