Ikakawhaan nga Domingo Sulod sa Tuig

Ikakawhaan nga Domingo Sulod sa Tuig

PASIUNA

AGOSTO 18, 2024

Maayong buntag / hapon mga igsuon diha ni Cristo.

Ania n akita sa ikakawhaan nga Domingo sa Ordinaryong Panahon.

Ang unang pagbasa gikuha gikan sa Basahon sa Panultihon. Kini nagpahayag sa lalom nga tinguha sa Dios nga ang katawhan makaambit sa lyang kaalam ug kinabuhi.

Ang ikaduhang pagbasa gikuha gikan sa Sulat ni San Pablo ngadto sa taga-Efeso. Siya miingon kanila, "Ayaw kamo pagkinabuhi sama sa mga ignorante kondili sama sa mga maalamon."

Ang ebanghelyo gikuha gikan sa Balaan nga Ebanghelyo sumala ni San Juan. Dinhi atong madungog si Jesus miingon sa panon sa katawhan, "Ako ang buhing pan nga mikanaog gikan sa langit."

Palihug manindog alang sa pagsugod sa Santos nga Eyukaristiya.

Salmo Responsoryo:

Tagamtama ug tan-awa ang kaayo sa Ginoo.

Katilingbanong Pag-ampo:

Ginoo, dungga kami. 

BASAHON I

Prv. 9:1-6

KINUTLO GIKAN SA BASAHON SA MGA PANULTIHON

Ang kaalam nagbuhat ug balay alang sa iyang kaugalingon, ug kini gibutangan niyag pito ka haligi. Nagpaihaw siyag mananap aron kombirahan. Gibutangan niyag pahumot ang bino, ug giandam na ang kan-anan. Gisugo niya ang iyang mga sulugoong babaye sa pagdapit sa mga kadagkoan sa lungsod, ug sila nag-ingon, "Tambong kamo sa kombira, mga tawong walay alamag!" Ug sa mga buangbuang, nag-ingon siya, "Dali kamo, kaon kamo sa giandam kong kalan-on ug inom kamo sa bino nga akong giandam kaninyo. Biyai ang mga walay alamag ug dili kamo mamatay. Sunda ninyo ang dalan sa kahibalo."

ANG PULONG SA GINΟΟ.

SALMO RESPONSORYO

Ps. 34:2-3, 10-11, 12-13, 14-15

R. Tagamtama ug tan-awa ang kaayo sa Ginoo.

Daygon ko ang Ginoo sa tanang panahon; ang iyang kadayganan kanunayng maania sa akong ba-ba. Ang akong kalag maghimaya unta sa Ginoo; ang mapaubsanon makabati kanako ug malipay.

R. Tagamtama ug tan-awa ang kaayo sa Ginoo.

Kahadloki ang Ginoo, kamong iyang mga balaan, kay walay makulang kanila nga mahadlokon kaniya. Ang mga dagko nahimong kabus ug gutom; apan sila nga nangita sa Ginoo wala magmakulang sa bisan unsang butang nga maayo.

R. Tagamtama ug tan-awa ang kaayo sa Ginoo.

Umari kamo, mga kabataan, pamatia ako; tudloan ko kamo sa kahadlok sa Ginoo.

Kinsa kaninyo ang nagatinguha sa kinabuhi, ug malipay sa mga adlaw sa kahimugaway?

R. Tagamtama ug tan-awa ang kaayo sa Ginoo.

Ilikay ang inyong dila sa mangil-ad ug ang inyong mga ngabil sa pagsulti og maut;

Likaye ang dautan, ug pagbuhat sa maayo pangitaa ang kalinaw, ug sunda kini.

R. Tagamtama ug tan-awa ang kaayo sa Ginoo.

BASAHON II

Eph. 5:15-20

KINUTLO GIKAN SA SULAT NI SAN PABLO NGADTO SA TAGA-EFESO

Busa pagmatngon kamo pag-ayo sa inyong pagkinabuhi. Ayaw kamo pag- kinabuhi sama sa mga ignorante kondili sama sa mga maalamon. Ayoha paggamit ang inyong panahon kay dautan kining mga adlawa. Busa ayaw kamo pagpa- kabuang, kondili paningkamuti nga masayran ninyo ang kabubut-on sa Ginoo alang kaninyo.

Ayaw kamo paghuboghubog kay makadaot kini kaninyo; hinonoa, tingu-haa ninyo nga mapuno kamo sa Espiritu. Sa inyong pagsultisulti gamita ninyo ang mga salmo, mga himno ug mga balaang awit; awiti ninyo ug dayga sa kinasing-kasing ang Ginoo. Sa ngalan sa atong Ginoong Jesucristo pagpasalamat kamo kanunay sa Dios Amahan tungod sa tanang butang.

ANG PULONG SA GINOO.

EBANGHELYO

Jn. 6:51-58

Kinutlo gikan sa Balaan nga Ebanghelyo sumala ni Juan

Mingon si Jesus sa panon sa katawhan: "Ako ang buhing pan nga mikanaog gikan sa langit, ang mokaon niining maong pan mabuhi sa dayon; ug ang pan nga akong ihatag mao ang akong unod alang sa kinabuhi sa kalibotan."

Naglalisay ang mga Judio sa pag-ingon, "Unsaon niya paghatag kanato sa iyang unod aron kaonon?"

Busa miingon si Jesus kanila, "Amen, sa pagkatinuod, sultihan ko kamo, kondili kamo mokaon sa unod sa Anak sa Tawo ug moinom sa iyang dugo, dili kamo makabaton og kinabuhi sa inyong kaugalingon. Ang makigsalo sa akong unod ug moinom sa akong dugo makabaton og kinabuhing dayon ug banhawon ko siya sa kataposang adlaw.

"Kay ang akong unod tinuod nga kalan-on, ug ang akong dugo tinuod nga ilimnon. Ang makigsalo sa akong unod ug moinom sa akong dugo magpabilin dinhi kanako ug akò diha kaniya. Sama nga gipadala akò sa buhing Amahan, ug akò buhi tungod sa Amahan, ang mokaon kanako mabuhi tungod kanako.

"Mao kini ang pan nga mikanaog gikan sa langit, dili sama sa inyong katigulangan nga nangaon ug nangamatay. Ang mokaon niiining maong pan mabuhi sa dayon."

Ang Ebanghelyo sa Ginoo.

Katilingbanong Pag-ampo

Agosto 18, 2024

Pari: Modangop kita karon sa atong Langitnong Amahan ug ihalad ngadto Kaniya ang tanan natong mga panginahanglan diha sa pag-ampo:

GINOO, DUNGGA KAMI.

1. Nga ang mga lideres sa Simbahan ilabina si Papa Francisco, mga Obispo, kaparian, mga relihiyoso ug mga diyakono, malig-on sa Pan nga ilang nadawat gikan sa Ginoo matag saulog sa Santos sa Eyukaristiya. Mag-ampo kita sa Ginoo.

2. Nga ang mga namunoan sa panggamhanan, sa kanunay lamdagan sa Espiritu Santo aron ang ilang mga desisyon sa pagpangalagad mahisubay sa kabubut-on sa Amahan. Mag-ampo kita sa Ginoo.

4. Nga ang mga nag-antus sa kawad-on sa kinabuhi, inhustisya, sa sakit ug sa katigulangon, makabaton og kahupayan ug makatagamtam sa walay puas nga gugma ug grasya sa Dios matag adlaw. Mag-ampo kita sa Ginoo.

5. Nga ang mga mihalad sa ilang pasalamat ug pagdayeg sa Dios ilabina nila ________- makaangkon og tim-os nga kalipay ug paghigugma sa Dios. Mag-ampo kita sa Ginoo.

6. Nga ang mga magtutuong nangamatay ilabina sila ____________ makaangkon og kinabuhing walay katapusan ug makigsalo sa kang Jesus didto sa langit. Mag-ampo kita sa Ginoo.

Pari: Makagagahum nga Amahan, diha sa imong tim-os nga gugma ug kaluoy, among gihalad ang among panginahanglan ug malaumon kami nga kini imong kahatagan og katumanan pinaagi ni Cristo among Ginoo.