Ikakawhaag-unom nga Domingo Sulod sa Tuig

Ikakawhaag-unom nga Domingo Sulod sa Tuig

PASIUNA

September 29, 2024

Maayong buntag mga igsuon diha ni Cristo.

Ania na kita sa Ikakawhaan ug unom nga Domingo sa Ordinaryong Panahon.

Niining Domingoha usab atong gisaulog ang National Seafarer's Day ug Migrants Day. Niining Santos nga Eyukaristiya, ato silang ilakip sa atong pag-ampo.

Ang unang pagbasa gikuha gikan sa Basahon sa Numeros. Dinhi atong madungog ang pagsaysay mahitungod sa pagdasig sa Balaang Espiritu, sila nagpahayag sa mga pagdayeg sa Dios pinaagi sa pagpanagna.

Ang ikaduhang pagbasa gikuha gikan sa Sulat ni Santiago. Dinhi atong madungog Si Santiago nga nagpahibalo sa paghukom niadtong dautan nga adunahan, tungod kay ilang gitigum ang ilang bahandi pinaagi sa paglimbong ug kabangis, ug ilang gigasto kini sa makasasala, hakog nga kaluho.

Ang ebanghelyo gikuha gikan sa Balaan nga Ebanghelyo sumala ni San Marcos. Dinhi atong madungog si Jesus nga miingon, "Kay dili batok Kanako, dapig Kanako."

Palihug manindog alang sa pagsugod sa Santos nga Eyukaristiya.

Salmo Responsoryo:

Ang mga sugo sa Ginoo naghatag og kalipay sa akong kasingkasing.

Katilingbanong Pag-ampo:

Ginoo, dungga kami.

BASAHON I

Nm. 11:25-29

KINUTLO GIKAN SA BASAHON SA MGA NUMEROS

Unya mikunsad ang GINOO diha sa panganod ug misulti kaniya, ug gikuha sa GINOO ang ubang bahin sa espiritu nga diha kang Moises ug gihatag kini sa kapitoan ka pangulo sa Israel. Sa diha na kanila ang espiritu, nanagna sila, apan sa hamubo lamang nga panahon.

Duha sa kapitoan ka pangulo nagpa- bilin didto sa kampo: ang usa si Eldad ug ang usa si Medad, ug mikunsad usab kanila ang espiritu; ug apil sila niadtong gipanglista apan wala sila makaadto sa Tolda, busa nanagna sila didto sa kampo. Unya usa ka batan-on midagan ngadto kang Moises ug miingon, "Si Eldad ug si Medad nanagna didto sa kampo."

Ug si Josue nga anak ni Nun, alagad ni Moises ug usa sa iyang mga sinaligan miingon, "Sir, santaa sila."

Apan si Moises miingon kaniya, "Nasina ka ba tungod ug alang kanako? Kaayo unta kon ibutang sa GINOO ang iyang espiritu nganha sa iyang katawhan ug silang tanan mahimo nga mga propeta!"

ANG PULONG SA GINOO.

SALMO RESPONSORYO

Ps. 19:8, 10, 12-13, 14

R. Ang mga sugo sa Ginoo naghatag og kalipay sa akong kasingkasing.

Ang balaod sa Ginoo hingpit, nagaalima sa kalag; Ang kasugoan sa Ginoo kasaligan, nagahatag og kinaadman sa tawo nga yano.

R. Ang mga sugo sa Ginoo naghatag og kalipay sa akong kasingkasing.

Ang kahadlok sa Ginoo malinis, nagalungtad hangtod sa kahangturan; Ang mga kasugoan sa Ginoo matuod, silang tanan matarong.

R. Ang mga sugo sa Ginoo naghatag og kalipay sa akong kasingkasing.

Bisan ang imong sulugoon nagabantay kanila, makugihon kaayo sa pag-amping nila, Apan kinsay makasusi sa nakulang?

Linisa ako sa akong mga kalapasan nga tinaguan!

R. Ang mga sugo sa Ginoo naghatag og kalipay sa akong kasingkasing.

Sa sala sa pagpagarbo santaa ang imong sulugoon; ayaw kini paharia kanako.

Unya walay ikapasangil kanako ug malingkawas ako sa bug-at nga sala.

R. Ang mga sugo sa Ginoo naghatag og kalipay sa akong kasingkasing.

BASAHON II

Jas. 5:1-6

KINUTLO GIKAN SA SULAT NI SANTIAGO

Kamong mga dato, panghilak ug pagminatay kamo tungod sa mga kagul- anan nga modangat kaninyo. Ang inyong mga bahandi nangadunot, ug ang inyong mga bisti gipangutkot sa anay. Gitay-an na ang inyong bulawan ug salapi ug ang taya niini mahimong saksi batok kaninyo ug sama sa kalayo magaut-ot sa inyong lawas. Niining katapusang mga adlaw nagtigom kamog mga bahandi. Pamatia ninyo ang tuwaw sa suhol sa mga nagtrabaho sa inyong kaumahan nga wala ninyo ihatag. Ang mga mulo sa nag-ani sa inyong mga abot nadungog sa Dios, ang Ginoo nga labing gamhanan! Dinhi sa kalibutan luho kaayo ang inyong pagpuyo ug nagpatuyang kamo sa kahilayan. Gipatambok ninyo ang inyong kaugalingon tagana sa adlaw sa pag-ihaw. Gisilotan ug gipatay ninyo ang tawong walay sala; wala siya mosukol kaninyo.

ANG PULONG SA GINOO.

EBANGHELYO

Mk. 9: 38-43, 45, 47-48

Kinutlo gikan sa Balaan nga Ebanghelyo sumala ni Marcos

Si Juan miingon kaniya, "Magtutudlo, nakakita kamig usa ka tawo nga nagpapahawa og mga yawa sa imong ngalan, ug gibadlong namo siya tungod kay wala man siya magsunod kanato."

Ug si Jesus miingon, "Ayaw ninyo siya did-i. Kay walay tawo nga magbuhat og milagro sa akong ngalan ug maka- himo pagpanghimaraot kanako sa kalit lang. Kay ang dili batok kanato, dapig kanato.

"Kay bisan kinsa nga mopainom kaninyog usa ka basong tubig tungod kang Cristo kamo, pagkatinuod sa nag-ingon ako kaninyo nga dili gayod siya kawad-an sa iyang ganti."

"Ug bisan kinsa nga makapahisukamod sa usa niining mga labing gamay nga nagatuo [kanako], labing maayo pa kaniya nga higtan og usa ka dakong galingan nga bato likos sa iyang liog ug itambog siya ngadto sa dagat.

"Ug kon ang imong kamot makapahisukamod kanimo, putla kini. Labing maayo pa kanimo nga mosulod nga pungkol ngadto sa kinabuhi kaysa adunay duha ka kamot nga mahiadto sa impi- yerno, ngadto sa kalayo nga walay pagkapalong. Ug kon ang imong tiil makapahisukamod kanimo, putla kini. Labing maayo pa kanimo nga mosulod ngadto sa kinabuhi nga bakol kaysa adunay duha ka mga tiil nga itambog ngadto sa impiyerno.

"Ug kon ang imong mga mata makapahisukamod kanimo, lugita kini. Labing maayo pa kanimo nga mosulod sa ging- harian sa Dios nga usa ray mata kaysa adunay duha ka mga mata nga itambog sa impiyerno, 'diin ang ilang ulod dili mamatay ug ang kalayo dili mapalong."

Ang Ebanghelyo sa Ginoo

KATILINGBANONG PAG-AMPO

SEPTEMBER 29, 2024

Pari: Ang mga pagbasa karong adlawa nagpahinumdom kanato sa pagkinabuhi diha sa kahayag sa balaod sa Diyos ug sa pagbuntog sa tanang matang sa pig-ot nga panghunahuna. Kay kita nasayod sa atong mga kahuyang sa pagtuman niini nga mga panginahanglan, ipadangat nato karon sa atong Langitnong Amahan ang along pag-ampo diha sap ag-ingon:

GINOO, DUNGGA KAMI.

1. Alang sa mga nangulo sa Simbahan ilabina si Papa Francisco, mga Obispo, kaparian sa kanunay ang Ginoo magdasig kanila sa pagtuman sa kabubut-on sa Dios pinaagi sa pagtahan sa ilang kinabuhi isip lyang mga alagad. Mag-ampo kita sa Ginoo.

2. Alang sa mga gipiyalan sa pagdumala sa atong nasud, mamahimo unta silang abli sa pagtubag sa panginahanglan sa dakong pundok nga katawhan nga ilang gialagaran nga nangandoy sa kalinaw ug kahiusahan. Mag-ampo kita sa Ginoo.

3. Alang sa atong kaigsuonan nga mga "Migrant workers" nga mihalad sa ilang kaugalingon, dasigon unta sa Espiritu Santo diha sa ilang mga paningkamot. Mag-ampo kita sa Ginoo.

4. Alang sa mga Seafarers, lig-onon unta sila sa Dios matag adlaw. Mag-ampo kita sa Ginoo.

5. Alang sa mga nagadayeg ug nagapasalamat sa Dios ilabina nila mapuno unta sa lyang Espiritu nga mopadayag sa kabubut-on sa Dios diha sa ilang kinabuhi ug ngadto sa uban. Mag-ampo kita sa Ginoo.

6. Alang sa mga magtutuong nangamatay ilabina sila makaangkon na sa kapasayloan sa sala ug makadawat sa ganti sa pagpakighiusa sa Dios ngadto sa paraiso. Mag-ampo kita sa Ginoo.

7. Mag-ampo kita alang sa atong kaugalingong katuyoan.

Pari: Langitnong Amahan, nahalad na namo ang among panginahanglan ug nagatuo kami nga kini Imong hatagan ug katumanan kay kini among gipangayo pinaagi ni Cristo among Ginoo. Amen.