IKATULO NGA NOVENA

MARTES SA IKAUPAT NGA SEMANA SA KWARESMA

Pasiuna

Marso 12, 2024

Mga igsoon ko diha ni Cristo maayong gabii kaninyong tanan.

Karon Martes saIkaupat nga Semana sa Kwaresma ug ika-tulong adlaw sa nobena alang sa atong mahal nga Patron Sr. San Jose esposo ni Maria.

Palihug manindog alang sa pagsugod sa Santos nga Eukaristiya..

 

Salmo Responsoryo:

“ANG MAKAGAGAHOM NGA DIOS ANIA UBAN KANATO; ANG DIOS NI JACOB MAO ANG ATONG DALANGPANAN.”

 

Pangaliya sa Katawhan:

DIOSNONG MAGTATAMBAL, DUNGGA KAMI.

BASAHON I

Ezequiel 47.1-9.12

Kinutlo gikan sa basahon ni Propeta Ezequiel.

Gidala ako pagbalik sa anghel ngadto sa ganghaan sa templo sa Ginoo, ug nakita ko nga may tubig nga miggula gikan sa ilalum sa bakanan sa templo paingon sa sidlakan (kay ang atubangan sa balay nagaatubang paingon sa sidlakan); ug ang mga tubig miagas gikan sa ilalum, gikan sa too nga kiliran sa templo, sa habagatan nga kiliran sa altar.

Unya iya akong gidala sa gawas nga miagi sa alagianan sa ganghaan paingon sa amihanan, ug gimandoan ako niya nga miagi sa ganghaan sa gawas ngadto sa ganghaan nga nagaatubang sa sidlakan diin may tubig nga nagaagay-ay sa too nga kiliran.

Ug sa diha nga ang tawo milakaw pa- ingon sa sidlakan dala ang lubid nga igsusukod diha sa iyang kamot, misukod siyag usa ka libo ka maniko gikan sa katubigan, ug iya akong gipaubog latas sa tubig nga kutob sa mga buol-buol.

Misukod na usab siya og laing usa ka libo ka maniko, ug gipaubog ako niya latas sa tubig nga kutob sa mga tuhod. Misukod na usab siya og usa ka libo ka maniko, ug gipa- ubog ako niya latas sa tubig nga kutob sa akong hawak.

Sa human niana misukod na usab siya og usa ka libo ka maniko; apan kini usa na ka su- ba nga dili na nako malabang; kay ang tubig mitubo man nga usa ka suba nga dili na ma- labang, gawas kon langyon.

Miingon siya kanako: "Anak sa tawo, nakita mo ba kini?" Unya gidala ako niya, ug gipabalik ngadto sa tampi sa suba, diin iya ako nga gipalingkod.

Sa tampi sa suba nakita ko nga dihay daghan kaayo nga mga kahoy sa isig ka dap- lin niini.

Miingon siya kanako: "Kining tubiga nagadagay-day paingon sa kayutaan sa sid- lakan ngadto sa Arabah; ug modulong ngadto sa dagat; ngadto sa mga tubig nga parat, nga himo-on niini nga tab-ang.

Ang tanang mga buhing binuhat nga mo- sanag mabuhi diin ang suba moabut; ug didto unya adunay abunda nga isda; kay bisan diin kining tubiga moabut ang tubig sa dagat mo-tab-ang.

Sa duruha ka tampi sa suba moturok ang tanang matang sa mga kahoy nga makaon, ang ilang dahon dili malaya, ni mawad-an sa iyang bunga. Mobunga kini ug bag-ong bunga matag-bulan, tungod kay tubigan man sila sa tubig nga nagaagay-ay gikan sa santwariyo. Ang bunga nila makaon, ug ang dahon tambal nga makaayo.

Mao kini ang Pulong sa Ginoo.

SALMO RESPONSORYO

Salmo 46.2.3.5-6.8-9

R. (8) Ang makagagahom nga Dios ania uban kanato; ang Dios ni Jacob mao ang atong dalangpanan.

Ang Dios mao ang atong dalangpanan ug ang atong kusog, ang kanunayng panabang dinhi sa atong mga kalisdanan. Busa wala kitay gikahadlokan, bisan kon ang kalibutan matay-og ug ang mga bukid mabanlod ngadto sa kahilad- man sa dagat.

R. Ang makagagahom nga Dios ania uban kanato; ang Dios ni Jacob mao ang atong dalangpanan.

Dunay suba kansang mga tubig nagalipay sa siyu- dad sa Dios. ang balaan nga puloy-anan sa Labing Halangdon.

Ang Dios anaa sa iyang taliwala; wala kini siyay kahadlokan; ang Dios motabang kaniya inighayag sa banag- banag.

R. Ang makagagahom nga Dios ania uban kanato; ang Dios ni Jacob mao ang atong dalangpanan.

Ang Ginoo sa kagahuman ania uban kanato: ang atong kota mao ang Dios ni Jacob. Umari kamo, tan-awa ang mga buhat sa Ginoo, ang kahibulongang mga butang nga iyang gi- himo dinhi sa yuta.

R. Ang makagagahom nga Dios ania uban kanato; ang Dios ni Jacob mao ang atong dalangpanan.

EBANGHELYO

Jn. 5. 1-3. 5-16

+Ang Santos nga Ebanghelyo sumala ni San Juan.

Human niini, dihay pangilin sa mga Judio, ug si Jesus miadto sa Jerusalem. Didto sa Jerusalem, duol sa ganghaan nga gihinganlag Ganghaan sa mga Karnero, may linaw nga gitawag Betsata sa Henibreohanon. Kining ma- ong linaw may lima ka pultahan nga gitapang- kohan diin may daghang mga masakiton - mga buta, mga bakol, mga paralitiko, nga naghigda.

Ug didtoy tawo nga nasakit sulod na sa katloag-walo ka tuig. Nakita siya ni Jesus nga naghigda didto, ug nasayran ni Jesus nga siya nagmasakiton sa maong gidugayon; busa iyang gipangutana ang tawo, "Gusto ka ba nga ma- maayo?" Ang masakiton mitubag, "Nyor, walay makasakwat kanako ngadto sa linaw kon ang tubig makutaw na. Ug samtang man- limbasog ako sa pag-adto sa linaw, aduna nay lain nga makauna kanako didto." Si Jesus mi- ingon kaniya, "Tindog, dad-a ang imong ba- nig ug lakaw." Ug dihadiha naayo siya ug gi- dala niya ang iyang banig ug milakaw.

Nahitabo kini sa Adlawng Igpapahulay, ug busa giingnan sa mga Judio ang tawo nga naayo, "Adlawng Igpapahulay karon, ug supak sa atong Balaod ang pagdala sa imong banig." Siya mitubag, "Giingnan ako sa tawo nga nag- ayo kanako, 'Dad-a ang imong banig ug la- kaw." Sila nangutana kaniya, "Kinsa mang tawhana ang nagsugo kanimo sa pagdala sa imong banig ug sa paglakaw?" Apan ang tawo nga naayo wala makaila kon kinsa siya, kay mipahawa man si Jesus sanglit diha may pun- dok sa mga tawo niadtong dapita.

Human kini mahitabo, ang tawo gikahi- balag ni Jesus didto sa Templo ug si Jesus mi- ingon kaniya, "Tan-awa, naayo na ikaw. Ayaw na pagpakasala aron dili ka mahiagom sa labi pang mangil-ad nga hitabo." Unya milakaw ang tawo ug misugilon sa mga Judio nga si Jesus diay ang nag-ayo kaniya. Tungod niini, misugod ang mga Judio paglutos kang Jesus, kay giayo man niya ang tawo sa Adlawng Igpapahulay.

Mao kini ang Ebanghelyo sa Ginoo.

PANGALIYA SA KATILINGBAN                                                      Marso 12, 2024

Pari: Sa magkadugang ang atong pag-ila sa Dios, magkadugang     usab ang atong pag-amgo nga wala kitay mahimo kon wala siya. Sa atong pag-ila sa atong kakulangon, moda- ngop kita        ngadto sa Dios sa pag-ingon:

DIOSNONG MAGTATAMBAL, DUNGGA KAMI.

1. Nga ang mga nangulo sa Simbahan motahan sa ilang kinabuhi kinatibuk-an aron sa pag-alagad katawhan sa Ginoo. Mag-ampo kita.

2. Nga ang mga nagdumala panggamhanan sa magmatinud-anon sa ilang tawag sa isip mga piniyalan. Mag-ampo kita.

3.   Nga makabaton unta kita sa matuod nga diwa sa pagpaubos diha sa atong pagpakabana sa mga kabus ug dinaug-daog ug nga atong makit-an ang presensiya sa Dios diha kanila. Mag-ampo kita.

4.   Nga ang mga masakiton makakaplag og gugma ug kahupayan gikan niadtong mga nag-amoma kanila. Mag-ampo kita.

5.   Nga ang mga nagdayeg ug nagapasalamat sa Dios ilabina sila___ makadawat unta sa grasya nga ilang gikinahanglan sa matag adlaw. Mag-ampo kita.

6.   Nga kadtong mitaliwan na una kanato ilabina nila____ mahiusa unta sa Dios didto sa iyang Gingharian. Mag-ampo kita.

Pari: Langitnong Amahan, dungga ang among mga pag-ampo nga mapaubsanon namong gipangayo pinaagi ni Cristo among Ginoo. Amen.