DAY 6 DEC. 21, 2022

IKAUNOM NGA ADLAW SA MISA DE GALLO

PASIUNA

December 21, 2022

Maayong buntag mga igsoon ko diha ni Cristo!

Karon Miyerkoles sa ika-upat nga Semana sa Adbiyento ug ania na usab kita sa ika-unom nga adlaw sa Misa de Gallo.

Ang unang pagbasa gikuha gikan sa Basahon ni Sofonias. Kini mahitungod sa pagpahinumdom ni Sofonias sa katawhan sa Ginoo nga dili na sila mahadlok tungod kay Siya anaa sa ilang taliwala. Miingon ang Ginoo, "Kuhaon ko ang katalagman gikan kaninyo, aron dili na kamo bugalbugalan tungod niini.

Ang ebanghelyo gikuha gikan sa Ebanghelyo sumala ni Mateo. Kini nagsaysay sa pagbisita ni Birhen Maria sa iyang paryente nga si Santa Isabel.

Palihug manindog alang sa pagsugod sa Santos nga

Eyukaristiya.

BASAHON I

Sg. 2:8-14

KINUTLO GIKAN SA AWIT SA MGA AWIT

Ang babaye:

Nadungog ko ang tingog sa akong hinigugma; nagdagan siya sa kabungtoran paingon kanako. Sama sa lagsaw ang akong hinigugma; sama siya sa nating usa.

Nagbarog siya luyo sa among paril. 

Milili siya sa mga bintana ug mitan-aw kanako diha sa mga rehas. 

Nakigsulti kanako ang akong hinigugma.

Ang lalaki:

Ngari kanako, hinigugma ko, manlakat kita, minahal ko. 

Ang tingtugnaw milabay na; mihunong na ang ulan; namuklad na ang mga bulak sa kaumahan. Panahon na karon sa pag-awit; mabati na diha sa kaumahan ang awit sa mga salampati. Nagsugod na pagpanghinog ang mga igos, ug nangalimyon na ang bulak sa mga paras. Busa ngari kanako, hinigugma ko, manlakat kita, minahal ko. Sama ka sa salampati nga nagtago sa lungag sa bato. Pasud-onga ako sa matahom mong nawong, ug padungga ako sa tingog mong mananoy.

ANG PULONG SA GINOO.

OR

Zep 3:14-12

KINUTLO GIKAN SA BASAHON NI SOFONIAS

Awit og kusog, O katawhan sa Sion.

Singgit, O Israel!

Pagmaya ug paglipay pag-ayo, O Jerusalem!

Dili na kamo silotan sa GINOO, giabog na niya ang inyong mga kaaway.

Ang hari sa Israel, ang GINOO, anaa sa inyong taliwala, busa ayaw na kamo kahadlok sa dautan.

Niadtong adlawa ingnon unya ang

Jerusalem:

"Ayaw kahadlok, O Sion; ayaw pakawad-ig kusog ang imong mga kamut. Ang GINOO nga inyong Dios anaa uban kaninyo, ang iyang gahom mohatag kaninyong kadaugan.

Malipay kaninyo ang GINOO, ug diha sa iyang gugma hatagan kamog bag-ong kinabuhi.

Moawit siya ug magmalipayon tungod kaninyo, sama sa buhaton sa adlaw sa pangilin."

Miingon ang GINOO, "Kuhaon ko ang katalagman gikan kaninyo, aron dili na kamo bugalbugalan tungod niini."

ANG PULONG SA GINOO.

SALMO RESPONSORYO

Ps. 33.2-3, 11-12, 20-21

R. Singgit kamo sa kalipay diha sa Ginoo, kamo nga mga balaan; awiti ninyo siya og usa ka bag-ong awit.

Pasalamati ang Ginoo diha sa Alpa, uban sa lira nga may napulo ka koldas.

Awiti ang iyang mga pagdayeg. Awiti siya og usa ka bag-ong awit Ayoha pagkablit ang mga koldas, uban sa mga singgit sa kalipay.

R. Singgit kamo sa kalipay diha sa Ginoo, kamo nga mga balaan; awiti ninyo siya og usa ka bag-ong awit.

Ang laraw sa Ginoo nagabarog sa kahangturan: ang hunahuna sa iyang kasingkasing, latas sa tanang kaliwatan.

Bulahan ang nasod kansang Dios mao ang Ginoo, ang lungsod nga iyang gipili alang sa iyang kaugalingong kabilin.

R. Singgit kamo sa kalipay diha sa Ginoo, kamo nga mga balaan; awiti ninyo siya og usa ka bag-ong awit.

Ang atong kalag nagapaabot sa Ginoo, nga mao ang atong hinabang ug atong panalipod, Kay diha kaniya nalipay ang atong mga kasingkasing; diha sa iyang balaang ngalan nagasalig kita.

R. Singgit kamo sa kalipay diha sa Ginoo, kamo nga mga balaan; awiti ninyo siya og usa ka bag-ong awit.

EBANGHELYO

Lk. 1: 39-45

Kinutlo gikan sa Ebanghelyo sumala ni San Mateo 

Ug mitindog si Maria, ug miadto nga nagdalidali niadtong mga adlawa, ngadto sa kabungtoran, didto sa usa ka lungsod sa Judea. Ug misulod siya sa balay ni Zacarias ug nangumusta kang Isabel. Ug sa pagkadungog ni Isabel sa pangumusta ni Maria, miulpot ang bata sulod sa iyang sabakan, ug napuno sa Espiritu Santo si Isabel.

Ug misinggit siya makusog sa nga siyagit, "Labing bulahan ka sa mga kababayenhan ug bulahan ang bunga sa imong sabakan. Ug ngano nga nahitabo man kini kanako nga ang inahan sa akong Ginoo miari kanako? Tan-awa, tungod kay sa diha nga miabot ang tingog imong sa pangumusta ngari akong mga sa mga dalunggan, miulpot sa kasadya ang bata nga ania sa akong sabakan. Bulahan, O ikaw nga mituo nga adunay katumanan ang mga gipamulong nganha kanimo gikan sa Ginoo."

Ang Ebanghelyo sa Ginoo.

KATILINGBANONG PAG-AMPO

December 21, 2022

Pari: Si Santa Isabel napasidunggan sa pagbisita kaniya sa inahan sa iyang Ginoo. Apan si Maria nangandoy lamang nga mopaambit sa iyang kalipay. Atong ihalad ang atong mga pag- ampo ngadto sa Amahan nga nahimuot sa mga piniling babaye. Sa matag pangamuyo, moingon kita:

GINOO, DUNGGA ANG AMONG PAG-AMPO.

1. Nga ang Simbahan, ilabina ang atong Santo Papa Francisco, mga Obispo, mga Pari ug mga relihiyoso, bendisyonan unta sa Ginoo diha sa ilang makugihong pagsangyaw sa kaluwasan ngadto sa tanang katawhan labi na halayong mga dapit. Mag-ampo kita sa Ginoo.

2. Nga ang mga nangulo sa panggamhanan, makadawat unta sa grasya nga ilang gipangandoy alang sa kaayohan sa tanang katawhan. Mag-ampo kita sa Ginoo.

3. Nga ang tanang mga inahan, hatagan unta sa Dios og igong kusog ug kalig-on sa kasingkasing diha sa ilang pag-agak ug pag-amoma sa ilang mga anak. Mag-ampo kita sa Ginoo.

4. Nga ang tanang mga nagmasakiton, tigulang ug himalatyon, sama kang Santa Maria, makasinati unta sila og kalipay pinaagi sa ilang mga kaparyentihan ug higala. Mag-ampo kita sa Ginoo,

5. Nga ang mga manggihatagon ug mapasalamaton sa Dios, ilabina nila makabaton unta og malipayong kasingkasing diha sa ilang pagpaambit sa grasya nga nadawat ngadto sa ubang nanginahanglan. Mag-ampo kita sa Ginoo.

6. Nga ang mga magtutuong nangamatay ilabina sila makasinati na unta sa kalipay sa presensiya sa Ginoo diha sa iyang Gingharian. Mag-ampo kita sa Ginoo.

Pari: Dios, among Amahan, nagpabati ikaw sa imong presensiya dinhi kanamo diha sa pagkamanggihatagon sa among mga igsuon. Hinaut unta nga kami makapadayon sa pagsangyaw sa imong gugma pinaagi sa among pagpakiglambigit diha sa kinabuhi sa pagpangalagad. Itugot kini pinaagi ni Cristo among Ginoo. Amen.