KSD

V. MGA KASAULOGAN SA ADLAW'NG DOMINGGO SA ORDINARYONG PANAHON

I. RITO SA PAGSUGOD

1. Pasiuna

Komentador: Mga igsoon ko diha kang Kristo, maayong kanatong tanan.

Nagkatigom kita karon aron sa pagsaulog niining balaang takna nga atong gigahin alang sa atong Ginoo ug alang sa usa'g usa.

Angayan lamang nga atong andamon ang atong. kaugalingon alang sa mas makahuluganon ug madasigon nga pagsaulog niining Kasaulogan sa Adlaw'ng Dominggo Kun Wala ang Pari o KSD nga adunay Pagkalawat.

Sa ngalan sa atong halangdong Arsobispo, N. inubanan sa pagtudlo sa atong Kura Paroko, si N. _, nga si Bro. (Pangalan sa PSL nga mosaulog), gipadala ug gitahasan sa pagdumala niining kasaulogan sa adlaw'ng Dominggo nga adunay pagkalawat.

(Timbayon sa komentador ang mga bisita kon aduna. Kon wala, siya mopadayon sa pag-ingon:)

Manindog kita ug atong awiton ang pasiunang awit.

(Mahimong magpili og awit nga haum sa tema sa kasaulogan.)

Page 122

2. Pasiunang Awit

3. Pag-andam sa Kasaulogan

Tanan : Sa ngalan sa Amahan, ug sa Anak, ug sa Espiritu Santo. Amen.

Pangulo: Mga kaigsoonan, akong pagtimbaya kaninyo sa ngalan sa atong Ginoong Jesus.

Ania Siya taliwala kanato kay Siya na mismo miingon, "Diin duha o tulo nga magkatigom sa Akong ngalan, anaa Ako taliwala kanila."

4. Pagpangayo'g Pasaylo o Rito sa Pagpenitensiya

(Ang pangulo magpili lamang niining mosunod nga mga pormaа:)

Porma A:

Pangulo: Sa atong panagtigom aron sa pagsaulog sa Adlaw sa Ginoo, daygon ta Siya tungod sa Iyang mga maayong buhat. Sa hiniusang tingog, moingon kita: "Daygon ang Ginoo."

Tanan : Daygon ang Ginoo.

Pangulo: Tungod sa gasa sa kinabuhi. (T)

Tungod sa gasa sa pagtoo. (T)

Tungod sa gasa sa Espiritu Santo. (T)

Tungod sa gasa sa Iyang Pulong. (T)

Tungod sa gasa sa Iyang Lawas ug Dugo. (T)

Tungod sa pagsagop kanato nga mga anak sa Ginoo. (T)

Tungod sa pagtapok kanato ingon nga Iyang Simbahan. (T)

Page123

Porma B:

Pangulo: Sa atong panagtigom aron sa pagsaulog sa Adlaw sa Ginoo, himayaon ta ang Santisima Trinidad, ang Amahan, ug ang Anak ug ang Espiritu Santo, diha sa pag-awit sa Himaya sa Dios o Gloria.

Tanan : Himaya sa Dios didto sa langit...

(awiton)

Porma C:

Pangulo: Pinaagi sa bunyag, kita namatay sa sala ug nahimo nga bag-ong binuhat. Apan kon kita makasala, nagatoo kita nga ang Ginoong Jesus nagpatiwala alang kanato diha sa atubangan sa Dios. Busa, pangayoon ta sa Dios nga pasayloon Niya kita sa atong mga sala, aron ang atong kasaulogan niining adlaw sa Dominggo magmahingpit.

Tanan : Nagakompisal ako sa Dios nga makagagahum sa tanan, ug kaninyo mga igsoon, kay nakalapas ako ug daku uyamot, sa hunahuna sa pulong ug sa buhat, ug sa wala pagbuhat sa angayng buhaton. Kay akong sala, akong sala, akong dakung sala. Busa nangamuyo ako kang Santa Maria, kanunayng Birhen, sa tanang mga anghel ug mga santos, ug kaninyo mga igsoon, aron inyo akong iampo sa Ginoo nga atong Dios.

Pangulo: Kaloy-an unta kita sa Dios nga makagagahum sa tanan ug pasayloon sa atong mga sala, dad-on unta kita Niya ngadto sa kinabuhing dayon.

Tanan : Amen.

5. Pasiunang pag-ampo

(Pangadyeon sa pangulo ang Pasiunang Pag-ampo nga anaa sa Appendix B, pahina 141.)

Page124

II. PAGSANGYAW SA PULONG SA DIOS

(Ang pangulo o PSL moadto sa atubangan sa altar ug moyükbo nini. Hagkan niya ang leksyonaryo, dayon kuhaon ug ibayaw atubangan sa katawhan ug kuhaon kini sa unang magbabasa diha sa atubangan. Pagkahuman, mobalik ang PSL sa iyang lingkoranan samtang ang unang magbabasa moadto sa ambo. Sa dili pa ang pagbasa, dapiton sa pangulo ang katawhan sa pag-ingon:)

Pangulo: Mga kaigsoonan, paminawon ta karon ang Pulong sa Dios nga nagpadayag sa gugma sa Amahan nganhi kanato. Sa atong pagpaminaw, atong sination kining maong gugma sa Dios ug sa ingon mapalawom ang atong paglaum ug pagtoo sa Ginoo. Palihug manglingkod.

1. Unang Pagbasa

2. Salmo Responsoryo

3. Ikaduhang Pagbasa

4. Pagpasidungog sa Ebanghelyo

5. Ebanghelyo

6. Komentaryo

7. Pagpadayag sa Pagtoo

Pangulo: Manindog kita ug atong ipadayag ang atong pagtoo.

Tanan : Nagatoo ako sa Dios...

8. Pangaliya Alang sa Tanan

Page125

III. RITO SA PAGKALAWAT

1. Pagsimba sa Balaang Sakramento

(Ang pangulo niining higayona, andamon niya ang corporal ug ibutang sa tunga sa altar. Dayon, kuhaon sa pangulo ang ciborium gikan sa tabernakulo, inubanan sa duha ka altarservers nga nagdala og kandila, ibalhin sa may altar, moyukbo, ug ang tanan mangluhod aron sa pagsimba sa makadiyot diha sa kahilom. Dayon, manindog ang tanan.)

Pangulo: Mga kaigsoonan, atong simbahon ang Ginoong Jesukristo nga anaa uban kanato diha sa Balaang Sakramento. Kini Iyang gitugyan kanato isip sakramento sa gugma, timaan sa kahiusahan ug nagabugkos kanato sa atong buhat - paghigugma.

(Ang tanan mangluhod alang sa pagsimba. Usa ka awit sa pagpasidungog sa Balaang Sakramento awiton o moggahin og pipila ka minuto alang sa hamubong kahilom.)

Mangluhod ang tanan.

2. Pag-ampo sa Pagdayeg ug Pagpasalamat

(Human sa pagsimba sa Balaang Sakramento, ang tanan motindog alang sa pag- ampo sa pagdayeg ug pagpasalamat.)

Pangulo: Manindog ang tanan.

Mahigugmaong Amahan, mao kini ang Adlaw kanus-a ang Imong Anak, si Jesukristo among Ginoo, nabanhaw gikan sa minatay ug nagdala'g kalipay sa kalibutan. Mao kini ang adlaw sa Iyang pagpakita sa Iyang mga tinun-an, mibungat kanila og mga pulong sa paglaum ug kalipay ug naghatag kanila sa Iyang kalinaw. Mao kini ang adlaw nga nakig-uban Siya kanila sa lamesa ug nagpaila sa Iyang kaugalingon diha sa pagpikaspikas sa pan. Ug busa moingon kami: Himaya ug pagdayeg Kanimo, O Dios.

Page126

Tanan : Himaya ug pagdayeg Kanimo, O Dios.

Pangulo: Mahigugmaong Amahan, kadaku sa Imong gugma alang kanamo! Sa panahon nga kami magkatigom halayo sa among parokya, wala Mo kami gisalikway sa Imong presensiya, wala Mo kami gisalikway sa Imong gugma! Nagadayeg ug nagapasalamat kami Kanimo sa gasa niining adlaw, ang pulong sa kalinaw ug ang pan sa kinabuhi. Ug busa moingon kami: (T)

Pangulo: Mahigugmaong Amahan, pinaagi sa gahum sa Imong Balaang Espiritu, magmadilaabon unta ang among kasingkasing, ug mahinumdum sa mga pagtulun-an nga gitudlo kanamo sa Imong Anak diha sa Balaang Kasulatan ug maila namo Siya diha sa Sakramento sa altar. Ug busa moingon kami: (T)

Pangulo: Uban sa among Obispo, N. Paroko, N. sa among Kura ug sa tibuok Simbahan, nagadayeg ug nagapasalamat kami Kanimo, Dios among Amahan, pinaagi sa Imong Anak, si Jesukristo among Ginoo, nga nagapuyo ug nagahari uban Kanimo ug sa kahiusahan sa Espiritu Santo, Dios hangtud sa kahangturan.

Tanan : Amen.

(awiton)

3. Pag-ampo sa atong Ginoo

Pangulo: Karon mag-ampo kita sa Amahan, atong gamiton ang mga pulong nga gitudlo kanato sa atong Manunubos.

Tanan: Amahan namo...

4. Timaan sa Panagdait

(awiton)

Pangulo: Atong ipakita karon ang atong pag-inigsoonay.

Page127

(Human sa pagbinayloay sa kalinaw, ang tanan mangluhod. Ang PSL mo-genu- flect, magkuha og usa ka Ostiya, ipakita kini sa katawhan uban sa pag-ingon:)

Pangulo: Mao kini ang Kordero sa Dios nga nagawagtang sa sala sa kalibutan. Bulahan kita nga Iyang gidapit sa Iyang panihapon.

Tanan : Ginoo, dili ako angay mokalawat Kanimo, apan ipamulong lamang ug mamaayo ako.

5. Pagpakalawat

(Ang PSL magpakalawat atubangan sa altar. Samtang gihimo ang pagpakalawat, ang awit sa pagkalawat pagahimoon. Sa matag mokalawat moingon ang PSL:)

Pangulo: Ang lawas ni Kristo.

Mokalawat : Amen.

(Human sa pagpakalawat, kon adunay nahibilin nga Ostiyas hutdon niya kini og kaon ug pagkahuman hinloan ang ciborium, dayon ibutang kini niya ngadto sa credence table. Mobalik siya sa may altar alang sa pag-awit o pag-ampo sa Pagdayeg ni Zacarias. Ang pangulo mahimong moinsenso atubangan sa may altar duyog sa pag-awit o pag-ampo sa Awit ni Zacarias.)

6. Awit sa Pagdayeg

Pangulo: Manindog ang tanan.

Awit ni Zacarias

(Benedictus)

Pangulo: Sa matag pag-ampo, motubag kita: Daygon nato ang Ginoo, ang Dios sa Israel!

Tanan : Daygon nato ang Ginoo, ang Dios sa Israel!

Page128

Pangulo: Daygon nato ang Ginoo, ang Dios sa Israel! Kay mianhi Siya aron pagtabang sa Iyang katawhan ug paghatag kanilag kagawasan. (T)

Pangulo: Gipaanhi Niya kanato ang usa ka gamhanang Manluluwas nga kaliwat sa Iyang sulugoon nga si David. (T)

Pangulo: Kini maoy Iyang giingon kaniadto pinaagi sa lyang mga balaang propeta. Misaad Siya sa pagluwas kanato gikan sa atong mga kaaway, ug gikan sa gahum niadtong tanan nga nagdumot kanato. (T)

Pangulo: Miingon Siya nga mopakita Siyag kalooy sa atong mga katigulangan ug mahinumdum sa balaang kasabutan. (T)

Pangulo: Misaad Siya sa atong amahan nga si Abraham, ug nanumpa nga Iya kitang luwason gikan sa atong mga kaaway. Ug mitugot kanato nga mag-alagad Kaniya sa walay kahadlok nga mahimong balaan ug matarung sa atubangan Niya sa tibuok natong kinabuhi. (T)

Pangulo: Ug Ikaw, anak ko, tawgon ka nga propeta sa Dios nga Labing Halangdon. Mag-una ka sa Ginoo aron pag- andam sa lyang dalan, sa pagpahibalo sa Iyang katawhan nga maluwas sila pinaagi sa pagpasaylo sa ilang mga sala. (T)

Pangulo: Kay ang atong Dios maloloy-on ug malumo. Siya maoy mopadan-ag kanato sa banagbanag nga masanagon sa atong kaluwasan ug mobanwag gikan sa langit sa tanang nagpuyo sa mangitngit nga landong sa kamatayon, pag- agak sa atong mga lakang ngadto sa dalan sa kalinaw. (T)

Pangulo: Himaya sa Amahan, ug sa Anak ug sa Espiritu Santo.

Page129

Tanan : Maingon sa sinugdan, karon ug sa gihapon, ug sa mga katuigan nga tanan. Amen.

Tanan : Daygon nato ang Ginoo, ang Dios sa Israel!

7. Pag-ampo Human sa Pagkalawat

Pangulo: Mahigugmaong Amahan, gipakaon Mo kami sa pan sa kinabuhi. Motubo ug molambo unta kami isip usa ka Kristohanong katilingban nga nanaghiusa sa paghigugma ug pagtahud sa usa'g usa.

Kini among gipangayo pinaagi ni Kristo among Ginoo.

Tanan : Amen.

(Human niini, mobalik ang pangulo sa iyang lingkoranan alang sa rito sa pagtapos.)

IV. RITO SA PAGTAPOS

1. Pagtigom sa mga Halad

Pangulo: Manglingkod kita.

Human sa atong pagpangamuyo sa Amahan, Siya atong halaran sa atong kasingkasing ug kalag, sa atong mga tinguha, mga kalipay ug mga kasakit nga gitimaan sa atong mga gasa.

(Samtang ginahimo ang pagtigom sa mga gasa, mahimong mag-awit sa mga immo nga haum sa tema o panahon sa kasaulogan.)

2. Prosisyon sa Paghalad

(Ang mga halad nga natigom, iprosisyon ngadto sa altar. Kini pagadawaton sa PSL.)

3. Pahibalo

Page130

4. Panalangin

Pangulo: Mga kaigsoonan, ato nang nasaulog karon ang pagkabanhaw sa atong Ginoong Jesukristo, manlakaw kita ug isangyaw ang Pulong nga atong nadungog ug puy-an sumala sa espiritu sa Sakramento nga atong nadawat.

Ug manalangin kanato ang makagagahum nga Dios, (manguros) sa ngalan sa Amahan, ug sa Anak ug sa Espiritu Santo.

Tanan : Amen.

Pangulo: Manlakat kita sa kalinaw aron paghigugma ug pag- alagad sa Ginoo.

Tanan : Salamat sa Dios.

5. Katapusang Awit

Page131