Ikanapulog-duha nga Domingo Sulod sa Tuig

Ikanapulog-duha nga Domingo Sulod sa Tuig

PASIUNA

HUNYO 23, 2024

Maayong buntag mga igsuon diha ni Cristo.

Ania na kita sa Ikanapulo'g-duha nga Domingo sa Ordinaryong Panahon.

Ang unang pagbasa gikuha gikan sa Basahon ni Job. Dinhi atong madungog ang Ginoo nga miingon nagdto sa dagat, "Dinhi ka ra gayod kutob! Anhi ra kutob ang dagko mong mga balod."

Ang ikaduhang pagbasa gikuha gikan sa Ikaduhang Sulat ni San Pablo ngadto sa taga-Corinto. Siya miingon kanila, "Kay bisan kinsa nga nahiusa kang Cristo, bag-o na siyang binuhat."

Ang Ebanghelyo gikuha gikan sa Santos nga Ebanghelyo sumala ni San Marcos. Dinhi atong madungog ang Ginoo nga nangutana kanila, "Nganong mahadlok man kamo? Wala pa ba kamoy pagtuo?"

Palihug manindog alang sa pagsugod sa Santos nga Eyukaristiya.

Salmo Responsoryo:

Pasalamati ang Ginoo, kay ang iyang gugma walay katapusan.

Katilingbanong Pag-ampo:

Ginoo, dungga kami.

BASAHON I

Jb. 38:1, 8-11

KINUTLO GIKAN SA BASAHON NI JOB 

Unya diha sa bagyo miingon ang GINOO kang Job, Kinsa may nagtak-op sa mga ganghaan aron pagpugong sa dagat, sa dihang mibuhagay kini gikan sa kahiladman sa yuta? Ako ang nagpandong sa dagat pinaagi sa mga panganod, ug giputos ko kini sa kangitngit. Gibutangan kog utlanan ang dagat, ug gialihan ko kini ug gitrangkahan ang mga ganghaan. Giingnan ko kini, "Dinhi ka ra gayod kutob! Anhi ra kutob ang dagko mong mga balod."

ANG PULONG SA GINOO0.

SALMO RESPONSORYO

Ps. 107:23-24, 25-26, 28-29, 30-31

R. Pasalamati ang Ginoo, kay ang iyang gugma walay katapusan.

Sila nga nagalawig sa kadagatan diha sa mga sakayan, nga nagapatigayon diha sa kalawran, Sila nakakita sa mga buhat sa Ginoo ug sa iyang mga katingalahan diha sa kahiladman.

R. Pasalamati ang Ginoo, kay ang iyang gugma walay katapusan.

Nagpakitabang sila sa Ginoo diha sa ilang kalisdanan, sa ilang katalagman giluwas niya sila, Gipahilom niya ang unos ngadto sa usa ka mahinay nga huyohoy, ug ang mga balod sa kadagatan iyang gilinaw.

R. Pasalamati ang Ginoo, kay ang iyang gugma walay katapusan.

Nalipay sila nga sila gilinaw, ug gidala sila niya ngadto sa gipangandoy nilang dunggoanan.

Papasalamata sila sa Ginoo tungod sa iyang kaayo ug sa iyang katingalahang mga buhat ngadto sa mga anak sa katawhan.

R. Pasalamati ang Ginoo, kay ang iyang gugma walay katapusan.

BASAHON II

2 Cor. 5:14-17

KINUTLO GIKAN SA IKADUHANG SULAT NI SAN PABLO NGADTO SA TAGA-CORINTO

Kay giharian kami sa gugma ni Cristo, kay nasayod kami nga may usa ka tawo nga namatay alang sa tanan, ug kini nagpasabot nga ang tanang mga tawo nakaambit sa iyang kamatayon. Namatay siya alang sa tanang mga tawo aron ang mga buhi dili na magkinabuhi alang sa ilang kaugalingon, kondili kaniya nga namatay ug gibanhaw tungod kanila.

Busa sukad karon dili na kami maghukom kang bisan kinsa pinaagi sa tawhanong sukdanan. Kaniadto among gihukman si Cristo sa tawhanong suk- danan, apan karon dili na namo buhaton kini. Kay bisan kinsa nga nahiusa kang Cristo, bag-o na siyang binuhat; ang daan miagi na, ug miabot na ang bag-o.

ANG PULONG SA GINOO.

EBANGHELYO

Mk. 4: 35-41

Kinutlo gikan sa Balaan nga Ebanghelyo sumala ni Marcos

Ug pag-abot sa kagabhion niadtong adlawa miingon si Jesus kanila, “Manabok kita sa pikas daplin." Ug sa ilang pag-biya sa panon sa kataw- han gidala nila siya sa usa ka sakayan sa mao niyang kahimtang, adunay ubang ug sakayan nga mingkuyog kaniya.

Ug mihuros ang usa ka kusog nga hangin, ug ang mga balod mihapak sa sakayan, mao nga ang sakayan hapit mapuno sa tubig. Ug siya atoa sa ulin natulog sa higda- anan. Ug gipukaw nila siya ug miingon kaniya, "Magtutudlo, wala ka ba mabalaka nga manga- lunod kita?". Ug sa iyang pagmata, iyang gibadlong ang hangin ug giingnan ang dagat, "Hilom! Ayaw pagsaba!" Ug mihunong ang hangin ug mibanos ang dakong kalinaw.

Ug miingon siya kanila, "Nganong mahadlokon man kamo? Wala pa ba kamoy pagtuo?" Ug napuno sila sa hilabihang kahadlok ug nag-ingnanay sila sa usag-usa, "Kinsa man kaha kini siya nga bisan ang hangin ug ang dagat mingtuman man kaniya?"

Ang Ebanghelyo sa Ginoo.

KATILINGBANONG PAG-AMPO

Hunyo 23, 2024

Pari: Mga igsuon, mag-ampo kita sa atong Langitnong Amahan nga iyang dunggon ang atong mga pag-ampo ug panginahanglan. Sa matag pangamuyo kita motubag:

GINOO, DUNGGA KAMI.

1. Ginoo, naga-ampo kami alang sa mga namunoan sa Simbahan ilabina si Santo Papa Francisco, mga Obispo, kaparian, relihiyoso ug mga diyakono, sa kanunay panalipdan mo sila sa mga tentasyon ug mga pagsulay diha sa ilang pagpangalagad ug hatagan mo sila og dugang kaalam ug kalsog sa pagsangyaw sa Maayong Balita nga walay kahadlok. Mag-ampo kita.

2. Ginoo, naga-ampo kami alang sa mga lideres sa kanasuran, dasiga sila sa ilang pagserbisyo ug pagpangalagad sa tanang katawhan nga walay gipihig ug himoa nga ang kalinaw ug panaghiusa maghari sa ilang kasingkasing. Mag-ampo kita.

3. Ginoo, naga-ampo kami alang sa Gagmay'ng Kristohanong Katilingban, makaangkon unta sila og kalig-on sa hunahuna og lawas, ug mapaubsanong kasingkasing sa pag-alagad sa ilang katawhan nga gipiyal kanila sa ilang katilingban. Mag-ampo kita.

4. Ginoo, naga-ampo kami alang sa mga mipadayag sa ilang pagdayeg ug pasalamat nganha Kanimo, Ilabina nila _______ hatagi sila og kasingkasing nga maisugon ug kanunay nga mapaubsanon ug maalagaron. Mag-ampo kita.

5. Ginoo, naga-ampo kami alang sa mga nangamatay ilabina sila ________ makasulod ug makaambit na unta sila sa pahulay nga dayon. Mag- ampo kita.

Pari: Among Dios nga Amahan, tuburan sa kaluoy ug gugma, imong nadungog ang among pag-ampo. Tabangi kami nga makabaton kanunay og masaligon, matuohon ug mahigugmaon nga kasingkasing sama Kanimo, pinaagi ni Cristo among Ginoo. Amen.

PAHIBALO:

June 23, 2024

1. sila Reberendo diakono SOREN HELBERO ABELLANOSA sa St. Francis of Assisi Parish-Maa, AMIEL ESPIÑA ARADO sa San Antonio de Padua Parish-Agdao, JUNEL ETULLE BUSTAMANTE sa San Roque Parish-Malabog, CIECILIO LOPE CANICO sa Holy Family Parish-Baliok, RITZCHILD JOHN SABERON CARIAGA sa San Pablo Parish-Juna Subd., Matina, ANGELO CELIS ESPINAS sa St. Mary of the Perpetual Rosary Parish-Buhangin, JULIUS ESPONGA LUGAY sa St. Jude Shrine Parish-Malvar St., ALCRIS GUTIERREZ PANGANIBAN sa St. Francis of Assisi Parish-Maa, Pagaordinahan pagkapari karong Hunyo 29, sabado sa alas 9:00 sa buntag didto sa San Pedro Cathedral.

Giawhag kadtong mga adunay mga pagbabag nga may kalabutan sa maong ordinasyon sa pagpaabot niini ngadto sa Arsobispo sa Dabaw pinaagi sa pagsulat sa tinuod nga mga basihanan sa mga reklamo, uban sa pangalan ug contact details sa nagpadala. Giawhag usab ang tanan sap ag-ampo alang sa atong mga diakono. Daghang salamat.