SAGRADA FAMILIA

Disyembre 29,2024 8:00am

Domingo sa Oktaba sa Pasko

SAGRADA FAMILIA

ABC

PASIUNA

Malipayong Fiesta mga igsuon ko diha ni Cristo!

Karong adlawa ang Simbahan nagsaulog sa Solemnidad sa Sagrada Pamilya ni Jesus, Maria ug Jose.

Ang unang pagbasa gikuha gikan sa Basahon ni Sirac. Kini nagsaysay mahitungod sa pagtahud sa mga ginikanan.

Ang ikaduhang pagbasa gikuha gikan sa Sulat ni San Pablo nagdto sa taga-Colosas. Atong madungog si San Pablo nga nag- ingon, "Ug idugang niining tanan ang paghigugma nga maoy magbugkos sa tanan ngadto sa hingpit nga panaghiusa."

Ang ebanghelyo gikuha gikan sa Santos nga Ebanghelyo sumala ni San Lukas. Kini nagsaysay mahitungod sa paghalad ni Maria ug Jose sa Batang Jesus ngadto sa Templo.

Palihug manindog alang sa pagsugod sa Santos nga Eyukaristiya.

Salmo Responsoryo:

Bulahan sila nga mahadlokon sa Ginoo, ug nagalakaw sa iyang kadalanan.

Katilingbanong Pag-ampo:

Ginoo, hiusaha kami.

BASAHON I

Sir. 3:2-6, 12-14

KINUTLO GIKAN SA BASAHON NI SIRAC

Kay ang Ginoo naghatag sa mga amahan sa gahom ibabaw sa ilang mga anak ug gihatagan ang mga anak sa katungdanan sa pagtahod sa ilang mga inahan. Kon tahuron ninyo ang inyong amahan, makabayad kamo sa inyong mga sala, ug kon inyong pasidunggan ang inyong inahan, nagtigom kamo og dakong bahandi. Kon tahuron ninyo ang inyong amahan, usa ka adlaw niana ang inyong kaugalingong mga anak maglipay kaninyo; ang Ginoo magpatalinghug sa inyong mga pag-ampo. po. Kon tahuron ninyo ang Ginoo pinaagi sa pagpasidungog sa inyong amahan ug sa paglipay sa inyong inahan, magpuyo kamo og taas nga kinabuhi.

Anak, atimana ang imong amahan inigkatigulang na niya; ayaw siya hatagig kaguol samtang buhi pa siya. Kaloy-i siya bisan kon ango-angohon na siya; ayaw siya tamaya tungod lang kay ikaw malig- on ug maayo pag lawas. Ang Ginoo dili malimot sa mga kaayo nga imong gipakita ngadto sa imong amahan; magtabang kini kanimo aron hibayran ang imong mga kasal-anan.

ANG PULONG SA GINO0.

SALMO RESPONSORYO
Ps. 128:1-2, 3, 4-5

R. Bulahan sila nga mahadlokon sa Ginoo, ug nagalakaw sa iyang kadalanan.

Bulahan ikaw nga mahadlokon sa Ginoo, nga nagalakaw sa iyang kadalanan. Kay magakaon ka sa bunga sa imong binuhatan; mabulahan gayod ikaw ug mapanalanginan.

R. Bulahan sila nga mahadlokon sa Ginoo, ug nagalakaw sa iyang kadalanan.

Ang imong asawa mahisama sa usa ka mabungahon nga bagon nga anaa sa tugkaran sa imong balay; Ang imong mga anak sama sa mga tanom nga olibo libot sa imong talad.

R. Bulahan sila nga mahadlokon sa Ginoo, ug nagalakaw sa iyang kadalanan.

Ania, ingnon niini pagpanalangin ang tawo nga mahadlokon sa Ginoo. Ang Ginoo manalangin kanimo gikan sa Sion: makakita unta ikaw sa kausbawan sa Jerusalem sa tanang mga adlaw sa imong kinabuhi.

R. Bulahan sila nga mahadlokon sa Ginoo, ug nagalakaw sa iyang kadalanan.

BASAHON II
Col. 3:12-21

KINUTLO GIKAN SA SULAT NI SAN PABLO NGADTO SA TAGA-COLOSAS

Kamo ang katawhan sa Dios; gihigugma kamo niya ug gipili aron maiya. Busa kinahanglan nga magmaluluy-on kamo, magmahigugmaon, magmapaub- sanon, magmaaghop ug magmapailubon. Pagtinabangay ug pagpinasayloay kamo kon duna kamoy mulo batok kang bisan kinsa kaninyo. Pagpinasayloay kamo ingon nga gipasaylo kamo sa Ginoo. Ug idugang niining tanan ang paghigugma nga maoy magbugkos sa tanan ngadto sa hingpit nga panaghiusa. Paharia sa inyong kasingkasing ang kalinaw nga gikan ni Cristo, kay alang niining kalinawa gitawag kamo sa Dios aron mahiusa kamo diha sa usa ka lawas, ug magmapasalamaton kamo. Papuy-a sa inyong kasingkasing ang mensahe ni Cristo, uban sa tanang kabahandianon niini. Pagtinudloay ug pagpahimangnoay kamo uban sa tanang kaalam. Pag-awit kamog mga salmo ug balaang mga alawiton; awiti ninyo ang Dios uban sa pasalamat diha sa inyong mga kasing- kasing. Busa bisag unsa ang inyong buhaton o isulti, himoa sa ngalan sa Ginoong Jesus, uban sa pagpasalamat sa Dios nga Amahan pinaagi kaniya.

Mga bana, higugmaa ang inyong asawa ug ayaw silag daugdaoga. 
Mga ginikanan, ayaw palaguta ang inyong mga anak kay tingali unyag mawad-an silag kadasig.

Mga asawa, sunda ug tahora ang inyong bana kay mao kini ang angay ninyong buhaton ingon nga mga Kristohanon.

Mga anak, pagmasinugtanon kamo kanunay sa inyong mga ginikanan kay mao kanay makapahimuot sa Dios.

ANG PULONG SA GINOO.

EBANGHELYO
Lc. 2:22-40

Kinutlo gikan sa Balaan nga Ebanghelyo sumala ni Lucas

Ug sa dihang miabòt na ang mga adlaw aron sila pagahinloan sumala sa Balaod ni Moises, gidala nila siya sa Jerusalem aron ihalad sa Ginoo sama sa nahisulat sa Balaod sa Ginoo, "Ang tanan nga mga kamagulangan nga lalaki pagatawgon og balaan sa Ginoo" ug aron pagpadangat og halad sumala sa giingon sa Balaod sa Ginoo, "usa ka parisan nga tukmo o duha ka kuyabog nga salampati."

Ug unya dihay usa ka tawo sa Jerusalem nga ginganlan og Simeón; kining tawhana matarong ug makidiosnon, nagapaabot sa kahupayan sa Israel. Ug ang espiritu nga balaan diha kaniya. Gipadayag kaniya sa Espiritu Santo nga dili siya mamatay hangtod nga dili úna niya makita ang Dinihogan sa Ginoo.

Ug miadto siya sa templo dinasig sa Espiritu. Sa diha nga ang mga ginikanan midala sa batang Jesus aron buhaton na nila alang kaniya ang naandan sumala sa Balaod, iyang gikugos ang bata ug midayeg siya sa Ginoo ug miingon, "Karon, Ginoo, palingkawasa na nga malinawon ang imong sulugoon, sumala sa imong pulong; kay nakita na gayod sa akong mga mata ang imong kaluwasan nga giandam nimo atubangan sa tanang katawhan, kahayag nga magdan-ag sa kanasoran ug kahimayaan sa imong katawhan nga Israel." 

Ug ang iyang amahan ug inahan nahibulong sa mga gipamulong mahitungod kaniya.

Unya gipanalanginan sila ni Simeónug miingon siya kang Maria nga inahan sa bata, "Tan-awa, kini siya gitagana alang sa pagkapukan ug pagbangon sa daghan diha sa Israel ug timailhan sa panagbangi aron mabutyag ang mga hunahuna diha sa daghan nga mga kasingkasing. Ug ikaw sa imong kaugalingon, ang imong kalag pagalagbasan og hait nga espada."

Dihay usa ka babaye nga propeta usab,
si Ana, anak ni Panuel, sa banay ni Aser. Kini siya tigulang na kaayo. Nagpuyo siya uban sa iyang bana pitò ka tuig sukad sa ilang kaminyoon, ug isip usa ka balo hangtod sa iyang ikawaloan ug upat ka tuig nga panuigon. Wala siya mobiya sa templo; adlaw ug gabii gisimba niya ang Dios pinaagi sa pagpuasa ug pag-ampo.
Niadto gayong taknaa mitungha ug mitindog siya, unya nagpunay siya og pasalamat sa Dios. Ug iyang giingnan mahitungod niining bataa ang tanan nga nagapaabot sa katubsanan sa Israel. Sa dihang natuman na nila ang tanan nga gisugo sa Balaod sa Ginoo, mipauli sila sa Galilea, ngadto sa ilang kaugalingong lungsod sa Nazaret.
Ug ang bata, sa iyang bahin, mitubo ug mibaskog nga puno sa kinaadman, ug ang grasya sa Dios diha kaniya.

Ang Ebanghelyo sa Ginoo.

KATILINGBANONG PAG-AMPO

DISYEMBRE 29, 2024

Pari: Uban sa atong pagsalig ngadto sa atong Langitnong Amahan, niining pagsaulog nato sa Pangilin sa Sagrada Pamilya, atong ihalad ngadto Kaniya ang atong mga pag-ampo diha sa pag- ingon:

1. Nga ang atong Santo Papa Francisco, Arsobispo Romulo, mga kaparian ug mga gikonsagrahan nga mga pinili sa Dios mamahimong malipayon diha sa ilang pagdawat sa gasa sa tim-os nga gugma sa Ginoo pinaagi sa pagkatawo sa Batang Jesus sa pasungan ug pinaagi Kaniya ilang maangkon ang proteksyon ug panalangin matag padayag nila niini ngadto sa tanang katawhan. Mag-ampo kita sa Ginoo.

2. Nga ang mga lideres sa atong gobiyerno mamahimong maayong sumbanan sa paglaum, kalinaw ug kahiusahan sa tanang pamilya nga ilang gialagaran ug mamahimo kining dayag diha sa ilang pulong ug buhat. Mag-ampo kita sa Ginoo.

3. Nga maghari ang kalinaw sa Batang Jesus ngadto sa matag pamilya ug mahiusa diha sa iyang pagpasaylo ug gugma. Mag-ampo kita sa Ginoo.

4. Nga ang tanang mga gikapuyan, nagsakit, tigulang ug himalatyon,
makasinati sa presensya sa Dios nga nagpakatawo pinaagi sa mga tawo
nga mitabang kanila. Mag-ampo kita sa Ginoo.

5. Nga ang mga midayeg ug mipasalamat sa Dios ilabina nila mahiusa diha sa usa ka pagtuo, paglaum ug paghigugma ni Cristo. Mag- ampo kita sa Ginoo.

6. Nga ang mga magtutuong nangamatay ilabina sila mahiusa diha sa Sagrada Pamilya ni Jesus, Maria ug Jose uban sa tanang santos didto sa langit. Mag-ampo kita sa Ginoo.

Pari: Langitnong Amahan, panalangini ang tanang pamilya sa tibuok kalibutan. Kabiga ug hiusaha sila diha sa imong gugma ug kalinaw pinaagi ni Cristo among Ginoo. Amen

(Ug naay Solemn blessing)

SOLEMN BLESSING OR PRAYER OVER THE PEOPLE

Iduko ang inyong mga ulo ug atong pangayoon ang panalangin sa Dios.

Then the priest extends his hands over the people while he sings or says:

Ginoo, gibantayan mo ang imong katawhan bisan sa ilang pagkahisalaag. Ihatag kanamo ang hingpit nga kausaban sa kasingkasing sa ingon magmatinumanon kami kanimo diha sa tumang kamakanunayon.

Kini among gipangayo pinaagi ni Cristo among Ginoo. Amen.

Ug manalangin kaninyo ang makagagahum nga Dios, ang Amahan, ug ang Anak, ug ang Espiritu Santo. Amen.