Ikakawhaag-usa nga Domingo Sulod sa Tuig

Ikakawhaag-usa nga Domingo Sulod sa Tuig

PASIUNA

Agusto 27, 2021

Maayong buntag/hapon mga igsoon ko diha ni Cristo Ania na kita sa ikakawhaan ug usa nga Dominggo sa Ordinaryong Panahon

Ang Unang Pagbasa gikuha gikan sa Basahon ni Propeta Isaias. Dinhi atong madungog ang Ginoo nga nag-ingon, "Ibutang ko siya sa usa ka lig-on nga dapit daw usa ka ugsok, ug mahimo siyang garbo sa iyang banay. " 

Ang Ikaduhang Pagbasa gikuha gikan sa Sulat ni San Pablo ngadto sa taga-Roma. Dinhi atong madungog ang maanindot nga himno sa pagdayeg ni San Pablo ngadto sa Ginoo.

Ang Ebanghelyo gikuha gikan sa Santos nga Ebanghelyo sumala ni San Mateo. Dinhi atong madungog ang iyang pagsaysay mahitungod sa pagpadayag sa Ginoo ngadto kang Pedro.

Palihug manindug alang sa pag sugod sa Santos nga Eyukaristiya.

BASAHON I

Is. 22:15, 19-23

KINUTLO GIKAN SA BASAHON NI PROPETA ISAIAS

Mao kini ang giingon sa GINOO nga Labing Gamhanan, "Adtoa kining tinugyanan nga atua sa Sebna, nga maoy nagdumala sa palasyo sa hari ug ingna siya: 'Palagputon ko ikaw sa imong katungdanan, ug gikan sa imong nahi- mutangan.""

"Niadtong adlawa paanhion ko ang akong sulugoon nga si Eliakim anak ni Hilkias, ug sul-oban ko siya sa imong bisti, ug baksan ko siya sa imong bakos, ug itugyan ko kaniya ang imong gahom; ug mahimo siyang pangulo sa mga molupyo sa Jerusalem ug sa Juda. Ug isangon ko sa iyang abaga ang katungod sa pag-abli sa balay ni David; siyay moabli niini ug walay makasira; mosira siya niini ug walay makaabli. Ibutang ko siya sa usa ka lig-on nga dapit daw usa ka ugsok, ug mahimo siyang garbo sa iyang banay."

ANG PULONG SA GINOO.

SALMO RESPONSORYO

Ps. 138:1-2, 2-3, 6, 8

R. Ginoo, ang imong gugma walay katapusan; ayaw pagbiyai ang buhat sa imong mga kamut.

Pasalamatan ko ikaw, O Ginoo, sa tibuok kong kasingkasing, (kay imong gidungog ang mga pulong sa akong baba); sa atubangan sa mga anghel awiton ko ang imong kadayganan; Nagasimba ako didto sa imong balaan nga templo.

R. Ginoo, ang imong gugma walay katapusan; ayaw pagbiyai ang buhat sa imong mga kamut.

Pasalamatan ko ang imong ngalan, tungod sa imong kaluoy ug imong kamatuoran:

Sa akong pagsangpit, gipatalinhogan mo ako; imo akong gilig-on sulod sa akong kaugalingon.

R. Ginoo, ang imong gugma walay katapusan; ayaw pagbiyai ang buhat sa imong mga kamut.

Ang Ginoo hataas, apan nagatan-aw siya sa mapaubsanon, ug nakaila siya sa mapahitas-on gikan sa halayo.

Ang imong kaayo, O Ginoo, nagalungtad sa kahangturan; ayaw pagbiyai ang buhat sa imong mga kamut.

R. Ginoo, ang imong gugma walay katapusan; ayaw pagbiyai ang buhat sa imong mga kamut.

BASAHON II

Rom. 11: 33-36

KINUTLO GIKAN SA SULAT NI SAN PABLO NGADTO SA TAGA-ROMA

Mga igsuon: Pagkabahandianon gayod sa Dios ug pagkatulugkaron sa iyang kaalam ug kahibalo! Kinsay makasaysay sa iyang hukom? Kinsay makasabot sa iyang mga paagi? Sumala sa giingon sa Kasulatan:

"Kinsay nasayod sa hunahuna sa Ginoo?

Kinsay makatambag kaniya?

Kinsay nakahatag kaniyag bisan unsa, aron iyang baslan?"

Kay siyay nagbuhat sa tanang butang, ug nahimong mao karon ang tanang butang pinaagi kaniya ug alang kaniya. Iya sa Dios ang himaya sa walay kata- pusan! Amen.

ANG PULONG SA GINOO.

EBANGHELYO

Mt. 16:13-20

Kinutlo gikan sa Balaan nga Ebanghelyo sumala ni Mateo

Ug sa pag-abòt ni Jesus sa distrito sa Cesarea Filipos, nangutana siya sa iyang mga tinun-an, "Kinsa man kuno, ingon sa mga tawo, ang Anak sa Tawo?"

Sila mitubag, "Ang uban nag-ingon nga si Juan nga Magbubunyag; ang uban, si Elias; ug ang uban pa gayod, si Jeremias o usà sa mga propeta."

Miingon siya kanila, "Apan kamo, unsa may inyong ikasulti kon kinsa ako?” 

Mitubag si Simon Pedro ug miingon,

"Ikaw mao ang Mesiyas, ang Anak sa Dios nga buhi."

Ug mitubag si Jesus ug miingon kaniya, "Bulahan ka Simon, anak ni Jonás, kay dili tawo ang nagpadayag niini kanimo "Bulahan ka Simon, anak ni Jonás, kay dili tawo ang nagpadayag niini kanimo Ug ako nagaingon kanimo, Ikaw si 'Pedro', ug sa ibabaw niining batò, tukoron ko ang akong simbahan ug ang gahom sa kamatayon dili makabuntog kaniya. Ihatag ko kanimo ang mga yawe sa gingharian sa langit: ang imong idili dinhi sa yuta, idili usab didto sa langit; ug ang imong itugot dinhi sa yuta, itugot usab didto sa langit."

Unya iyang gipinahan ang mga tinun-an nga dili manugilon kang bisan kinsa nga siya mao ang Mesiyas.

Ang Ebanghelyo sa Ginoo.

Pangaliya Katilingban

Agusto 27, 2023

Pari: Mga isuon, ato karong ihalad ang atong mga pag-ampo sa atong Makagagahum nga Dios diin ang iyang walay puas nga kaayo ug kaluoy kanunay niyang gibubo kanato. Sa matag pag- ampo, kita moingon:

GINOO, DUNGGA ANG IMONG KATAWHAN

1. Imong gitawag si Pedro aron sa pagpanagat og mga tawo, Itugot nga ang mga ministro sa Simbahan labina si Papa Francisco, mga Obispo, mga Pari ug mga relihiyoso ug mga diyakono, magsabwag

kanunay sa Maayong Balita sa tanang katawhan. Mag-ampo kita.

2. Imong gipakita kang Tomas ang marka sa samad sa imong mga kamot aron siya motuo. Hatagi og hingpit nga pagtuo ang imong katawhan ilabina ang mga namunoan sa panggamhanan aron ang ilang pag-alagad mamahimong magmabungahon ug mabulukon. Mag-ampo kita.

3. Imong gipabati kanunay ang imong dakung gugma sa tanan namong mga kaigsuonan nga nag-antos sa kalisod sa kinabuhi, ibubo kanila ang grasya pinaagi sa mga tawo nga gihimo nimong instrumento. Mag-ampo kita.

4. Imong gitawag ang imong katawhan aron pagsimba kanimo ug

pagsangyaw sa imong Maayong Balita, sa kanunay dasiga ug panalangini ang among mga igsuon nga midayeg ug mipasalamat kanimo ilabina nila. Mag-ampo kita.

5. Imong gitagna ang yawe sa imong Gingharian diha sa imong balaang katawhan. Ablihi ang pultahan sa imong Gingharian alang sa among mga kaigsuonan nga milahi na niining kalibutan ngadto sa kalipayng dayon ilabina sila. Mag-ampo kita.

6. Sa kahilom atong ihalad sa Ginoo ang atong kaugalingong katuyoan.

Pari: Amahan namong langitnon, masaligon kami nga sa kanunay dili nimo ihikaw kanamo ang imong kaluoy ug grasya alang sa nanginahanglan nimong katawhan. Kini among gipangayo pinaagi ni Cristo among Ginoo. Amen.

Announcement

August 24, 2023

1. Seminarian RITZCHILD JOHN SABERON CARIAGA of San Pablo Parish at Juna Subdivision, Matina is to be ordained deacon on September 8 (Friday) this year, at nine o'clock in the morning at San Pedro Cathedral. Those who have objections to his ordination to the diaconate are requested to inform the Archbishop of Davao, in writing, stating the factual bases for the objections, with name and contact details of the sender. Prayers for Seminarian Ritzchild John are very much appreciated. Thank you very much.

2. This coming September 8, 2023 is the birthday celebration of our dear Mother, Mama Mary. Our activity will start at 4:00 o'clock in the morning-procession followed by a Mañanita to Mama Mary at 4:30am and a Holy mass at 5:00 o'clock in the morning, the second mass will be at 5:00 o'clock in the afternoon. There will be no 6:00 o'clock in the morning mass on that day only.

Thank you very much.