ALL SAINTS DAY

PIYESTA SA TANANG MGA SANTOS 

SOLEMNIDAD

PASIUNA

Nov. 1, 2022

Mga kaigsuonan ko diha ni Cristo malipayong pista sa tanan!

Karong adlawa gisaulog sa tibuok Simbahan ang tanang mga Santos. Sila ang giila nga mga bayani sa pagtuo, kansang kinabuhi nahimong panig-ingnan sa pagkabalaan ug pagkamatarong. Tungod sa ilang pagkasumusunod sa Dios, nahimo silang atong tigpangama sa grasya ug tigpanalipod batok sa dautan.

Kitang tanan nga mga binunyagan gitawag nga mga santos sa Dios tungod kay pinaagi sa bunyag gibalaan man kita ug nahiusa diha ni Cristo. Atong puy-an kining maong grasya sa matag adlaw sa atong kinabuhi.

Manindog ang tanan.

BASAHON I

Rv. 7:2-4, 9-14

KINUTLO GIKAN SA BASAHON SA ANG GIPADAYAG

Unya nakita ko ang laing anghel nga mikayab gikan sa sidlakan nga may patik sa buhing Dios. Misinggit siya ngadto sa upat ka anghel nga gihatagan sa Dios og gahom sa paglaglag sa yuta ug sa dagat. Miingon siya, "Ayaw pasipad-i ang yuta, ang dagat ug ang kakahoyan hangtod nga ang mga sulugoon sa atong Dios kapa tikan namo sa ilang agtang!" Ug gisu ginlan ako nga ang napatikan sa patik sa Dios sa ilang agtang, gatusan ug kap-atan gikan sa tanang banay sa Israel.

Tapos niini nakita ko ang dakong panon sa katawhan nga walay makaihap. Gikan sila sa nagkalainlaing nasod, banay, ug katawhan ug nagbarog sila sa atubangan sa trono ug sa Nating Karnero. Nagbisti silag puti ug nagbitbit og mga palwa. Naninggit sila sa pag-ingon, "Ang atong kaluwasan naggikan sa atong Dios nga naglingkod sa trono ug gikan sa Nating Karnero!" Nag-alirong ang tanang anghel sa trono lakip ang mga pangulo ug ang upat ka buhing binuhat.

Unya nanghapa sila atubangan sa trono ug misimba sa Dios ug miingon, "Amen! Ang pagdayeg, himaya, kaalam, mga pasalamat ug pasidungog, gahom ug kusog iya sa atong Dios hangtod sa kahangturan! Amen!"

Unya nangutana kanako ang usa sa mga pangulo, "Kinsa man kining mga tawhana nga nagbistig puti, ug taga diin man sila?" Gitubag ko siya, "Sir, nasayod ka kinsa sila apan ako wala." Ug miingon siya kanako, "Mao kini sila ang naka lahutay sa dakong paglutos. Gilabhan nila ang ilang mga bisti ug gipaputi nila kini sa dugo sa Nating Karnero.

ANG PULONG SA GINOO.

SALMO RESPONSORYO

Ps. 24:1-2, 3-4, 5-6

R. Ginoo, mao kini ang lungsod nga nangandoy pagtan-aw sa imong nawong.

Sa Ginoo ang yuta ug ang iyang kapuno; ang kalibutan ug sila nga nagpuyo niini.

Kay iya kining gitukod ibabaw sa kadagatan ug iyang gipabarog diha sa kasubaan.

R. Ginoo, mao kini ang lungsod nga nangandoy pagtan-aw sa imong nawong.

Kinsay makatungas sa bukid sa Ginoo? O kinsay makabarog sa iyang balaang dapit?

Siya kansang mga kamut walay sala, kansang kasingkasing malinis, nga wala magtinguha sa mga butang nga walay hinungdan.

R. Ginoo, mao kini ang lungsod nga nangandoy pagtan-aw sa imong nawong.

Makadawat siyag panalangin gikan sa Ginoo, usa ka ganti gikan sa Dios nga iyang manluluwas.

Mao kini ang kaliwat nga nangita kaniya, nga nangita sa nawong sa Dios ni Jacob.

R. Ginoo, mao kini ang lungsod nga nangandoy pagtan-aw sa imong nawong.

BASAHON II

1 Jn. 3: 1-3

KINUTLO GIKAN SA UNANG SULAT NI SAN JUAN

Palandonga ninyo unsa kadako ang paghigugma sa Amahan kanato! Gihi gugma kita niya pag-ayo nga tungod niini giisip kitang mga anak sa Dios ug kini matuod gayod. Wala makaila kanato ang kalibutan, kay wala man kini makaila sa Dios. Minahal kong mga igsuon, kita karon mga anak na sa Dios, apan wala pa nato matino kon maunsa gayod kita. Ang nasayran nato mao nga inigpadayag na ni Cristo mahisama kita kaniya, kay makita man nato siya sa iyang pagkamao gayod. Ug ang tanan nga nagbaton niining paglauma diha kang Cristo nagputli sa ilang kaugalingon ingon nga putli si Cristo.

ANG PULONG SA GINOO.

EBANHELYO

Kinutlo gikan sa Ebanghelyo sumala ni Mateo

Mt 5:1-12

Sa pagkakita ni Jesus sa mga panon sa katawhan, mitungas siya sa bungtod; ug sa nakalingkod na siya, gidúol siya sa iyang mga tinun-an. Unya gibuka niya ang iyang baba ug misugod siya sa pagpanudlo kanila sa pag-ingon:

"Bulahan ang mga kabos sa espiritu, kay ila ang gingharian sa langit.

"Bulahan ang mga nagsubo, kay sila pagahupayon.

"Bulahan ang mga maaghop, kay sila makadawat sa yuta isip kabilin.

"Bulahan ang mga gigutom ug giuhaw alang sa pagkamatarong, kay sila pagatagbawon.

"Bulahan ang mga maluluy-on, kay sila pagakaluy-an.

"Bulahan ang mga putli og kasingkasing, kay sila makakita sa Dios.

"Bulahan ang mga tigpatunhay sa kalinaw, kay sila pagatawgon nga mga anak sa Dios.

"Bulahan ang mga gilutos tungod sa katarong, kay ila ang gingharian sa langit.

"Bulahan kamo kon bugalbogalan kamo, ug lutoson, ug butangbutangan kamo sa tanang matang sa kadaotan tungòd kanako.

"Paglipay ug pagsadya kamo, kay dako ang iganti kaninyo didto sa langit; kay sa ingon niini gipanglutos nila ang mga propeta nga nahiuna kaninyo."

Ang Ebanghelyo sa Ginoo.

PANGALIYA SA KATILINGBAN

Nov. 1, 2022

Pari: Uban sa pangama sa tanang mga

Santos sa langit, modangop kita ngadto sa Dios Amahan, ang tuburan sa tanang kabulahanan. Sa matag pag-ampo kita moingon: 

GINOO, HIMOA KAMING BULAHAN. 

1. Nga ang makanunayong pangama sa Madaugong Simbahan sa langit mag tabang paglig-on sa Militanteng Simbahan nga nagkinabuhi pa sa kalibutan. Mag-ampo kita.

2. Nga ang panggamhanan maningkamot unta pagpatunhay sa kalinaw ug kadait sa katawhan aron ang nasud mabulahan. Mag-ampo kita.

3. Nga uban sa pagtabang ug pagdasig sa Kristohanong Katilingban, tingu- haon nato kanunay nga mahimong bulahan atubangan sa Dios. Mag-ampo kita.

4. Nga ang atong mga minahal nga nangamatay mahiusa na unta uban sa tanang mga Santos sa langit. Mag-ampo kita.

Pari: Dios Amahan, uban panabang sa sa among igsuong mga Santos, himo-a kaming Makala hutay sa pagsunod kang Cristo nga among Ginoo. Amen.