PAGSAKA SA GINOO SA LANGIT

BASAHON I

ABC

Acts 1:1-11

KINUTLO GIKAN SA MGA BUHAT SA

MGA APOSTOLES 

Minahal kong Teofilo: Sa una kong sulat gihisgotan ko ang tanang butang nga gibuhat ug gitudlo ni Jesus, sukad sa pagsugod niya sa iyang buluhaton hangtod sa adlaw nga gibayaw. siya ngadto sa langit. Sa wala pa siya bayawa, gipahimangnoan niya pinaagi sa Espiritu Santo ang mga tawo nga iyang gipili nga mga apostoles. Sulod sa kap atan ka adlaw human siya mamatay, nagpakita siya kanila sa makadaghan, sa mga paagi nga nagmatuod nga buhi. gayod siya. Nakita siya nila ug nakigsulti kanila mahitungod sa paghari sa Dios. Ug samtang si Jesus uban pa kanila gitugon niya sila, "Ayaw una kamo. pagbiya sa Jerusalem; hulata ninyo ang gasa nga gisaad sa akong Amahan, sumala sa gisulti ko kaninyo. Kay si Juan namunyag pinaagi sa tubig, apan pipila na lamang ka adlaw gikan karon bun yagan kamo pinaagi sa Espiritu Santo."

Sa pagkatigom nila, gipangutana nila si Jesus, "Ginoo, tukoron mo ba pag-usab niining panahona ang gingharian sa Israel?"

Si Jesus mitubag kanila, "Ang mga panahon ug mga adlaw gilatid nang daan sa pagbuot sa akong Amahan; dili kamo angay magpakisayod kon kanus-a kini mahitabo. Apan kon mokunsad na kaninyo ang Espiritu Santo, makadawat kamog gahom ug mahimo kamong akong mga saksi sa Jerusalem, sa tibuok Judea ug Samaria, ug sa tibuok kalibutan." Human niya isulti kini, gibayaw siya. ngadto sa langit samtang nagtan-aw sila kaniya, ug siya wala na nila makita kay gisalipdan man siyag panganod.

Samtang nagtutok sila sa langit sa pagkayab ni Jesus, may duha ka tawo nga nagbistig puti nga mitungha pagkalit ug mibarog tupad kanila. Miingon sila, "Mga taga-Galilea, nganong nagbarog man kamo dinhi ug nagsigig hangad sa langit? Si Jesus nga gibayaw ngadto sa langit mobalik sa samang paagi sa iyang pagkayab ngadto sa langit."

ANG PULONG SA GINOO.

SALMO RESPONSORYO

Ps. 47:2-3, 6-7, 8-9

R. Misaka ang Dios sa iyang trono uban sa mga singgit sa kalipay, usa ka tingog sa mga trompeta alang sa Ginoo. 

Kamong tanang mga tawo, pamakpak kamo, singgit kamo ngadto sa Dios sa mga singgit sa kalipay, Kay ang Ginoo, ang Labing Halangdon, ang katahaan, dakong hari sa tibuok nga kalibutan. 

R. Misaka ang Dios sa iyang trono uban sa mga singgit sa kalipay, usa ka tingog sa mga trompeta alang sa Ginoo. 

Kay hari sa tibuok yuta ang Dios;

awiti siyag mga imno sa pagdayeg. Maghari ang Dios diha sa kanasuran, magalingkod ang Dios diha sa iyang balaang trono.

R. Misaka ang Dios sa iyang trono uban sa mga singgit sa kalipay, usa ka tingog sa mga trompeta alang sa Ginoo.

BASAHON II

Eph. 1:17-23

KINUTLO GIKAN SA SULAT NI SAN PABLO NGADTO SA TAGA-EFESO

Ug naghangyo ako sa Dios sa atong Ginoong Jesucristo, ang gamhanang Amahan, nga hatagan unta kamo sa Espiritu nga maghimo kaninyong maalamon ug magpadayag sa Dios kaninyo aron makaila kamo kaniya. Naghangyo usab ako nga malamdagan unta ang inyong salabotan aron masayod kamo unsa ang paglaum nga alang niini gitawag kamo. Ug hinaut usab unta nga masayod kamo sa kahupong sa mga panalangin nga gisaad niya sa iyang katawhan. Dugang pa niini, gipanghinaut ko nga masayran ninyo ang kadako sa iyang gahom nga ania kanato nga nagtuo kaniya. Kining gahoma nga ania kanato mao ang gigamit niya pagbanhaw kang

Cristo, ug pagpalingkod kaniya sa iyang tuo didto sa langit. Didto naghari si Cristo labaw sa tanang mga hari, ug sa mga anaa sa gahom ug sa mga punoan ingon man sa mga kaginoohan; labaw siya sa tanan bisan unsa pa ang ilang katungdanan niining kalibutana ug sa sunod. Gibutang sa Dios ang tanan ubos sa pagmando ni Cristo, ug alang sa simbahan gihimo siyang pangulo nga labaw sa tanan. Ang simbahan mao ang lawas ni Cristo, ang kahingpitan niya nga mao ang naghingpit sa tanang butang.

ANG PULONG SA GINOO.

PASIUNA MAYO 29,2022

Maayong buntag / hapon mga igsoon diha ni Kristo.

Karong adlawa atong gisaulog ang Solemnidad sa Pagsaka sa Langit sa Ginoo. Karong adlawa usab atong gisaulog ang Catholic Communication Sunday.

Ang atong unang pagbasa gikan sa mga Buhat sa mga Apostoles. Niining bahina atong madungog nga si Jesus gibayaw ngadto sa langit.

Ang ikaduhang pagbasa gikan sa Sulat ni San Pablo ngadto sa taga Epeso.Dinhi atong mabati ang pag-ampo ni San Pablo alang sa mga magtutuo sa Epeso. 

Ug ang ebanghelyo gikan sa ebanghelyo sumala ni San Lucas. Siya nag larawan usab sa pagbayaw ni Jesus ngadto sa langit.

Palihug manindog alang sa pagsugod sa Santos nga Eyukaristiya

PANGALIYA MAY 29, 2022

PARI: Mga igsoon, sa hiniusang tingog atong ipadangat ngadto sa Langitnong Amahan ang atong mga panginahanglan. Kita moingon:

AMAHAN NGA MALULUY-ON, DUNGGA KAMI.

1. Hatagan unta sa Dios sa iyang Espiritu ang mga pangulo sa simbahan aron maghimo kanilang matinud-anon sa ilang pagsangyaw sa maayong balita ngadto sa tanang katawhan. Mag ampo kita.

2. Lamdagan unta sa Dios ang salabutan sa mga nangulo sa atong panggamhanan aron ang ilang mga buhat makahatag ug kaayuhan alang sa kadaghanan. Mag-ampo kita.

3. Panalanginan unta sa Dios ang mga masakiton, mga tigulang

ug mga kabus aron magpabilin silang matuohon, masaligon ug malaumon. Mag-ampo kita. 

4. Giyahan unta sa Dios ang mga naa sa komiyonikasyon,aron kanunay silang mopakaylap sa kamatuoran ug sa Maayong Balita.Mag ampo kita.

5. Panalanginan unta sa Ginoo sila

__________ nga nagdayeg ug nagpasalamat sa Dios tungod sa mga grasya ug kalampusan nga ilang nadawat ug naangkon.. Mag- ampo kita. 

6. Dawaton unta sa Dios sa iyang gingharian ang mga kalag sa mga nangamatay hilabina nila _________ aron makapahulay silang      malinawon. Mag-ampo kita. 

PARI: Dios nga labing gamhanan, malaumon kaming imong katawhan nga ang among pag-ampo imo untang hatagan ug katumanan, pinaagi ni Kristo among Ginoo. Amen.