IKAUPAT NGA DOMINGO

Ikaupat nga Domingo Sulod sa Tuig

PASIUNA

ENERO 28, 2024

Maayong buntag/hapon mga igsuon ko diha ni Cristo.

Ania na kita sa ika-upat nga Domingo sa Ordinaryong Panahon.

Karong Domingoha usab, mao ang Sunday of the Word of God, National Bible Sunday ug Pro-Life Sunday.

Diha sa unang pagbasa nga gikuha gikan sa Basahon sa Deuteronomio, atong madungog si Moises nga misaad ngadto sa katawhan sa Israel pinaagi sa pag-ingon, "Ang Ginoo nga inyong Dios magpadala og propeta sama kanako gikan sa inyong taliwala ug kinahanglan motahad kama kaniya."

Diha sa ikaduhang pagbasa nga gikuha gikan sa Unang Sulat ni San Pablo ngadto sa taga- Corinto, atong madungog nga si San Pablo nga miingon kanila. "Buot ko nga mahilikay kamo sa kabalaka..."

Ug diha sa Balaan nga Ebanghelyo sumala ni San Marcos. atong madungog ang iyang pagsaysay mahitungod sa pag-ayo ni Jesus sa usa ka tawo nga adunay dastang espiritu.

Pallhug manindog alang sa pagsugod sa Santos riga Eyukaristiya

Salmo Responsoryo:

Kon karon makadungog kamo sa iyang tingog, ayaw patig-aha ang inyong mga kasingkasing.

Pag-ampo sa Katilingban:

Ginoo, lamdagi kami.

BASAHON I

Dt. 18:15-20

KINUTLO GIKAN SA BASAHON SA DEUTEROΝΟΜΙΟ

Ang GINOO nga inyong Dios mag- padala og propeta sama kanako gikan sa inyong taliwala, ug kinahanglan motahod kamo kaniya. Gihatag siya sa GINOO kaninyo ingon nga tubag sa inyong hangyo sa dihang nagtigom kamo didto sa Bukid sa Sinai ug miingon kamo, 'Ayaw na kami pabatia sa tingog sa GINOO nga among Dios, ni pakitaa sa makalilisang kalayo, aron dili kami mangamatay.' Niadtong higayona giingnan ako sa GINOO nga husto ang inyong giingon, busa miingon siya. 'Magpili akog propeta nga ila rang kadugo sama kanamo, Moises. Ihatag ko kaniya ang akong mensahe ug isulti niya bisan unsa ang akong isugo kaniya. Kinsa kadtong dili mamati sa mensahe nga akong ipasangyaw kaniya, silotan ko gayod. Apan kon ang maong propeta mosultig mensahe nga wala ko ipasulti kaniya ug unya magpatoo nga gisugo ko siya, o magsulti sa ngalan sa ubang dios, kinahanglan patyon siya.'

ANG PULONG SA GINOO.

SALMO RESPONSORYO

Ps. 95:1-2, 6-7, 7-9

R. Kon karon makadungog kamo sa iyang tingog, ayaw patig-aha ang inyong mga kasingkasing.

Umari kamo, awitan ta nga malipayon ang Ginoo; isangyaw ta ang bato sa atong kaluwasan.

Yukboan ta siya uban sa pasalamat; awitan ta siya nga malipayon og mga salmo.

R. Kon karon makadungog kamo sa iyang tingog, ayaw patig-aha ang inyong mga kasingkasing.

Umari kamo, manghapa kita sa pagsimba; mangluhod kita atubangan sa Ginoo nga nagbuhat kanato.

Kay siya man ang atong Dios, ug kita ang katawhan nga iyang gidumala, ang panon nga iyang gitultolan.

R. Kon karon makadungog kamo sa iyang tingog, ayaw patig-aha ang inyong mga

kasingkasing.

Hinaut unta nga karon mamati kamo sa iyang tingog:

"Ayaw tig-aha ang inyong mga kasing- kasing sama didto sa Meriba, sama sa adlaw ni Massah didto sa kamingawan, Diin gisulayan ako sa inyong mga katigulangan; ila akong gisuta bisan nakakita sila sa akong mga buhat."

R. Kon karon makadungog kamo sa iyang tingog, ayaw patig-aha ang inyong mga kasingkasing.

BASAHON II

1 Cor. 7:32-35

KINUTLO GIKAN SA UNANG SULAT NI SAN PABLO NGADTO SA TAGA-CORINTO

Buot ko nga mahilikay kamo sa kabalaka. Ang lalaki nga dili minyo magtagad sa buhat sa Ginoo kay maning-kamut man siya sa pagpahimuot sa Ginoo; apan ang tawo nga minyo magka- puliki sa kalibutanong mga butang, kay buot siya magpahimuot sa iyang asawa. Busa mabahin ang iyang hunahuna. Ang babaye nga dili minyo o usa ka ulay magtagad sa buhat sa Ginoo kay buot siyang maghalad sa iyang lawas ug espiritu; apan ang babaye nga minyo nagkapuliki sa mga kalibutanong mga butang, kay nagtinguha man siya pagpa- himuot sa iyang bana.

Gisulti ko kini alang sa inyong kaayohan. Dili ko tuyo ang pagpugong kaninyo. Hinonoa, buot ko nga magbuhat kamo sa matarong ug husto, ug mag- tugyan sa inyong kaugalingon sa hingpit gayod sa pag-alagad sa Ginoo.

ANG PULONG SA GINOO.

ALELUYA

Lk. 19:38

Aleluya.

Bulahan ang hari nga nagaanhi sa ngalan sa Ginoo; kadait dinhi sa yuta ug himaya didto sa langit.

Aleluya.

EBANGHELYO
Mk. 1: 21-28

Kinutlo gikan sa Balaan nga Ebanghelyo sumala ni Marcos

Ug misulod si Jesus sa Capernaum, ug gilayon sa pag-abot sa Adlawng Igpapahulay, sa iyang pagsulod sa sinagoga, nanudlo siya. Ug nahingangha sila mahitungod sa iyang pagtulun-an, kay nagtudlo man siya kanila nga adunay gahom ug dili sama sa mga Batid sa Balaod.

Ug dihadiha adunay usa ka tawo nga didto sa ilang sinagoga nga adunay daotang espiritu; ug siya misinggit nga nag-ingon, "Unsay labot nimo kanamo, Jesus nga taga-Nazaret? Mianhi ka ba paglaglag kanamo? Naka-ila ako kinsa ka - ang Balaan sa Ginoo!"

Ug gibadlong siya ni Jesus nga nag-ingon, "Hilom ug gawas gikan kaniya!" Ug gipakurog siya sa daotang espiritu ug human nakasinggit sa makusog nga tingog migawas siya gikan kaniya.

Ug natingala ang tanan samtang nagpangutan-anay sila sa usag-usa nga nag-ingon, "Unsa man kini?" Usa ka bag-ong pagtulun-an nga adunay gahom, ug gimandoan niya ang mga daotang espiritu ug mingtuman sila kaniya." Ug ang balita bahin kaniya mikaylap gilayon bisan diin ngadto sa tibuok kayutaan sa Galilea.

Ang Ebanghelyo sa Ginoo.

PAG-AMPO SA KATILINGBAN

ENERO 28, 2024

Pari: Sa atong pagkadungog sa Pulong sa Dios, pinaagi sa iyang pagkamatinud-anon, naghatag kanato og kinabuhi pinaagi sa lyang Bugtong Anak, si Jesucristo, ang Pulong nga nagpakatawa. puno sa pagsalig ug pagsunod sa Dios, kita karon modangop sa atong Langitnong Amahan nga nagtawag kanato sa pagsunod Kaniya. Sa matag pag-ampo kita moingon:

GINOO, LAMDAGI KAMI.

1. Nga ang Pulong sa Dios mamahimong dayag diha sa kinabuhi sa mga lideres sa atong Simbahan ilabina kang Papa Francisco, mga Obispo, kaparian, diyakono ug mga gikonsagrahan diha sa Simbahan ug mamahimong tinubdan sa ilang pagkamatinud-anon ngad tosa Dios ug sa tanang mga binunyagan nga gilauman nga mahiduol sa atang Ginoo. Mag-ampo kita.

2. Nga ang mga pangulo sa atong nasud malamdagan sa Balaang Espiritu pinaagi sa Pulong sa Dios aron pinaagi sa ilang maayong panig-ingnan. ang matag usa mamahimong dangpanan sa kalinaw. Mag-ampo kita.

3. Nga ang mga misyonaryo, mga katekista, ug ang tanan nga mipaambit sa Pulong sa Dios, pinaagi sa gahum sa Balaang Espiritu mamahimong epektibong mga saksi sa kamatuoran ug gugna sa Dios. Mag-ampo kita.

4. Nga kadtong nawad-an sa kadasig tungod sa sakit, katigulangan, ug kalisdanan sa kinabuhi, makakaplag og kahupayan ug kusog diha sa Pulong sa Dios ug tabang gikan sa atong katilingban. Mag-ampo kita.

5. Nga ang tanang mga makasasala, makabati sa Pulong sa Dios ug mabag-o diha sa lyang pasaylo ug gugma. Mag-ampo kita.

6. Nga ang mga mipadayag sa ilang pagdayeg ug pasalamat sa Dios ilabina nila molambo diha sa pulong ug buhat sumala sa panig- ingnan ni Cristo. Mag-ampokita.

7. Nga ang mga magtutuong nangamatay nga matinud-anong misunod kang Cristo ilabina sila maglipay ug magsadya na didto sa Gingharian sa Dios. Mag-ampo kita. 

Pari: Dios sa kaluwasan, dungga ang among mga pag-ampo. Bag-oha ang among kinabuhi pinaagi sa imong Balaang Pulong aron kami magmatinud-anon sa pagsunod kang Cristo nga buhi ug hari hangtod sa kahangturan. Amen.

Pahibalo:

Enero 21, 2024

1. Karong umaabot nga Pebrero 14, 2024 mao ang kasaulogan sa Meyerkules sa Badlis, aduna kitay tulo ka Santos nga Misa nianang adlawa didto sa parokya, ang una magsugod sa ala 6:00 sa buntag, sundan sa alas 12:00 sa udto ug ang katapusang misa sa alas 5:00 sa hapon, giawhag ang tanan sa pag-apil niini.

2. Alang sa atong pagpangandam sa kasaulogan sa Myerkules sa Badlis, giawhag ang tanan kung kinsa kadtong adunay mga bininditahang lukay sa paghatag niini didto sa atong simbahan aron nga kining mga lukay maoy himoong abo nga gamiton diha sa atong pagsaulog sa Myerkules sa badlis.

3. Ang St. Francis Xavier Regional Major Seminary mopasiugda ug usa ka konsyerto, nga gitawag ug KΑΝΤΑ SEMINARISTA, A CONCERT FOR A CAUSE, karong umaabot nga Pebrero 24, 2024 sa alas 8:00 sa gabii diha sa Remase Covered Court, Catalunan Grande Davao City. Ang ticket mamahimong mapalit diha sa opisina sa atong parokya sa kantidad nga 500 pesos.

Daghang salamat!