DOMINGO SA SANTISSIMA TRINIDAD

 Domingo Human sa Pentekostes DOMINGO SA SANTISSIMA TRINIDAD

PASIUNA

MAYO 26, 2024

Maayong buntag mga igsuon ko diha ni Cristo.

Karong adlawa ang tibuok Simbahan nagsaulog sa Solemnidad sa Santisima Trinidad.

Ang unang pagbasa gikuha gikan sa Basahon sa Deuteronomio. Dinhi atong madungog si Moises nga miingon, "ang Ginoo mao ray Dios sa langit ug sa yuta.

Ang ikaduhang pagbasa gikuha gikan sa Sulat ni San Pablo ngadto sa taga-Roma. Siya miingon kanila nga "Ang tanang gimandoan sa Espiritu sa Dios, mga anak sa Dios.."

Ang Ebanghelyo gikuha gikan sa Balaan nga Ebanghelyo sumala ni San Mateo. Kini nagsaysay mahitungod sa pagmando ni Jesus sa iyang mga tinun-an sa pagbunyag.

Palihug manindog alang sa pagsugod sa Santos nga Eyukaristiya.

Salmo Responsoryo:

Bulahan ang nasod nga gipili sa Ginoo nga iyang kaugalingon.

Pangaliya sa Katilingban: 

Balaan nga Dios, dungga kami.

BASAHON I

Dt. 4:32-34, 39-40

KINUTLO GIKAN SA BASAHON SA DEUTERONΟΜΙΟ

Si Moises miingon sa katawhan, "Pakisayod kamo karon bahin sa panahon nga nangagi sa wala pa kamo mangatawo, ug sa panahon sukad buhata sa Dios ang tawo, ug pangutana sa tibuok kalibutan kon sukad-masukad may dako bang butang nga nahitabo ug gikabalita nga sama niini. May katawhan ba nga nakabati sa tingog sa usa ka dios nga misulti gikan sa taliwala sa kalayo ingon sa inyong nadungog ug buhi pa ba gihapon sila? May dios ba nga misulay pagkuha ug katawhan gikan sa usa ka nasod aron maiyang katawhan sama sa gibuhat sa GINOO nga inyong Dios? Gikuha kamo niya sa Ehipto. Nasaksihan ninyo ang iyang gahom sa dihang gisilotan niya ang Ehipto pinaagi sa mga katalag- man nga makalilisang ug mga milagro. Busa hibaw-i ninyo niining adlawa ug itanom kini sa inyong kasingkasing, nga ang GINOO mao ray Dios sa langit ug sa yuta. Busa tumana ang iyang mga balaod ug kasugoan nga gisugo ko kaninyo niining adlawa, aron nga walay dautang mahitabo kaninyo ug sa inyong mga anak, ug mabuhi kamog dugay sa yuta nga iyang gihatag kaninyo hangtod sa kahangturan."

ANG PULONG SA GINOO.

SALMO RESPONSORYO

Ps. 33:4-5, 6, 9, 18-19, 20, 22

R. Bulahan ang nasod nga gipili sa Ginoo nga iyang kaugalingon.

Matarong ang pulong sa Ginoo, ug ang tanan niyang mga buhat kasaligan.

Nahigugma siya sa husto ug matarong: sa kaayo sa Ginoo puno ang yuta.

R. Bulahan ang nasod nga gipili sa Ginoo nga iyang kaugalingon.

Pinaagi sa pulong sa Ginoo gibuhat ang mga langit; pinaagi sa ginhawa sa iyang ba-ba ang tanan nilang kagahuman. Kay misulti siya, ug kini mahimo; misugo siya, ug kini mibarog.

R. Bulahan ang nasod nga gipili sa Ginoo nga iyang kaugalingon.

Tan-awa, ang mga mata sa Ginoo gatan-aw nganha kanila nga mahadlokon kaniya, kanila nga nagalaum sa iyang kaluoy,

Aron pagpalingkawas kanila sa kamatayon ug pag-amping kanila bisan pa sa gutom.

R. Bulahan ang nasod nga gipili sa Ginoo nga iyang kaugalingon.

Ang atong kalag nagapaabot sa Ginoo,

nga mao ang atong hinabang ug atong panalipod. Ang imong kaluoy, O Ginoo, maania unta kanamo nga nagabutang sa among paglaum diha kanimo.

R. Bulahan ang nasod nga gipili sa Ginoo nga iyang kaugalingon.

BASAHON II

Rom. 8:14-17

KINUTLO GIKAN SA SULAT NI SAN PABLO NGADTO SA TAGA-ROMA

Ang tanang gimandoan sa Espiritu sa Dios, mga anak sa Dios. Kay ang Espiritu nga gihatag sa Dios kaninyo dili maghimo kaninyong ulipon aron mahadlok kamo; hinonoa, ang maong Espiritu maghimo kaninyo nga mga anak sa Dios. Tungod niini makasangpit na kita sa Dios sa pag- ingon, "Amahan ko!" Makighiusa ang maong Espiritu sa atong espiritu ug magmatuod nga mga anak na kita sa Dios. Ug sanglit mga anak na man kita niya, makapanag-iya kita sa mga panala- ngin nga gitagana sa Dios sa iyang katawhan. Dugang pa niana, mahimo kitang ma-isigkamanununod ni Cristo sa tanan nga gitagana sa Dios kang Cristo; kay kon makig-ambit kita sa iyang mga pag-antos, makaambit usab kita sa iyang himaya.

ANG PULONG SA GINOO.

EBANGHELYO

Mt. 28: 16-20

Kinutlo gikan sa Balaan nga Ebanghelyo sumala ni Mateo

Karon, ang napulog-usa ka mga tinun-an nangadto sa Galilea sa bungtod diin gisugo sila ni Jesus. Ug sa pagkakita nila kaniya, gisimba nila siya; apan adunay uban nga nagduhaduha.

Ug miduol si Jesus ug misulti kanila sa pag- ingon, "Gihatag kanako ang tanang gahom sa langit ug sa yuta. Busa, panglakaw kamo, himo-a ninyo nga mga tinun-an ang tanang kanasoran; bunyagi sila sa ngalan sa Amahan, ug sa Anak ug sa Espiritu Santo, tudlo-i sila sa pagtuman sa tanan nga akong gisugo kaninyo.

"Ug tan-awa, ako naga- uban kaninyo sa tanang mga adlaw hangtod sa kataposan sa panahon."

Ang Ebanghelyo sa Ginoo.

KATILINGBANONG PAG-AMPO

MAYO 26, 2024

Pari: Mga igsuon, uban sa dakong pagsalig ngadto sa Santisima Trinidad, ato karong ipadangat ang atong mga panginahanglan diha sa pag-ampo:

BALAAN NGA DIOS, DUNGGA KAMI.

1. Nga ang Santisima Trinidad molig-on sa mga nangulo sa Simbahan ilabina sa atong Santo Papa, obispo, kaparian, mga diyakono ug mga relihiyoso aron diha sa ilang pag-alagad mabatonan nila ang kabililhon sa grasya sa Diyos diha sa ilang paghalad sa ilang kaugalingon ngadto sa mga magtutuo ug labaw sa tanan ngadto sa Ginoo. Mag-ampo kita sa Ginoo.

2. Nga ang Dios Amahan mopatalinghug sa mga panginahanglan sa mga lideres sa panggamhanan ilabina sa grasya sa kaalam hustisya ug kalinaw. Mag-ampo kita sa Ginoo.

3. Nga ang Dios Anak mogiya sa tanang mga GKK Servant Leaders diha sa ilang pagserbisyo sa Ginoo ug sa tanang katawhan ug magbubu kanila sa iyang gugma ug kalinaw ug maghatag og kasingkasing nga mahadlokon kanunay sa Dios. Mag-ampo kita sa Ginoo.

4. Nga ang Dios Espiritu Santo maglamdag sa mga tawo nga gikapuyan sa kinabuhi, moayo ug maghupay sa mga tigulang, masakiton ug magul-anon. Mag-ampo kita sa Ginoo.

5. Nga ang atong mga igsuong mihalad og pasalamat ug pagdayeg sa Dios ilabina nila panalanginan sa Dios matag adlaw. Mag-ampo kita sa Ginoo. 

6. Nga ang Santisima Trinidad mobanhaw sa mga magtutuong nangamatay ilabina sa mga kalag nila Mag-ampo kita sa Ginoo.

7. Sa kahilum, atong ihalad ang atong panginahanglan.

Pari: Balaan nga Dios, dungga ang among pag-ampo, bendisyoni ang among mga paningkamot pinaagi ni Cristo among Ginoo.