Ikaunom nga Doming sa Pagkabanhaw

Ikaunom nga Doming sa Pagkabanhaw

BASAHON I

Acts 15:1-2, 22-29

KINUTLO GIKAN SA MGA BUHAT SA MGA APOSTOLES

May pipila ka tawo nga nangabot sa Antioquia gikan sa Judea, ug nanudlo sila sa mga kaigsuonan. Sila nag-ingon, "Dili kamo maluwas gawas kon modawat kamo sa seremonyas sa pagtuli sumala sa gisugo sa Balaod ni Moises." Kining pagtulon ana gisupak pag-ayo ni Pablo ug ni Bernabe; busa gikauyonan nga si Pablo ug si Bernabe ug pipila ka mga tinun-an sa Antioquia mangadto sa Jerusalem ug makigkita sa mga apostoles ug sa mga kadagkoan bahin niining butanga.

Unya dinasonan sa tibuok simbahan, kaming mga apostoles ug ang mga pangulo sa maong simbahan nagkauyon sa pagpilig mga tawo sa ilang pundok aron ipadala ngadto sa Antioquia uban ni Pablo ug ni Bernabe. Gipili nila si Judas nga ginganlag Barsabas, ug si Silas, mga tawo nga gitamod pag-ayo sa mga kaigsuonan. Ug ilang gipadala kanila kining mosunod nga sulat:

"Ang mga apostoles ug ang mga pangulo sa simbahan nga inyong mga igsuon nangumosta sa tanang mga kaigsoonang dili Judio nga nagpuyo sa Antioquia, sa Siria ug sa Cilicia. Naka balita kami nga may mag sakop sa atong pundok nga nagsamok ug nagpalibog kaninyo tungod sa ilang gipanulti; apan kini sila wala namo sugoa sa pagbuhat niini. Busa nagtigom kami ug nagkauyon ang tanan sa pagpilig mga tinugyanan aron ipadala nganha kaninyo. Mokuyog sila sa atong minahal nga mga higala nga si Bernabe ug si Pablo, nga naghalad sa ilang kinabuhi aron pag-alagad sa atong Ginoong Jesucristo. Busa among gipadala kaninyo si Judas ug si Silas nga maoy mosaysay sa mga butang nga among gisulti kaninyo. Ang Espiritu Santo ug kami nagkauyon sa dili pagsangon kaninyo ug laing mga palas-onon gawas sa gikinahanglang mga tulomanon nga mao kini: ayaw kamo pagkaon og kalan on nga gihalad ngadto sa mga diosdios, ni dugo, ni mananap nga gituok; ug likayi ninyo ang pakighilawas. Kon likayan ninyo kining mga butanga matarong ang inyong gibuhat. Adyos."

ANG PULONG SA GINOO.

SALMO RESPONSORYO 

Ps. 67:2-3, 5, 6, 8

R. O Dios, magdayeg unta kanimo ang tanang mga nasod.

Kaloy-an unta kita sa Dios ug bendisyonan kita; ipandan-ag unta kanato ang iyang nawong.

Mahibaw-an unta ang iyang dalan

dinhi sa yuta; ug diha sa tanang mga nasod, ang imong kaluwasan.

R. O Dios, magdayeg unta kanimo ang tanang mga nasod.

Maglipay unta ang mga nasod ug magsadya kay nagamando ka sa kanasuran diha sa kaangayan;

Ang mga nasod dinhi sa yuta imong gitultolan.

R. O Dios, magdayeg unta kanimo ang tanang mga nasod. 

Daygon unta ikaw sa katawhan,

O Dios; ang tanang kalungsoran magdayeg unta kanimo. Bendisyonan unta kita sa Dios, ug ang tanang kautlanan sa yuta mahadlok unta kaniya.

R. O Dios, magdayeg unta kanimo ang tanang mga nasod.

BASAHON II

Rv. 21:10-14, 22-23

KINUTLO GIKAN SA BASAHON SA ANG GIPADAYAG

Unya gigamhan ako sa Espiritu ug gidala sa anghel ngadto sa tumoy sa habog kaayong bukid ug gipakita kanako ang Jerusalem, ang Balaang Siyudad nga mikunsad gikan sa langit ug gikan sa Dios; naggilakgilak kini sa himaya sa Dios. Migilak ang siyudad sama sa bililhong bato nga daw haspe ug tin-aw sama sa bildo. May dako ug habog nga paril kini ug may napulog duha ka ganghaan nga gibantayan sa napulog duha ka anghel. Diha sa mga ganghaan, nahisulat ang mga ngalan sa napulog duha ka banay sa Israel. Kada kilid sa siyudad may tulo ka ganghaan: tulo sa silangan, tulo sa habagatan, tulo sa amihanan ug tulo sa kasadpan. Gitukod ang paril sa siyudad ibabaw sa napulog duha ka sukaranang bato nga gisulatan sa ngalan sa napulog duha ka apostoles sa Nating Karnero. 

Wala akoy nakitang templo didto sa siyudad kay ang Ginoong Dios nga Labing Gamhanan ug ang Nating Karnero mao may templo didto. Didto wala na kinahanglana ang kahayag sa adlaw ug sa bulan kay nagdan-ag man niini ang himaya sa Dios, ug ang Nating Karnero maoy suga didto.

ANG PULONG SA GINOO.

PASIUNA 

MAYO 22, 2022

Maayong buntag / hapon mga igsoon diha ni Kristo.

Ania na kita sa ika-unom nga domingo sa Pasko sa Pagkabanhaw.

Ang atong unang pagbasa gikan sa mga Buhat sa mga Apostoles.Dinhi atong madungog ang sulat sa mga Apostoles ngadto sa mga magtutuo sa Antioquia nga nagkanayon" Ang Espiritu Santo ug kami nagkauyon sa dili pagsangon kaninyo ug laing mga palas onon gawas sa gikinahanglang mga tulomanon.

Ang ikaduhang pagbasa gikan sa Basahon sa Ang Gipadayag, Kini nagsaysay sa panan-awon nga makita ni San Juan. Migilak ang siyudad sama sa bililhong bato nga daw haspe ug tin-aw sama sa bildo. Didto wala na kinahanglana ang kahayag sa adlaw ug sa bulan kay nagdan-ag man niini ang himaya sa Dios, ug ang Nating Karnero maoy suga didto."

Ug ang ebanghelyo gikan sa ebanghelyo sumala ni San Juan. Ang atong Ginoong Jesuskristo nagkanayon: Kon ang si bisan kinsa nga nahigugma kanako, sundon niya ang akong pulong. "

Palihug manindog alang sa pagsugod sa Santos nga Eyukaristiya.

PANGALIYA

MAYO 22, 2022

PARI: Mga igsoon, modangop kita ngadto sa Dios Amahan ang tuburan sa tanang panalangin.Atong ipadangat ngadto kaniya ang atong mga panginahanglan diha sa pag-ingon:

DIOS NGA MAHIGUGMAON, DUNGGA KAMI.

1. Alang sa tanang nagdumala sa Simbahan nga uban sa lamdag sa Espiritu Santo ilang mapuy-an ug masabwag ang Maayong Balita ngadto sa tanang katawhan sa tibook kalibutan. Mag-ampo kita.

2. Alang sa nagdumala sa atong panggamhanan, uban sa pag giya sa Espiritu Santo matinud-anon silang moalagad sa katawhan ug ilang mapalambo ang katilingban. Mag-ampo kita. 

3. Alang sa atong mga kaigsoonang nag antus sa tumang kawad-on, mga masakiton,mga tigulang,dinasig sa Balaang Espiritu, malig-on ang ilang pagtoo sa Ginoo ug panalanginan unta sila kanunay sa Dios aron mahupay ang ilang kalisdanan.Mag-ampo kita.

4. Alang kanatong tanan nga nagsaulog niining Eyukaristiya diha

sa atong pagdawat sa Lawas ug Dugo ni Kristo, malig-on unta ang atong pagtoo, malamdagan ang atong mga salabutan ug kasingkasing aron madasigon kitang magkinabuhing Kristohanon.Mag ampo kita. 

5. Alang sa mga nidayeg ug mipasalamat sa Ginoo,hilabina sila___________hatagan unta sa Dios ug katumanan ang ilang mga pangandoy sa kinabuhi. Mag-ampo kita.

 

6. Alang sa tanang nangamatay,hilabina nila ____________ makaambit na unta sa kinabuhing langitnon. Mag-ampo kita.

PARI: Dios nga labing gamhanan, malaumon kaming imong katawhan nga ang among pag-ampo imo untang hatagan ug katumanan, pinaagi ni Kristo among Ginoo.Amen.