DAY 7 DEC. 22, 2022

IKAPITO NGA ADLAW SA MISA DE GALLO

PASIUNA

December 22, 2022

Maayong buntag mga igsoon ko diha ni Cristo!

Karon Huwebes sa ika-upat nga Semana sa Adbiyento ug ania na usab kita sa ika-pito nga adlaw sa Misa de Gallo.

Ang unang pagbasa gikuha gikan sa Unang Basahon ni Samuel. Si Ana miingon, "Busa gitugyan ko siya sa Ginoo aron mag-alagad siya kaniya sa tibuok niyang kinabuhi."

Ang ebanghelyo gikuha gikan sa Ebanghelyo sumala ni San Mateo. Dinhi atong madungog ang maanindot nga awit sa pagdayeg ni Birhen Maria ngadto sa Ginoo.

Uban sa mapasalamatong kasingkasing, manindog kita alang sa pagsugod sa Santos nga Eyukaristiya.

BASAHON I

1 Sm. 1:24-28

KINUTLO GIKAN SA UNANG BASAHON NI SAMUEL

Ug sa nalutas na niya ang bata, gidala niya sa templo sa GINOO didto sa Silo. Nagdala usab siyag turong baka nga nag- panuigog tulo ka tuig, usa ka bakid nga trigo ug usa ka puntil nga panit nga gisudlan niyag bino. Unya giihaw nila ang turo ug ilang gidala ang bata ngadto kang Eli. Unya miingon si Ana kang Eli, "Kon nahinumdom ka pa, ako kadtong babaye nga mibarog dinhi sa imong atubangan ug nag-ampo sa GINOO. Kining bataa ang akong gipangayo sa GINOO ug gidu- ngog niya ang akong pag-ampo. Busa gitugyan ko siya sa GINOO aron mag- alagad siya kaniya sa tibuok niyang kinabuhi." 

Ug gisimba nila didto ang GINOO.

ANG PULONG SA GINOO.

SALMO RESPONSORYO

1 Sm. 2:1, 4-5, 6-7, 8

R. Ang akong kasingkasing nalipay diha sa Ginoo nga akong Manunubos. 

Ang akong kasingkasing nalipay diha

sa Ginoo, ang akong gahom gibayaw diha sa akong Dios.

Akong gibuntog ang akong mga kaaway; Nalipay ako sa akong kadaugan.

R. Ang akong kasingkasing nalipay diha sa Ginoo nga akong Manunubos.

Ang mga pana sa gamhanan nangabali, samtang ang mahuyang nagabakos og kusog.

Ang mga busog nagpasuhol og pan samtang ang mga gutom nangahapla. Ang landay nga asawa nanganak og pito ka anak, samtang ang inahan sa daghan nagamingaw.

R. Ang akong kasingkasing nalipay diha sa Ginoo nga akong Manunubos.

Ang Ginoo nagpahamtang sa kamatayon ug nagahatag sa kinabuhi; nagabanlod siya ngadto sa kahiladman, ug nagabanhaw siya pag-usab. Ang Ginoo nagahimo sa kabus ug nagahimo sa dato.

siya nagabanlod sa ubos, ug siya

usab ang nagabayaw.

R. Ang akong kasingkasing nalipay diha sa Ginoo nga akong Manunubos.

Iyang gibangon ang hangol gikan sa abog gikan sa abog iyang giisa ang kabus, Aron pagpalingkod kanila uban sa mga hamili, ug paghimo og mahimayaong trono sa ilang kabilin.

R. Ang akong kasingkasing nalipay diha sa Ginoo nga akong Manunubos.

EBANGHELYO

Lk. 1: 46-56

Kinutlo gikan sa Ebang- helyo sumala ni San Mateo 

Unya nya nagkanayon si Maria, "Nagpakadako ang akong pagkatawo sa Ginoo, ug nagmaya ang akong kalag diha sa Dios nga akong Manluluwas, tungod kay gikahimut-an niya pagpanumbaling ang iyang ubos nga ulipon. Kay tan-awa, sukad karon pagatawgon ako nga bulahan sa tanang kaliwatan tungod kay naghimo kanako og mga dagkong butang ang Makagagahum. Ug balaan ang iyang ngalan.

"Ug ang iyang kaluoy gikan sa mga kaliwatan ngadto sa mga kaliwatan ngadto sa mga kaliwata diha kanila nga mahadlokon kaniya.

"Nagpakita siya og kusog diha sa iyang bukton; gipatibulaag niya ang mga mapahitas-on diha sa tinguha sa ilang mga sa kasingkasing.

"Gipukan niya ang mga gamhanan gikan sa mga trono ug gituboy niya ang mga mapaubsanon; ang mga gigutom gibusog niya sa mga maayong butang ug ang mga adunahan gihinginlan niya nga walay dala.

"Mitabang siya kang Israel nga iyang alagad, aron pagahinumdoman iyang kaluoy, sama sa gisaad niya ngadto sa atong katigulangan, kang Abraham ug sa iyang sa kaliwatan hangtod kahangtoran!"

Unya nagpabilin si Maria uban kaniya og mga tulo ka bulan, ug mipauli siya sa iyang balay.

Ang Ebanghelyo sa Ginoo.

KATILINGBANONG PAG-AMPO December 22, 2022

Pari: Nagasunod sa panag-ingnan ni Maria, atong daygon ug pasalamatan ang Dios Amahan nga sa kabuhong sa iyang pagkamanggihatagon mihatag kanato sa iyang Bugtong Anak atong Manluluwas ug Manunubos. Sa matag pangamuyo, kita moingon: UMARI KA, UG AYAW PAGLANGAN, GINOO.

1. Nga ang Santo Papa, mga kaobispohan, kaparian ug ang tanang lumilihok sa Simbahan, giniyahan sa Maayong Magbalantay. makaangkon unta sila og madasigong kasingkasing sa pagsangyaw sa Maayong Balita diha sa tanang katawhan. Mag-ampo kita sa Ginoo.

2. Nga ang tanang lideres sa atong nasud, makabaton unta sila ogkasingkasing nga maalamon alang sa kaayohan ug pagpalambo sa katilingban. Mag-ampo kita sa Ginoo.

3. Nga pinaagi sa pangama ni Maria, ang mga kabus ug dinaugdaug mga tigulang, ug himalatyon, mamahimong gawasnon gikan sa ilang kahimtang. Mag-ampo kita sa Ginoo.

4. Nga ang atong paghatag og pagpasidungog kang Maria diha sa atong kinabuhi ug sa atong mga panimalay, mamahimo untang buhing paglaum sa pagpalawom sa atong pag-ila sa iyang Anak nga atong Manunubos. Mag-ampo kita sa Ginoo,

5. Nga ang mga manggihatagon ug mapasalamaton sa Dios, ilabina nila makabaton unta og malipayong kasingkasing diha sa ilang pagpaambit sa grasya nga nadawat ngadto sa ubang nanginahanglan. Mag-ampo kita sa Ginoo.

6. Nga ang atong mga minahal sa kinabuhi nga nahikatulog na sa dayon ilabina sila makadawat na sila sa kalipayng tunhay didto sa langit. Mag-ampo kita sa Ginoo.

Pari: Langitnong Amahan, sa pagduyog sa awit ni Maria, hatagi kami'g igong grasya nga mahuptan namo ang mga hiyas niya. Ibubo kanamo ang grasya aron kami sa kanunay makabaton sa kasingkasing nga puno sa pagdayeg ug pagpasalamat sa tanang butang nga imong gigasa kanamo. Kini among gipangayo pinaagi ni Cristo among Ginoo. Amen.