DAY 4 DEC. 19, 2022 MONDAY

IKAUPAT NGA ADLAW SA MISA DE GALLO

PASIUNA

December 19, 2022

Maayong buntag mga igsoon ko diha ni Cristo!

Karon Lunes sa ika-upat nga Semana sa Adbiyento ug ika-upat nga adlaw sa Misa de Gallo.

Ang unang pagbasa gikuha gikan sa Basahon sa mga Maghuhukom. Kini nagsaysay mahitungod sa talagsaong pagmabdos kang Samson sa usa ka apuli nga babaye.

Ang ebanghelyo gikuha gikan sa Ebanghelyo sumala ni Lucas. Ang Ginoo mipadayag ngadto kang Zacarias pinaagi kang Arkanghel Gabriel sa pagpahibalo kaniya nga magmabdos ang iyang asawa nga si Isabel ug nganlan niya siya og Juan.

Puno sa kadasig, manindog kita alang sa pagsugod sa Santos nga Eyukaristiya.

BASAHON I

Jgs. 13:2-7, 24-25

KINUTLO GIKAN SA BASAHON SA MGA MAGHUHUKOM

Unya dihay usa ka tawo nga gingan- lag Manoa; taga lungsod siya sa Zora, ug sakop sa banay ni Dan. Wala gayod manganak ang asawa niya. Mipakita sa babaye ang angel sa GINOO ug miingon, "Wala ka manganak, apan karon mag- mabdos ka ug manganak og lalaki. Ayaw gayod pag-inom ug bisan unsang bino o ilimnong makahubog, o pagkaon sa bisan unsang kalan-on nga gidili, tungod kay magmabdos ka ug manganak og lalaki. Ayaw gayod patupihi ang iyang buhok kay sukad gayod sa iyang pagkatawo ihalad siya ngadto sa Dios ingon nga Nasareo. Siya maoy moluwas sa Israel gikan sa mga Filistihanon."

Unya milakaw ang babaye ug gi- ingnan ang iyang bana, "May tawo sa Dios nga miduol kanako ug makahadlok ang iyang panagway sama sa anghel sa Dios. Wala ako mangutana kon diin siya gikan ug wala usab siya motug-an kanako sa iyang ngalan. Apan gisultihan ako niya nga magmabdos ako ug manganak og lalaki. Giingnan ako niya nga dili ako mag-inom ug bisan unsang bino o ilimnong makahubog, ni magkaon ug bisan unsang kalan-ong ginadili, tungod kay ang bata ihalad ngadto sa Dios ingon nga Nasareo sa tibuok niyang kinabuhi."

Ang babaye nanganak og lalaki ug ginganlan niyag Samson. Ang bata mitubo, ug ang GINOO nagpanalangin kaniya. Ug ang espiritu sa GINOO misugod paggahom kaniya samtang didto siya sa Kampo sa Dan tungatunga sa Zora ug Estaol.

ANG PULONG SA GINOO.

SALMO RESPONSORYO

Ps. 71:3-4, 5-6, 16-17

R. Pun-a ako sa imong pagdayeg ug awitan ko ang imong himaya.

Pagpakahimong akong bato nga dalangpanan, usa ka kota nga maghatag kanako og kasiguroan.

Kay ikaw man ang akong bato ug akong kota, O Dios ko, luwasa ako sa kamut sa dautan.

R. Pun-a ako sa imong pagdayeg ug awitan ko ang imong himaya.

Kay ikaw ang akong gilauman, O Ginoo; ang akong gisaligan, O Dios, sukad sa akong kabatan-on.

Diha kanimo nagasalig ako sukad sa

pagkatawo; gikan sa tiyan sa akong inahan ikaw ang akong kusog.

R. Pun-a ako sa imong pagdayeg ug awitan ko ang imong himaya.

Maghisgot ako sa gamhanang mga

buhat sa Ginoo;

O Dios, magsugilon ako sa imong ulusahong katarong.

O Dios, gitudloan mo ako sukad sa akong kabatan-on ug hangtod karon nagasangyaw ako sa imong katingalahang mga buhat.

R. Pun-a ako sa imong pagdayeg ug awitan ko ang imong himaya.

EBANGHELYO

Lk. 1: 5-25 

Kinutlo gikan sa Ebang- helyo sumala ni San Lucas

Sa kapanahonan ni Herodes, hari sa Judea, adunay pari nga ginganlan og Zacarias nga gikan sa laray ni Abias; ug aduna siyay asawa nga kaliwat ni Aaron ug ang iyang ngalan Isabel. Ug silang duha matarong atubangan sa Dios; nag- kinabuhi nga walay ika- saway subay sa tanan nga balaod ug kasugoan sa Ginoo. Apan wala silay anak tungod kay si Isabel dili makapanganak ug silang duha tigulang na man.

Ug unya nahitabo nga samtang nagatuman siya sa iyang katungdanan sa pagkapari atubangan sa Dios, sa gitakdang pana- hon sa turno sa iyang laray, sumala sa naandan sa katungdanan sa pag- kapari, siya maoy natung- nan pinaagi sa ripa, sa pagsulod sa templo sa Ginoo aron pagsunog og insenso. Ug ang tibuok panon sa katawhan nanag- ampo didto sa gawas sa takna sa pag-insenso. Ug unya nagpakita kaniya ang anghel sa Ginoo nga nagbarog sa tuo sa kiliran sa altar sa insenso. Ug wala nahimutang si Zaca- rias sa dihang nakit-an niya kini ug ang kahadlok miabot kaniya.

Apan ang anghel miingon kaniya, "Ayaw kahadlok, na og Zacarias, tungod kay gidungog ang imong pangaliya ug ang imong asawa nga si Isabel manganak og batang lalaki alang kanimo. Ug pagahinganlan mo siya og Juan. Ug makabaton ka og kalipay ug pagmaya, ug daghan ang magsadya gumikan sa iyang pagkahimugso; kay siya mamahimo nga halangdon atubangan sa Ginoo ug dili gayod siya moinom og bino ug maisog nga ilimnon ug mapuno siya sa Espiritu Santo diha pa sa sabakan sa iyang inahan. Ug daghan sa mga anak sa Israel ang iyang pabalikon ngadto sa Ginoo nga ilang Dios. Ug siya mag-una kaniya diha sa espiritu ug gahom ni Elias aron ibalik ang mga kasingkasing sa mga ama- han ngadto sa mga anak, ug ang mga masupilon ibalik ngadto sa kinaad- man sa mga matarong; aron andamon niya alang sa Ginoo ang usa ka inandam nga katawhan."

Ug miingon si Zacarias ngadto sa anghel, "Apan unsaon ko man pagka- hibalo niini? Kay tigulang ako ug ang akong na ako asawa taas na usab og panuigon." Ug mitubag ang anghel "Ako si Gabriel nga nagatindog atubangan sa Ginoo ug gipadala ako aron pagsulti kanimo ug sa paghatod kanimo niining maayong balita. Ug tan-awa, maamang ka ug dili ka na makasulti adlaw nga hangtod sa mahitabo kining tanan, tungod kay wala ka man mosalig sa akong mga pulong, nga matuman sa ilang tukma nga takna."

Ug ang katawhan naghulat kang Zacarias ug nihi- bulong sila pagkalangan sa didto iyang sa sulod sa templo. Ug sa paggawas niya, dili na siya makasulti ngadto kanila ug nasabtan nila nga nakakita siya og panan- awon didto sa templo. Ug siya nagpunay na lang og sinyas ngadto kanila ug nagpabilin siya nga amang.

Ug sa dihang nahuman na ang mga adlaw sa iyang parianong katungdanan, mipauli siya ngadto sa iyang balay. niining mga nanamkon ang Human adlawa, iyang asawa nga si Isabel ug gitagoan niya ang iyang kaugalingon sulod sa lima ka bulan. Ug miingon, "Sa ingon nga siya paagi naghimo ang Ginoo ngari kanako niining mga adlawa diin nanumbaling siya aron pagkuha sa akong kaulaw atubangan sa mga tawo."

Ang Ebanghelyo sa Ginoo.

KATILINGBANONG PAG-AMPO

December 19, 2022

Pari: Mga igsuon, sa dakong pagsalig, atong itugyan ang atong mga panginahanglan ngadto sa Ginoo nga atong Hari ug kanunay nagauban kanato. Sa matag pag-ampo, kita moingon: AMAHAN, KALOY-I ANG IMONG KATAWHAN.

1. Nga ang Simbahan, pinanguluhan sa atong Santo Papa Francisco, mga Obispo, mga pari ug mga relihiyoso, mamahimo unta silang maayong sumbanan sa katawhan sa Dios sa pag-ampo ug pagkamaalagaron ilabina sa mga nanginahanglan. Mag-ampo kita sa Ginoo.

2. Nga ang mga lideres sa atong panggamhanan ilabina ang atong president ug bise-presidente, giniyahan sa lamdag sa Espiritu Santo, magpadayon diha sa ilang pagkamaalagaron sa katawhan. Mag- ampo kita.

3. Nga ang matag pamilya, ilabina ang anaa sa panagbingkil, makadawat sa grasya sa pakighiuli sa usa'g-usa aron mamahimong andam sa pagsaulog sa pangilin sa Pagkatawo sa atong Ginoo. Mag- ampo kita sa Ginoo.

4. Nga ang mga nagadayeg ug nagapasalamat sa Ginoo ilabina sila _____________ malamdagan unta sila sa Espiritu Santo ug nga makita nila ang Dios diha sa ilang kaguol ug kasadya. Mag-ampo kita sa Ginoo.

5. Nga ang mga igsuon nato nga mipahulay na sa kalinaw ilabina nila _____________ makaangkon na unta sila og kinabuhing dayon sa atong Magbubuhat didto sa langit. Mag-ampo kita sa Ginoo.

Pari: Amahan, kaloy-i ang imong katawhan. Itugot nga sa among pagpangandam sa pagsaulog namo sa pangilin sa Pagkatawo sa imong Anak, makaplagan kami nga nagkahigugmaay sa usa'g-usa. Kini among gipangayo pinaagi ni Cristo among Ginoo. Amen.