IKAUPAT NGA ADLAW SA MISA DE GALLO

IKAUPAT NGA ADLAW SA MISA DE GALLO

Disyembre 19

PASIUNA

Maayong buntag mga igsuon diha ni Cristo.

Karon martes sa Ikatulong Semana sa Adbiyento ug Ikaupat nga adlaw sa Misa de Gallo.

Ang unang pagbasa gikuha gikan sa Basahon sa mga Maghuhukom. Kini nagsaysay mahitungod sa pagpadayag sa Dios pinaagi sa usa ka anghel ngadto sa usa ka babaye nga wala pa manganak ug misugilon nga siya magmapdos ug manganak og usa ka lalaki.

Ang ebanghelyo nga gikuha sa Balaan nga Ebanghelyo sumala ni San Lucas nagsaysay mahitungod sa pagpahibalo ni Arkanghel Gabriel ngadto sa usa ka pari nga ginganla'g Zacarias nga magmapdos ang iyang asawa og usa ka batang lalaki.

Salmo Responsoryo:

Pun-a ako sa imong pagdayeg ug awitan ko ang imong himaya.

Katilingbanong Pag-ampo:

Ginoo, dungga kami.

BASAHON I

Jgs. 13:2-7, 24-25

KINUTLO GIKAN SA BASAHON SA MGA MAGHUHUKOM

Unya dihay usa ka tawo nga ginganlag Manoa; taga lungsod siya sa Zora, ug sakop sa banay ni Dan. Wala gayod manganak ang asawa niya. Mipakita sa babaye ang angel sa GINOO ug miingon, "Wala ka manganak, apan karon mag- mabdos ka ug manganak og lalaki. Ayaw gayod pag-inom ug bisan unsang bino o ilimnong makahubog, o pagkaon sa bisan unsang kalan-on nga gidili, tungod kay magmabdos ka ug manganak og lalaki. Ayaw gayod patupihi ang iyang buhok kay sukad gayod sa iyang pagkatawo ihalad siya ngadto sa Dios ingon nga Nasareo. Siya maoy moluwas sa Israel gikan sa mga Filistihanon." 

Unya milakaw ang babaye ug giingnan ang iyang bana, "May tawo sa Dios nga miduol kanako ug makahadlok ang iyang panagway sama sa anghel sa Dios. Wala ako mangutana kon diin siya gikan ug wala usab siya motug-an kanako sa iyang ngalan. Apan gisultihan ako niya nga magmabdos ako ug manganak og lalaki. Giingnan ako niya nga dili ako mag-inom ug bisan unsang bino o ilimnong makahubog, ni magkaon ug bisan unsang kalan-ong ginadili, tungod kay ang bata ihalad ngadto sa Dios ingon nga Nasareo sa tibuok niyang kinabuhi."

Ang babaye nanganak og lalaki ug ginganlan niyag Samson. Ang bata mitubo, ug ang GINOO nagpanalangin kaniya. Ug ang espiritu sa GINOO misugod paggahom kaniya samtang didto siya sa Kampo sa Dan tungatunga sa Zora ug Estaol.

ANG PULONG SA GINOO.

SALMO RESPONSORYO

Ps. 71:3-4, 5-6, 16-17

R. Pun-a ako sa imong pagdayeg ug awitan ko ang imong himaya.

Pagpakahimong akong bato nga dalangpanan, usa ka kota nga maghatag kanako og kasiguroan.

Kay ikaw man ang akong bato ug akong kota, O Dios ko, luwasa ako sa kamut sa dautan.

R. Pun-a ako sa imong pagdayeg ug awitan ko ang imong himaya.

Kay ikaw ang akong gilauman, O Ginoo; ang akong gisaligan, O Dios, sukad sa akong kabatan-on.

Diha kanimo nagasalig ako sukad sa pagkatawo; gikan sa tiyan sa akong inahan ikaw ang akong kusog.

R. Pun-a ako sa imong pagdayeg ug awitan ko ang imong himaya.

Maghisgot ako sa gamhanang mga buhat sa Ginoo; O Dios, magsugilon ako sa imong ulusahong katarong.

O Dios, gitudloan mo ako sukad sa akong kabatan-on ug hangtod karon nagasangyaw ako sa imong katingalahang mga buhat.

R. Pun-a ako sa imong pagdayeg ug awitan ko ang imong himaya.

ANG PULONG SA GINOO.

EBANGHELYO

Lk. 1:5-25

Kinutlo gikan sa Ebanghelyo sumala ni Lucas

Sa kapanahonan ni Herodes, hari sa Judea, adunay pari nga ginganlan og Zacarias nga gikan sa laray ni Aoias; ug aduna siyay asawa nga kaliwat ni Aaron ug ang iyang ngalan Isabel. Ug silang duha matarong atu- bangan sa Dios; nagkinabuhi nga walay ikasa- way subay sa tanan nga balaod ug kasugoan sa Ginoo. Apan wala silay anak tungod kay si Isabel dili makapanganak ug silang duha tigulang na man.

Ug unya nahitabo nga samtang nagatuman siya sa iyang katungdanan sa pagkapari atubangan sa Dios, sa gitakdang pana- hon sa turno sa iyang laray, sumala sa naandan sa katungdanan sa pagkapari, siya maoy natung- nan pinaagi sa ripa, sa pagsulod sa templo sa Ginoo aron pagsunog og insenso. Ug ang tibuok panon sa katawhan nanag- ampo didto sa gawas sa takna sa pag-insenso. Ug unya nagpakita kaniya ang anghel sa Ginoo nga nagbarog sa tuo nga kiliran sa altar sa insenso. Ug wala mahimutang si Zacarias sa dihang nakit-an niya kini ug ang kahadlok miabot kaniya.

Apan ang anghel miingon kaniya, "Ayaw na kahadlok, og Zacarias, tungod kay gidungog ang imong pangaliya ug ang imong asawa nga si Isabel manganak og batang lalaki alang kanimo. Ug pagahinganlan mo siya og Juan. Ug makabaton ka og kalipay ug pagmaya, ug daghan ang magsadya gumikan sa iyang pagka- himugso; kay siya mama- himo nga halangdon atu- bangan sa Ginoo ug dili gayod siya moinom og bino ug maisog nga ilim- non, ug mapuno siya sa Espiritu Santo diha pa sa sabakan sa iyang inahan. Ug daghan sa mga anak sa Israel ang iyang pabalikon ngadto sa Ginoo nga ilang Dios. Ug siya mag-una kaniya diha sa espiritu ug gahom ni Elias aron ibalik ang mga kasingkasing sa mga amahan ngadto sa mga anak, ug ang mga masupilon ibalik ngadto sa kinaadman sa mga matarong; aron andamon niya alang sa Ginoo ang usa ka inandam nga katawhan."

Ug miingon si Zacarias ngadto sa anghel, "Apan unsaon ko man pagka- hibalo niini? Kay tigulang na ako ug ang akong asawa taas sa usab og panuigon." Ug mitubag ang anghel kaniya, "Ako si Gabriel nga nagatindog atubangan sa Ginoo ug gipadala ako aron sa pagsulti kanimo ug sa paghatod kanimo niining maayong balita. Ug tan- awa, maamang ka ug dili ka na makasulti hangtod sa adlaw nga mahitabo kining tanan, tungod kay wala ka man mosalig sa akong mga pulong, nga matuman sa ilang tukma nga takna."

Ug ang katawhan naghulat kang Zacarias ug nihi. bulong sila sa iyang pag kalangan didto sa sulod sa templo. Ug sa paggawas niya, dili na siya maka- sulti ngadto kanila ug nasabtan nila nga naka- kita siya og panan-awon didto sa templo. Ug siya nagpunay na lang og sinyas ngadto kanila ug nagpabilin siya nga amang.

Ug sa dihang nahuman na ang mga adlaw sa iyang parianong katungdanan, mipauli siya ngadto sa iyang balay. Human niining mga adlawa, nanamkon ang iyang asawa nga si Isabel ug gitagoan niya ang iyang kaugalingon sulod sa lima ka bulan. Ug siya miingon, "Sa ingon nga paagi naghimo ang Ginoo ngari kanako kining mga adlawa diin nanumbaling siya aron pagkuha sa akong kaulaw atubangan sa mga tawo."

Ang Ebanghelyo sa Ginoo.

KATILINGBANONG PAG-AMPO

DISYEMBRE 19, 2023

Pari: Puno sa pagsalig ug pagtuo niining ikaupat nga adlaw sa pagtukaw, modangop kita sa grasya ug kaayo. Sa matag pag- ampo, kita moingon:

MATUMAN ANG IMONG PAGBUOT, GINOO.

1. Nga ang mga namunoan sa Simbahan ilabina ang atong Santo Papa, Obispo, kaparian ug mga diyakono, ablihan unta sa Dios ang ilang mga kasingkasing aron mamahimong maayong instrumento sa gugma, kaluoy ug grasya sa Ginoo. Mag-ampo kita sa Ginoo.

2. Nga ang mga namunoan sa panggamhanan, mamahimong lig-on diha sa ilang pagpangalagad aron mabatukan ang mga haylo ug katalagman nga niasdang sa kalibutan. Mag-ampo kita sa Ginoo.

3. Nga ang mga managtiayon nga nangandoy sa grasya sa Dios, mamahimong malipayon ug matuohon diha sa ilang pag-paabot ug madawat nila ang maong gasya sumala sa kabubut-on sa Mahigugmaong Amahan. Mag-ampo kita sa Ginoo.

4. Nga ang mga biktima sa inhustisya ug pang-abuso ilabina ang mga magtutuo sa Marawi, malig-on pinaagi sa grasya sa Dios nga Iyang gipadayag ngadto sa mga mitabang kanila. Mag-ampo kita sa Ginoo.

5. Nga ang tanang mga nagmasakiton, tigulang ug himalatyon, lig-onon sa Dios ug panalanginan. Mag-ampo kita sa Ginoo.

6. Nga ang mga kasingkasing nga nagadayeg sa Ginoo ilabina nila makadawat og kasingkasing nga malumo. Mag-ampo kita sa Ginoo.

7. Nga ang tanang mga nangamatay ilabina sila mapasaylo na unta ang ilang kalapasan nga ilang nahimo dinhi sa kalibutan ug makadayon na sa ginharian sa Ginoo. Mag-ampo kita sa Ginoo.

Pari: Langitnon namong Amahan, ikaw ang tuburan sa tanang butang. Among isalig nganha kanimo ang tanan namong mga pangamuyo pinaagi ni Cristo nga among Ginoo. Amen.