KASAULOGAN SA PULONG

1. KASAULOGAN SA PULONG

(Magamit sa tanang panahon)

Kining maong porma mahimong gamiton sulod sa tanang semana sa Liturhiyanhong tuig, Solemnidad ug Kapistahan.

I. RITO SA PAGSUGOD

1. Pasiuna

Pangulo: Mga igsoon ko diha kang Kristo, maayong kanatong tanan.

Ania na usab kita karon aron sa pagsaulog niining balaang takna nga atong gigahin alang sa atong Ginoo ug alang sa usa'g-usa.

Angayan lamang nga atong andamon ang atong kaugalingon alang sa mas makahuluganon ug madasigon nga pagsaulog niining hiniusang pag-ampo sa katilingban.

Sa ngalan sa atong halangdong Arsobispo sa Davao, ROMULO G. VALLES inubanan sa pagtudlo sa atong Kura Paroko, nga mao si FR. JOHNNY A. AUTIDA ako, inyong Pangulo sa Liturhiya (PSL) gipadala ug gitahasan sa pagdumala niining senemanang pag-ampo. 

(Magpaila ang PSL sa iyang pangalan kon ugaling magsaulog sa laing katilingban apan kon anaa mismo sa katilingban, dili na

kinahanglan nga magpaila pa. Timbayaon ang mga bisita kon aduna. Kon wala, ang pangulo mopadayon)

Manindog kita ug atong awiton ang pasiunang awit. 

(Mahimong magpili og awit nga haum sa tema sa kasaulogan) 

2. Pasiunang Awit

3. Pagpangandam sa Kasaulogan

Pangulo :

Sa ngalan sa Amahan, sa Anak ug sa Espiritu Santo. 

Tanan: Amen.

Pangulo:

Ang matag usa kanato gibuhat sa Dios tungod sa gugma ug sumala sa iyang dagway ug kasamahan. Sa atong pagpakasala sa kaugalingon ug sa atong isigkatawo, nahimulag kita sa mga mata sa Dios ug sa tawo. Ug agi'g pagpangandam ning atong kasaulogan, diha sa tumang kahilom atong hinulsolan ang mga kalapasan nga atong nabuhat batok sa Dios ug sa isigkatawo ug pangayoon ta ang pasaylo sa atong langitnong Amahan.

(Hilom sa makadiyot)

Pangulo:

Duyog sa hiniusang pagdayeg sa Dios, atong awiton ang Ginoo, kaloy-i kami.

Tanan: Ginoo, kaloy-i kami (awiton)

4. Awit sa Himaya

(Awiton lamang panahon sa dagkong solemnidad o kapistahan sa atong simbahan.)

5. Pasiunang Pag-ampo

(Pangadyeon ang Pasiunang Pag-ampo nga anaa Appendix X, pahina 88 - 115)

II. PAGSANGYAW SA PULONG SA DIOS

(Ang PSL o pangulo moadto sa atubangan sa altar ug moyukbo [bow] niini. Hagkan niya ang leksyonaryo, dayon kuhaon ug ibayaw atubangan sa katawhan ug kuhaon kini sa unang magbabasa diha sa atubangan. Pagkahuman, mobalik ang PSL sa iyang lingkoranan samtang ang unang magbabasa moadto sa Ambo. Sa dili pa ang pagbasa, dapiton sa pangulo ang katawhan sa pag-ingon:)

Pangulo:

Mga kaigsoonan, paminawon nato karon ang Pulong sa Dios nga nagpadayag sa gugma sa Amahan nganhi kanato. Sa atong pagpaminaw, atong sination kining maong gugma nga maoy nagpalawom sa atong paglaum ug pagtoo sa Ginoo.

Palihug manglingkod.

1. Unang Pagbasa

2. Salmo Responsoryo

3. Ikaduhang Pagbasa

4. Pagpasidungog sa Ebanghelyo

(Ang pangulo mobow sa may altar agig pagtahod ug moadto sa may ambo alang sa pagbasa sa Ebanghelyo ug dapiton ang katawhan sa pagtindog pinaagi sa pag-ingon:)

Pangulo

Manindog kita ug atong pasidunggan ang Ginoo diha sa atong pag-awit sa aleluya.

5. Ebanghelyo

6. Komentaryo

Pangulo: Manglingkod kita ug paminawon ang Komentaryo nga makatabang kanato sa pagsabot sa pulong sa Dios nga atong nadungog.

(Pagkahuman, maggahin og hamubong kahilom alang sa pagpamalandong sa mensahe nga gipadayag. Human sa hamubong kahilom, mopadayon ang PSL sa pag-ingon:)

Manindog ang tanan.

PAGPADAYAG SA PAGTOO

1. Kredo

Pangulo: Karon atong ipadayag ang atong pagtoo.

Tanan: 

Nagatuo kami sa usa ka, Dios, ang Amahan, ang makagagahum sa tanan, magbubuhat sa langit ug sa yuta, ug sa tanang mga makita ug dili makita. Nagatuo kami sa usa ka Ginoo, si Jesucristo, ang Bugtong Anak sa Dios, gianak sa Amahan sa wala pay katuigan, Dios gikan sa Dios, kahayag gikan sa kahayag, matuod nga Dios gikan sa Dios nga matuod,  gianak, dili binuhat, usag kinaiya sa Amahan. Pinaagi kaniya nangahimo ang tanan. Tungod kanatong mga tawo. ug alang sa atong kaluwasan mikanaog siya gikan sa langit.  Sa lalang sa Espiritu Santo nahimo siya nga may lawas gikan ni Maria nga ulay  ug nahimong tawo.  Tungod kanato gilansang siya sa krus sa sugo ni Poncio Pilato; nag-antos siya, namatay ug gilubong. Sa ikatulong adlaw nabanhaw siya  aron matuman ang Kasulatan.Misaka siya sa langit ug nagalingkod sa tuo sa Amahan. Mobalik siya nga mahimayaon  aron paghukom sa mga buhi ug sa mga minatay, ug ang iyang gingharian walay katapusan.  Nagatoo kami sa Espirito Santo, ang Ginoo ug ang Maghahatag sa kinabuhi. Nagagikan siya sa Amahan ug sa Anak.  Dungan sa Amahan ug sa anak gisimba siya ug gihimaya, misulti pinaagi sa mga propeta. Nagatoo kami sa usa, Santos, Katoliko ug Apostoliko nga Simbahan. Nagaila  kami sa usa ka bunyag  alang sa kapasayloan sa mga   sala. Nagapaabot   kami sa pagkabanhaw sa mga minatay, ug sa kinabuhi sa umaabot nga kalibutan. Amen.

2. Pangaliya Alang sa Tanan

(Ang pangaliya nga inandam sa parokya ang maoy gamiton, kun duna, apan kon wala, gamiton ang mga Pangaliya nga gihikay sa ALC).

b. Awit ni Maria sa Pagdayeg (Magnificat) (Kung ang kasaulogan himoon sa hapon o gabii)

Pangulo

Mga igsoon, tinuod gayud nga atong Dios maloloy-on kanato. Siya mipadala sa iyang bugtong Anak, ang atong kahayag ug manluluwas. Busa, ato siyang daygon sa pag ingon:

Pangulo:

Magmalipayon unta ang atong mga kasing kasing ug magdayeg kaniya sama kang Santa Maria nga miingon:

Pangulo Nagdayeg ang akong kasingkasing sa Ginoo.

Tanan:

Nagdayeg ang akong kasingkasing sa Ginoo.

Pangulo:

Nagdayeg ang akong kasingkasing sa Ginoo ug nagmalipayon ang akong kalag tungod sa Dios nga akong manluluwas. Tungod kay nahinum dum siya kanako nga iyang ubos nga sulugoon.

Tanan:

Nagdayeg ang akong kasingkasing sa Ginoo.

Pangulo:

Ug sukad karon ang tanang tawo motawag kanako nga bulahan tungod sa mga dakong butang nga gihimo kanako sa gamhanang Dios, balaan ang iyang ngalan.

Tanan:

Nagdayeg ang akong kasingkasing sa Ginoo.

Nagpakita siyag kalooy sa tanan nga may kahadlok kaniya gikan sa usa ka kaliwatan ngadto sa laing kaliwatan.

Tanan:

Nagdayeg ang akong kasingkasing sa Ginoo.

Pangulo :

Gibayaw niya ang iyang bukton nga gamhanan ug gipatibulaag ang mga tawo nga mapahitas on sa tanang nilang laraw.

Tanan:

Nagdayeg ang akong kasingkasing sa Ginoo.

Pangulo:

Gipukan niya ang mga hari nga gamhanan gikan sa ilang mga trono. Ug gituboy ang mga mapaubsanon.

Tanan:

Nagdayeg ang akong kasingkasing sa Ginoo.

Pangulo:

Gibusog niya sa mga maayong butang ang mga gigutom ug gipapahawa nga walay dala ang mga dato.

Tanan:

Nagdayeg ang akong kasingkasing sa Ginoo.

Pangulo :

Gituman niya ang iyang mga saad sa atong mga katigulangan. Mitabang siyag pagpakitag kalooy kang Abraham ug sa tanan niyang mga kaliwat hangtud sa kahangturan.

Pangulo

Himaya sa Amahan, sa Anak ug sa Espiritu Santo.

Tanan: Maingon sa sinugdan, karon ug sa gihapon ug sa mga katuigan nga walay katapusan. Amen.

Tanan:

Nagdayeg ang akong kasingkasing sa Ginoo.

IV. PAGTIGOM SA GASA ALANG SA PAGHIGUGMA

1. Pagtigom sa mga Gasa

Pangulo:

Manglingkod ang tanan.

Niining higayona human nato mapadayag ang atong pagtoo sa Ginoo, ato na usab ipadayag ang atong buhat sa gugma alang sa Simbahan ug panginahanglan sa atong katilingban pinaagi sa atong kinasingkasing nga paghalad sa mga gasa.

(Ipahigayon dinhi ang awit sa pagtigom sa mga gasa ug dawaton kini sa PSL.)

2. Amahan Namo

Pangulo : 

Palihog manindog ang tanan

Kita nahiusa diha sa pagtoo ug paghigugma kang Jesukristo. Uban kaniya mangahas kita sa pagtawag sa Dios nga atong Amahan.

Tanan

Amahan Namo... (awiton)

Tungod kay mga anak man kita sa Dios, atong ipakita ang atong pagkamagsoon ug ipadayag ang atong panagdait sa usa'g usa... Peace be with you.....

V. RITO SA PAGTAPOS

1. Panalangin

Pangulo: Ang Dios manalangin kanato, ug moluwas kanato sa tanang dautan ug magdala kanato sa kinabuhing dayon. Sa ngalan sa Amahan ug sa Anak ug sa Espiritu Santo.

Tanan Amen.

Natapos na ang atong pagsaulog sa pulong sa Dios, ug karon atong awiton ang katapusang awit...