IKAWALO NGA ADLAW SA MISA DE GALLO

IKAWALO NGA ADLAW SA MISA DE GALLO

Disyembre 23

PASIUNA

Maayong buntag mga igsuon diha ni Cristo.

Ania na kita sa Ikawalo nga Adlaw sa Misa de Gallo

Ang unang pagbasa gikuha gikan sa Basahon ni Malaquias. Dinhi atong madungog nga miingon ang Ginoo nga Labing Gamhanan, "Ipadala ko ang akong sinugo pag-andam sa dalan nga akong again."

Ang ebanghelyo gikuha gikan sa Balaan nga Ebanghelyo sumala ni San Lucas. Kini naghisgot mahitungod sa pagsaysay sa pagpanganak ni Isabel sa usa ka lalaki ug ginganlan siya'g Juan

Palihug manindog alang sa pagsugod sa Santos nga Eyukaristiya.

Salmo Responsoryo:

Ihangad ang inyong mga ulo ug tan-awa; kay ang inyong kaluwasan haduol na.

Katilingbanong Pag-ampo:

Ginoo, patahinghugi Kami

BASAHON I

Mal. 3:1-4, 23-24

KINUTLO GIKAN SA BASAHON NI MALAQUIAS

Miingon ang GINOO nga Labing Gamhanan, "Ipadala ko ang akong sinugo pag-andam sa dalan nga akong agian. Unya sa kalit moadto sa iyang Templo ang GINOO nga inyong gipaabot. Ang Sinugo nga inyong gipangandoy moanhi ug magsangyaw sa akong kasabutan."

Apan kinsay molahutay sa adlaw sa pag-abot niya? Kinsa may makaharong inigpadayag na niya? Sama siya sa kalayo nga nagputli sa puthaw, ug sama sa isog nga sabon. Moanhi siya sa paghukom sama sa magputli sa plata. Hinloan niya ang mga pari ingon sa pagputli sa plata ug bulawan. Unya maghalad sila sa GINOO sa husto nga matang sa mga halad. Unya ang mga halad nga dad-on sa katawhan sa Juda ug sa Jerusalem ngadto sa GINOO makapahimuot na kaniya sama kaniadto.

Ania ipadala ko kaninyo si Elias, ang propeta. Anus-a pa moabot ang adlaw sa Ginoo, ang dako ug makalilisang nga adlaw, aron pagkabig sa mga kasing- kasing sa mga amahan ngadto sa ilang mga anak, ug sa kasingkasing sa mga anak ngadto sa mga ginikanan. Tingali unya moabot ako ug mohampak og kamatayon sa yuta.

ANG PULONG SA GINOO.

SALMO RESPONSORYO

Ps. 25:4-5, 8-9, 10, 14

R. Ihangad ang inyong mga ulo ug tan-aw kay ang inyong kaluwasan haduol na.

Ipakita kanako, O Ginoo, ang imong mga paagi ug tudloi ako sa imong mga agianan.

Agaka ako diha sa imong kamatuoran ug tudloi ako, kay ikaw ang Dios nga akong manluluwas.

R. Ihangad ang inyong mga ulo ug tan-aw; kay ang inyong kaluwasan haduol na.

Maayo ug matarong ang Ginoo; sa ingon niini nagapakita siya ngadto sa makasasala sa agianan.

Nagatultol siya sa mapaubsanon ngadto sa katarong. nagatudlo siya sa mapaubsanon sa iyang agianan.

R. Ihangad ang inyong mga ulo ug tan-aw; kay ang inyong kaluwasan haduol na.

Ang tanang mga dalan sa Ginoo maayo ug makanunayon, alang kanila nga nagabantay sa iyang kasabutan ug sa iyang kasugoan.

Makighigala ang Ginoo kanila nga mahadlokon kaniya, ug ang iyang kasabutan, aron pagtudlo kanila.

R. Ihangad ang inyong mga ulo ug tan-aw; kay ang inyong kaluwasan haduol na.

EBANGHELYO

Lk. 1: 57-66

Kinutlo gikan sa Ebang- helyo sumala ni Lucas

Ug miabot ang panahon pagpanganak ni Isabel; ug nanganak siya og bata nga lalaki. Nakadungog ang iyang mga silingan ug mga kaba- nayan nga nagpakita ang Ginoo sa iyang dako nga kaluoy ngadto kaniya, ug miduyog sila sa iyang kalipay.

Ug sa ikawalo ka adlaw miabot sila aron pagtuli sa bata. Ug paganganlan unta nila siya sa ngalan sa iyang amahan nga si Zacarias, apan mitubag ang iyang inahan sa pag- ingon, "Ayaw, hinunoa paganganlan siya og Juan Miingon sila kaniya, "Wala kay kabanay nga gitawag niining ngalana!" Ug gisinyasan nila ang iyang amahan kon unsay iyang buot nga ingalan kaniya.

Unya nangayo siya og masulatan, ug misulat siya, "Juan ang iyang ngalan." Ug nahibulong silang tanan. Dihadiha nabuka ang iyang ba-ba ug nakalitok siya pag-usab ug misulti siya nga nagdayeg sa Dios.

Ug nahitabo nga adunay kahadlok diha sa tanan nilang mga silingan, ug sa tibuok kabungtoran sa Judea gihisgothisgotan kining tanan nga mga panghitabo. Kini gikulit sa panumdoman niadtong tanan nga nakadungog, ug sila miingon, "Maunsa man kaha kining bataa?" Kay ang kamot sa Ginoo diha man uban kaniya.

Ang Ebanghelyo sa Ginoo.

KATILINGBANONG PAG-AMPO

DISYEMBRE 23, 2023

Pari: Gihinganlan ni Zacarias ang iyang anak nga Juan nga sa ato pa, "Ang Dios mabination." Uban sa pagsalig sa Diosnong kaluoy ug pagkamanggihatagon, mag-ampo kita sa pag- ingon:

GINOO, PATALINGHUGI KAMI.

1. Nga ang atong Santo Papa, Francisco, Obispo Romulo ug ubang mga Obispo, mga Kaparian, ug ang tanang mga gikonsagrahan, proteksyonan ug panalanginan unta sa Dios aron mapuno sa gugma ang ilang mga paningkamot alang sa kahimayaan sa Iyang Ngalan. Mag-ampo kita sa Ginoo.

2. Nga ang mga pangulo sa panggamhanan, sa kanunay, pinaagi sa lamdag sa Espiritu Santo, mapaambit nila si Cristo ngadto sa katawhan nga ilang giserbisyohan ug sa ingon, mahimuot ang Dios kanila. Mag- ampo kita sa Ginoo.

3. Nga ang tanang mga binunyagan, mamahimong mapasalamaton sa Dios sa Cristohanong pangalan ug dignidad ug puy-an ang mga saad sa atong bunyag. Mag-ampo kita sa Ginoo.

4. Nga ang mga masakiton, tigulang ug himalatyon, makadawat na sa kahupayan ug kalipay gikan sa mga pag-ampo ug pagdasig sa ilang pamilya ug higala. Mag-ampo kita sa Ginoo.

5. Nga ang mga kasingkasing nga nagadayeg sa Dios ilabina nila, magpuyo sa gugma ug kalipay diha ni Cristo sa matag adlaw. Mag-ampo kita sa Ginoo.

6. Nga ang mga kalag sa mga mipanaw na ilabina sila makasulod na sa balay sa atong langitnong Amahan. Mag-ampo kita sa Ginoo.

Pari: Ginoong Dios, ang kinabuhi ni Juan nga Magbubunyag magdasig kanamo sa labi pang pagkabalaan. Pun-a kami sa Espiritu ingon nga gibuhat namo ang pag-alagad sa imong katawhan. Kini among gipangyo sa ngalan ni Jesucristo, among Ginoo. Amen.