Ikanapulog-walo nga Domingo Sulod sa Tuig

Ikanapulog-walo nga Domingo Sulod sa Tuig

cycle C

BASAHON I

Eccl. 1:2; 2:21-23

KINUTLO GIKAN SA BASAHON SA ECCLESIASTES

Kawang ug walay kapuslanan ang tanan, miingon siya.

Maghago ka uban sa tanan mong kaalam, kahibalo ug katakus, apan sa katapusan lain ang magpahimulos niini.

Busa wala kini kapuslanan ug dili makatarunganon! ka ug mag-antos sa tibuok mong kinabuhi, apan unsa may nakuha mo niini? Wala!

ANG PULONG SA GINOO.

SALMO RESPONSORYO 

Ps. 95:1-2, 6-7, 8-9

R. Kon karon makadungog kamo sa iyang tingog, ayaw patig-aha ang inyong mga kasingkasing.

Umari kamo, awitan ta nga malipayon ang Ginoo; isangyaw ta ang bato sa atong kaluwasan. Yukboan ta siya uban sa pasalamat; awitan ta siya nga malipayon og mga salmo.

R. Kon karon makadungog kamo sa iyang tingog, ayaw patig-aha ang inyong mga kasingkasing.

Umari kamo, manghapa kita sa pagsimba; mangluhod kita atubangan sa Ginoo nga nagbuhat kanato.

Kay siya man ang atong Dios, ug kita ang katawhan nga iyang gidumala, ang panon nga iyang gitultolan.

R. Kon karon makadungog kamo sa iyang tingog, ayaw patig-aha ang inyong mga kasingkasing.

Hinaut unta nga karon mamati kamo sa iyang tingog; "ayaw tig-aha ang inyong mga kasingkasing sama didto sa Meriba.

Sama sa adlaw ni Massah didto sa kamingawan diin gisulayan ako sa inyong mga katigulangan.

Ila akong gisuta bisan nakakita sila sa akong mga buhat."

R. Kon karon makadungog kamo sa iyang tingog, ayaw patig-aha ang inyong mga kasingkasing.

BASAHON II

Col. 3:1-5, 9-11

KINUTLO GIKAN SA SULAT NI SAN PABLO NGADTO SA TAGA-COLOSAS

Sanglit gibanhaw na man kamo uban ni Cristo, tinguhaa ang mga butang nga atua sa langit diin naglingkod si Cristo sa iyang trono sa tuo sa Dios. Hunahunaa ang mga butang langitnon, dili ang yutan-on. Kay namatay na kamo, ug ang inyong kinabuhi natago uban ni Cristo diha sa Dios. Ang matuod ninyong kinabuhi mao si Cristo ug inigpakita niya, makita usab kamo uban kaniya ug moambit sa himaya niya.

Busa patya ninyo ang mga kaibog nga kalibutanon nga anaa kaninyo, sama sa pagpakighilawas, kalaw-ayan, kaulag, dautang kailibgon ug kahakog kay ang kahakog usa ka paagi sa pagsimba sa diosdios.

Ayaw kamo pamakak kay gihubo na ninyo ang inyong daang pagkatawo uban sa iyang kinaiya, ug gisul-ob na ninyo ang bag-ong pagkatawo. Mao kini ang bag ong tawo nga gibag-o kanunay sa Dios nga iyang magbubuhat, sumala sa iyang kaugalingong dagway, aron masayod kamo sa hingpit mahitungod sa Dios. Tungod niini, wala nay Judio ug dili Judio, mga tinuli ug dili tinuli, mga luog, mga langyaw, mga ulipon o dili ulipon, kay si Cristo mao ang tanan ug anaa sa tanan!

ANG PULONG SA GINOO.

EBANGHELYO

Kinutlo gikan sa Ebanghelyo sumala ni Lucas

Lk 12:13-2

Ug miingon kaniya ang usà ka tawo nga gikan sa panon.

"Magtutudlo, sultihi ang akong igsoon nga bahinan akò sa kabilin." Apan miingon siya kaniya, "Tawo, kinsa may mipili kanako isip maghuhukom o tigbahin alang kaninyo?" Ug miingon siya ngadto kanila, "Pagmatngon ug pagbantay kamo batok sa tanang mátang sa kahakog; tungod kay bisan pa og buhong ang usa ka tawo, ang iyang kinabuhi walâ mag-agad sa iyang mga katigayonan."

Unya misugilon siya ngadto kanila og sambingay, "May usa ka tawo nga adunahan kansang uma mihatag og dakong abòt.

Ug nagpunay siya og hunahuna sulod sa iyang kaugalingon, 'Unsa kahay akong buhaton karon nga wala na akoy matapokan sa akong mga abòt?' Ug miingon siya, 'Kini ang akong pagabuhaton: gub-on ko ang akong mga kamalig ug magtukod akò og labaw pa kadako niini, ug tapokon nako didto ang tanan nakong mga lugas ug katigayonan.

Ug moingon ako sa akong kaugalingon, "Hoy Tawo, aduna kay daghang katigayonan nga gitagana pahayahay, kaon, inom, paglulinghayaw." alang sa daghang mga tuig; Apan miingon kaniya ang Dios, Hungog, niining gabhiona bawion nila gikan kanimo ang imong kinabuhi; ug ang mga butang nga imong giandam, kinsa man unyay makapanag-iya niini?'

"Ingon niini ang dangatan sa tawo nga nagpadato sa kaugalingon ug dili buhong atubangan sa Dios."

Ang Ebanghelyo sa Ginoo.

PASIUNA

JULY 31,2022

Maayong buntag /hapon mga igsoon diha ni Kristo.

Ania na kita sa ikanapulo'g walo nga domingo sa ordinaryong panahon. Karong domingoha usab atong gisaulog ang FIL-MISSION SUNDAY Atong iapil sa atong mga pag-ampo ang Mission Society of the Philippines ang grupo sa Filipino nga mga Misyonaryong mga pari.

Ang unang pagbasa gikan sa Basahon sa Ecclesiastes. Kini nagpadayag sa ka kawang lamang sa mga paghago sa tawo.

Ang ikaduhang pagbasa gikan sa sulat ni San Pablo ngadto sa Taga Colosas, siya miingon: "Ang matuod ninyong kinabuhi mao si Kristo

ug inigpakita niya, makita usab kamo kaniya ug moambit sa himaya niya."

Ug ang ebanghelyo gikan sa ebanghelyo sumala ni San Lucas. Kini mahitungod sa sambingay sa tawong daghan ug katigayonan.

Palihug manindog alang sa pagsugod sa Santos na Eyukaristiya.

PANGALIYA

HULYO 31,2022

PARI: Mag-ampo kita ngadto sa atong makagagahum nga Amahan, ang tuburan sa tanang grasya ug panalangin. Sa matag pangamuyo kita moingon:

GINOO, DUNGGA KAMI.

1. Alang sa nagdumala sa Simbahan, ang Santo Papa, mga Obispo ug mga kaparian, mapuno unta sila sa kadasig ug kalipay aron mapaambit nila ang langitnong mga bahandi ngadto sa katawhan. Mag-ampo kita.

2. Alang sa mga lideres sa kanasuran, makasinati unta sila sa presensiya ni Kristo aron molahutay sila sa pagbuhat og maayo alang sa kalambuan sa kadaghanan..Mag-ampo kita.

3. Alang sa atong kaigsoonang bahandianon, himoon unta sila sa Dios nga mga instrumento sa pagkamanggihatagon ngadto sa mga nanginahanglan. Mag-ampo kita.

4. Alang sa tanang sakop sa Mission Society of the Philippines, lig onon ug panalanginan sila sa Ginoo sa kanunay aron matinod-anon silang magsangyaw sa Maayong balita sa tanang dapit. Mag ampo kita.

5. Alang nila ni______________nga mapasalamaton sa kaayo sa Ginoo, bendisyonan unta sila kanunay sa Dios..Mag-ampo kita.

6. Alang sa mga kalag nila ni ___________ makasulod na unta sa gingharian sa langit. Mag-ampo kita.

PARI: Dios sa kagahuman, tuguti nga madawat namo ang grasya nga among gipangayo, pinaagi ni Kristo among Ginoo, Amen.