22nd sunday

Ikakawhaag-duha nga Domingo Sulod sa Tuig

liyok C

BASAHON I

Sir. 3:17-18, 20, 28-29

KINUTLO GIKAN SA BASAHON NI SIRAC

Anak, pagpaubos diha sa tanan mong buhaton, ug ang mga tawo malipay niini labaw pa kay sa mga gasa. Sa magkadako ikawng tawo, kinahanglan nga labi kang magpaubos; unya ang Ginoo mahimuot kanimo. Ang gahom sa Ginoo dako, ug mapasidunggan siya kanila nga mga mapaubsanon.

Walay sulbad alang sa mga problema nga ilaha sa mga tawo nga mapahitas-on; ang kadautan migamot na diha kanila. Ang makinaadmanon nga mga tawo makakat-on gikan sa mga sanglitanan ug mga pasumbingay. Mamati sila pag-ayo kay buot man sila makakat-on.

ANG PULONG SA GINOO.

SALMO RESPONSORYO 

Ps. 68:4-5, 6-7, 10-11

R. O Dios, sa imong kaayo imong gibuhatag puloy-anan ang kabus.

Ang matarong nagasadya ug nagalukso sa kalipay atubangan sa Dios; nalipay sila ug nagasadya. Awiti ang Dios, awitig pagdayeg ang iyang ngalan; ang iyang ngalan mao ang Ginoo.

R. O Dios, sa imong kaayo imong gibuhatag puloy-anan ang kabus.

Ang Amahan sa mga ilo ug tigpanalipod sa mga balo mao ang Dios diha sa iyang balaang puloy-anan.

Ang Dios nagahatag og puloy-anan sa mga biniyaan; gipagula niya ang mga binilanggo ngadto sa kagawasan. 

R. O Dios, sa imong kaayo imong gibuhatag puloy-anan ang kabus.

O Dios imong gihatagag daghang ulan ang imong kabilin; imong giuli ang yuta sa diha nga kini nahimong arol; Ang imong mga panon sa kahayopan nagapuyo niini; sa imong kaayo, O Dios, gitagana mo kini alang sa mga kabus. 

R. O Dios, sa imong kaayo imong gibuhatag puloy-anan ang kabus.

BASAHON II

Heb. 12:18-19, 22-24

KINUTLO GIKAN SA SULAT NI SAN PABLO NGADTO SA MGA HEBREO

Kay wala kamo moduol sa usa ka butang nga mahikap ninyo- sa nagdilaab nga kalayo didto sa Bukid sa Sinai, sa kangitngit, sa kangiob ug sa bagyo, sa lanog sa trumpeta ug sa usa ka tingog sama sa gibuhat sa mga Israelita. Sa pagkadungog sa mga Israelita sa maong tingog, nangaliyupo sila sa Dios nga mohunong na unta ang maong tingog.

Hinonoa, ang giduol ninyo mao ang Bukid sa Sion ug ang siyudad sa buhing Dios, ang langitnong Jerusalem, uban sa linibo ka mga anghel niini. Miduol kamo sa malipayong panagtigom sa mga kamagulangang anak kansang mga ngalan nahisulat didto sa langit. Miduol kamo sa Dios, ang Maghuhukom sa tanang tawo, ug sa mga espiritu sa mga matarong nga nahingpit na. Miduol kamo kang Jesus nga maoy tigpataliwala sa bag ong kasabutan, ug ngadto sa gisablig nga dugo nga nagpaila sa mas maayong mga butang kay sa dugo ni Abel.

ANG PULONG SA GINOO.

EBANGHELYO

Lk 14:1, 7-14

Kinutlo gikan sa Ebanghelyo sumala ni Lucas

Ug nahitabo nga sa Adlawng Igpapahulay misulod siya sa balay sa usà sa mga pangulo sa pundok sa mga Pariseo aron maniudto; ila siyang gipanid-an.

Ug misugilon siya og sambingay ngadto sa mga dinapit sa dihang namatikdan niya kon giunsa nila pagpili sa mga hamiling luna, ug nagaingon siya ngadto kanila, "Kon dapiton ka gani sa usa ka tawo ngadto sa kombira sa kasal, ayaw og lingkod didto sa hamiling luna, kay basin og adunay tawo nga labaw pa kadungganan kanimo nga iya usab nga dinapit, ug moabot ang midapit kaninyong duha ug moingon siya kanimo, 'Hatagi kini siyag luna' ug unya uban sa kaulaw magsugod ka og pahiluna sa kataposang luna.

"Apan inigdapit kanimo, lakaw ug lingkod ngadto sa kataposang luna aron inig-abot sa midapit kanimo moingon siya kanimo, 'Higala, dali, saka ngari.

Unya mahatagan ka og dungog atubangan sa tanan nimong kauban nga dinapit.

Kay ang tanan nga magpahitaas sa iyang kaugalingon ipahiubos; ug siya nga magpahiubos sa iyang kaugalingon, ipahitaas." Ug misulti na usab siya sa midapit kaniya, "Inig hikay nimog paniudto o panihapon, ayaw dapita ang imong mga higala, ni ang imong mga igsuon, ni ang imong mga paryente, ni ang mga sapiang silingan, kay basin unya og sila usab mobalos pagdapit kanimo ug mabaslan ka. Apan inig hikay nimo og kombira, dapita ang mga kabos, bakol, kimpang, ug buta. Ug mabulahan ka tungod kay dili sila makabalos kanimo; kay pagabayran ka ra banhaw rong." unya sa sa mga pagka mata

Ang Ebanghelyo sa Ginoo.

PASIUNA 

AUGUST 28, 2022

Maayong buntag mga igsoon diha ni Kristo.

Ania na kita sa ikakawhaan ug duha nga domingo sa ordinaryong panahon.

Ang unang pagbasa gikan sa Basahon ni Sirac. Kini naghisgot mahitungod sa pagkamapaubsanon.

Ang ikaduhang pagbasa gikan sa sulat ngadto sa mga Hebreo. Kini nagdasig kanato sa pagduol sa Dios ug kang Jesuskristo."

Ug ang Ebanghelyo gikan sa ebanghelyo sumala ni San Lucas. Kini mahitungod sa sambingay sa dinapit sa kumbera ug sa nagdapit.

Palihug manindog alang sa pagsugod sa Santos na Eyukaristiya.

PANGALIYA

AUGUST 23, 2022

PARI: Mga igsoon, pinaagi ni Jesus nga mapaubsanon, modangop kita ngadto sa atong makagagahum nga Amahan ug pangayuon ta kaniya ang atong gikinahanglan ug moingon kita. GINOO, HIMOA KAMING MAPAUBSANON. 

1. Alang kang Papa Francisco, mga Obispo ug mga kaparian, hatagan unta sila sa grasya sa pagkamapaubsanon aron ang diwa sa kayano ilang mapuy-an. Mag-ampo kita.

2. Alang sa tanang opisyales sa gobiyerno makabaton unta sila'g maalagarong kinaiya, sa ingon tinguhaon nila kanunay ang kaayuhan alang sa tanan. Mag-ampo kita.

3. Alang sa tanang masakiton,mga tigulang ug mga himalatyon, lig onon ug hupayon unta sila sa Dios aron makabaton sila'g kasigurohan sa kinabuhi. Mag-ampo kita.

4. Alang kanatong tanan nga nagsaulog niining Santos nga Eyukaristiya himoon unta sa Dios nga mapaubsanon ang atong mga kasingkasing aron mahimo kitang instrumento sa kalinaw. Mag-ampo kita.

5. Alang sa mga mapasalamaton sa Ginoo hilabina nila ____________ hatagan unta sila sa Dios ug dugang pang mga grasya nga ilang gikinahanglan. Mag-ampo kita.

6. Alang sa mga kalag nila _________ dawaton na unta ngadto sa kinabuhing dayon sa langit. Mag-ampo kita.

PARI: Langitnong Amahan, paminawa ang among mga pag-ampo ug dasiga kami aron mahimong mapaubsanong sulugoon pinaagi ni Kristo nga among Ginoo, Amen.