IKANAPULO'G UNOM NGA DOMINGGO SA ORDINARYONG PANAHON

IKANAPULO'G UNOM NGA DOMINGGO SA ORDINARYONG PANAHON

PASIUNA

HUNYO 21, 2024

Maayong buntag/hapon mga igsuon diha ni Cristo.

Ania na kita sa Ika-napulog-unom nga Domingo sa Ordinaryong Panahon.

Ang unang pagbasa gikuha gikan sa Basahon ni Propeta Jeremias Sumala ni Propeta Jeremias, ang Ginoo miingon, "Pagkamakalilisang sa silot sa Ginoo niadtong mga pangulo nga nagpasagad lang nga pamatyon ug patibulaagon ang iyang mga katawhan."

Ang ikaduhang pagbasa gikuha gikan sa Sulat ni San Pablo ngadto sat aga-Efeso. Dinhi atong madungog ang paghulagway ni San Pablo kang Jesus isip "kalinaw".

Ang Ebanghelyo gikuha gikan sa Balaan nga Ebanghelyo sumala ni San Marcos. Dinhi atong madungog si Jesus nga miingon ngadto sa iyang mga apostoles, "Dali kamo nga kamo lang ngadto sa usa ka mamingaw nga dapit ug pahulay kamo sa makadiyot."

Palihug manindog alang sa pagsugod sa Santos nga Eyukaristiya.

Salmo Responsoryo;

Magbalantay kanako ang Ginoo, Wala nay magmakulang pa kanako.

Katilingbanong Pag-ampo:

Maayong Magbalantay, dungga kami.

BASAHON I

Jer. 23:1-6

KINUTLO GIKAN SA BASAHON NI PROPETA JEREMIAS

Pagkamakalilisang sa silot sa GINOO niadtong mga pangulo nga nagpasagad lang nga pamatyon ug patibulaagon ang iyang katawhan! Mao kini ang giingon sa GINOO, ang Dios sa Israel, sa mga pangulo nga angay untang mag-atiman sa iyang katawhan: "Gipatibulaag ug giabog ninyo ang akong katawhan inay inyo untang atimanon. Karon, silotan ko kamo tungod sa dautan ninyong mga buhat. Ako, ang GINOO, maoy nagsulti niini. Tigumon ko ang nahibilin sa akong katawhan gikan sa kanasuran diin ko sila palaaga, ug dad-on ko sila balik sa ilang nasod. Unya mosanay sila pag-ayo. Hatagan ko silag mga pangulo nga mag- atiman kanila. Dili na sila mahadlok o malisang, ug dili ko na sila silotan pag- usab. Ako, ang GINOO, maoy nag-ingon niini."

Nag-ingon ang GINOO, "Taliabot ang panahon nga magpili akog matuod nga kaliwat ni David aron mahimong hari. Ang maong hari magmando sa tumang kamaalamon, ug ipatunhay niya ang hustisya ug katarong sa tibuok nasod. Kon maghari na siya, mahilikay na sa kadaut ang katawhan sa Juda, ug magpuyo nang malinawon ang katawhan sa Israel. Paganganlan siyag, 'Ang GINOO Atong Kaluwasan."

ANG PULONG SA GINOO.

SALMO RESPONSORYO

Ps. 23:1-3, 3-4, 5, 6

R. Magbalantay kanako ang Ginoo wala nay magmakulang pa kanako.

Magbalantay kanako ang Ginoo, wala nay magmakulang pa kanako. Sa lunhaw nga sibsibanan iya ako nga gipapahulay;

Sa daplin sa malinaw nga tubig iya akong gidala; iyang gihupay ang akong kalag.

R. Magbalantay kanako ang Ginoo wala nay magmakulang pa kanako.

Iya ako nga gitultolan sa matarong nga mga agianan tungod sa iya nga ngalan.

Bisan kon magalakaw ako sa walog nga mangitngit wala akoy kahadlokan nga dautan;

Kay anaa ka man sa akong kiliran sa imong igbubugaw og sungkod gihatagan mo ako og kaisog.

R. Magbalantay kanako ang Ginoo wala nay magmakulang pa kanako.

Gihikyaran mo ako og lamesa sa akong atubangan samtang nagatan-aw ang akong mga kaaway;

Gidihogan mo ang akong ulo og lana; nagaawas gayod ang akong kopa.

R. Magbalantay kanako ang Ginoo wala nay magmakulang pa kanako.

Ang kaayo lamang ug kaluoy maoy nagasunod kanako, sa tanang mga adlaw sa akong kinabuhi;

Ug magpuyo ako sa balay sa Ginoo sa mga katuigan sa katuigan.

R. Magbalantay kanako ang Ginoo wala nay magmakulang pa kanako.

BASAHON II

Eph. 2:13-18

KINUTLO GIKAN SA SULAT NI SAN PABLO NGADTO SA TAGA-EFESO

Mga igsuon: Sa inyong pagkahiusa kang Cristo Jesus, kamo nga kaniadto layo sa Dios, karon nahiduol na pinaagi sa kamatayon ni Cristo. Kay si Cristo mismo mao ang atong kalinaw pinaagi sa paghimo sa mga Judio ug sa mga dili Judio nga usa lamang ka katawhan. Pinaagi sa iyang lawas giguba niya ang paril nga nag-ulang ug naghimo kanilang mga kaaway. Giwagtang niya ang Balaod sa mga Judio, lakip ang mga kasugoan ug mga kalagdaan niini, aron gikan sa duha ka kaliwatan, mahimo diha kaniya ang usa ka katawhan, ug sa ingon makab- ot ang kalinaw. Pinaagi sa iyang ka- matayon sa krus gihiusa kita niya ug gipasig-uli ngadto sa Dios, ug sa ingon niana giwagtang niya ang pagdinumtanay. Busa mianhi si Cristo ug gisangyaw niya ang Maayong Balita sa kalinaw alang sa tanan kaninyong mga dili Judio nga kaniadto layo sa Dios ug sa mga Judio nga duol kaniya. Pinaagi kang Cristo kitang tanan, Judio ug dili Judio, makaduol sa Amahan diha sa usa ka Espiritu.

ANG PULONG SA GINOO.

ALELUYA Jn. 10:27

Ang akong mga kamero mamati sa akong tingog, nag-ingon ang Ginoo; nakaila ako kanila ug nagasunod sila kanako. Aleluya.

EBANGHELYO

Mk. 6: 30-34

Kinutlo gikan sa Balaan nga Ebanghelyo sumala ni Marcos

Ug nagkatigom ang mga apostol ngadto kang Jesus ug gibalitaan nila siya tanan sa nilang gipangbuhat ug gipangtudlo. Ug miingon siya kanila, "Dali kamo nga kamo lang ngadto sa usa ka mamingaw nga dapit ug pahulay kamo sa makadiyot. Kay daghan ang nanganhi ug nangadto, ug wala na gani silay higayon bisan sa pagpangaon." 

Ug mibiya sila sakay sa sakayan ngadto sa usa ka mamingaw nga dapit nga sila lamang. Apan daghan ang nakakita kanila nga namiya ug nakaila kanila ug gikan sa kalungsoran nanagan sila nga nagtiniil paingon didto ug nauna pa gani sila pag-abot kanila.

Ug sa iyang pagkawas nakita niya ang dakong panon sa katawhan ug naluoy siya kanila kay sama sila sa mga karnero nga walay magbalantay, ug misugod siya pagtudlo kanila sa daghang butang.

Ang Ebanghelyo sa Ginoo.

KATILINGBANONG PAG-AMPO

HUNYO 21, 2024

Pari: Mag-ampo kita sa atong maluluy-on nga Ginoo, ang Maayong Magbalantay nga pinaagi sa lyang kaluoy ug gugma, madawat nato ang grasya nga atong gikinahanglan. Sa matag, pag-ampo kita moingon:

MAAYONG MAGBALANTAY, DUNGGA KAMI.

1. Alang sa atong Santo Papa Francisco, mga Obispo, mga pari, mga diyakono ug mga relihiyoso, nga mapuno sila sa gasa sa Espiritu Santo sa pagpalambo sa espirituhanong kaayohan sa mga magtutu-o. Mag-ampo kita.

2. Alang sa tanang mga lideres sa atong nasud, makita unta nila diha kang Kristo ang Espiritu sa pagpangulo aron sa pagdumala sa katawhan nga puno sa hustisya ug kalinaw. Mag-ampo kita.

3. Alang sa tanang mga ginikanan, mga magtutudio, ug ubang mga tawo nga adunay awtoridad, hinaut nga sila mahimong mga instrumento sa gugma sa Dios, ang Balaan nga Magbalantay sa tanan, sa mga panginahanglan sa ilang mga anak, mga estudyante ug mga ginsakop. Mag-ampo kita.

4. Alang sa mga doktor, mga social worker, ug sa tanan niadtong responsable sa kaayohan sa mga batan-on, huyang, ug timawa nga mga sakop sa katilingban, hinaut nga ang Ginoo mohatag kanila og kusog sa hunahuna ug lawas, kalipay ug katumanan sa ilang katungdanan. Mag-ampo kita.

5. Alang sa tanang magtutuo nga mihalad sa ilang pasalamat niining Santos nga Kasaulogan ilabina nila, _______unta mamahimo silang maayong magbalantay sa mga nanginahanglan sama sa pagbantay ni Jesus sa dakong panon sa katawhan. Mag-ampo kita.

6. Alang sa tanang magtutuo nga mitaliwan ilabina sila, ______ makadawat sa kinabuhing dayon. Mag-ampo kita.

Pari: Ginoo, tan-awa uban ang gugma ang mga magbalantay sa tibuok Simbahan. Himoa sila nga lig-on ug manggihatagon samtang sila naningkamot sa pagsunod kanimo, among mahigugmaon ug Maayong Magbalantay nga buhi ug nag-atiman hangtod sa kahangtoran. Amen.

 FESTIVAL OF FAMILIES JULY 2024

(THESE BLESSINGS MAY BE DONE AFTER THE POST COMMUNION PRAYER IN ALL MASSES:)

COMMENTATOR:

KARON ATONG PAGABUHATON ANG PAG-AMPO ALANG SA MGA GINIKANAN UG MGA MANAGTIAYON ATOL SA ATONG PAGSAULOG SA IKA-75TH JUBILEE ANNIVERSARY SA ATONG ARCHDIOCESE OF DAVAO, ATONG GISAULOG ANG BULAN SA HULYO ISIP FESTIVAL OF FAMILIES. GIHANGYO ANG TANANG MAG-ASAWA UG MGA GINIKANAN SA PAG-ADTO SA ATUBANGAN ALANG SA PAG-AMPO UG PAGBENDISYON.

C. BLESSINGS FOR PARENTS/MARRIED COUPLES (3RD Sunday: JULY 21, 2024)

PARI:

GINOONG DIOS NGA MAGBUBUHAT SA TANAN, MANALANGIN UG MAGDAYEG KAMI ΚΑΝΙΜΟ. SA SINUGDANAN, IMONG GIBUHAT ANG LALAKI UG BABAYE ARON MAHIUSA SA GUGMA UG KINABUHI. IMONG GIPANALANGINAN KINING IMONG MGA ANAK SA PANAHON SA ILANG KASAL, ARON MAHIMONG LARAWAN SA PANAGHI- USA NI CRISTO UG SA IYANG SIMBAHAN. SUD-ONGA NGA MALOLOY-ON KINING IMONG MGA ALAGAD. BAG-OHA ANG KASABUTAN SA ILANG KAMINYUON NGA, TALIWALA SA MGA KALIPAY UG MGA KASAKIT, IMONG GIPANALIPDAN ANG ILANG PANAGHIUSA. PANALANGINI + UG PUN-A SILA SA IMONG GUGMA UG LIG-ONA ANG ILANG BUGKOS SA KALINAW ARON, UBAN SA ILANG MGA ANAK, MAGMAYA SILA KANUNAY SA GASA SA IMONG PANALANGIN. KINI AMONG GIPANGAYO PINAAGI NI CRISTO, AMONG GINOO. AMEN.

(BLESSING OF HOLY WATER FOLLOWS)