Ikanapulog-lima nga Domingo Sulod sa Tuig

IKANAPULOG LIMA NGA DOMINGO SA ORDINARYONG PANAHON

PASIUNA

Hulyo 16, 2023

Maayong buntag/hapon mga igsuon diha ni Cristo.

Ania na kita sa ikanapulo ug lima nga Domingo sa Ordinaryong Panahon.

Ang Unang Pagbasa gikuha gikan sa Basahon ni Propeta Isaias. Kini nagsaysay nga ang Pulong sa Ginoo gamhanan ug malumo.

Ang Ikaduhang Pagbasa gikuha gikan sa Sulat ni San Pablo ngadto sa taga-Roma. Si San Pablo nagkanayon, "niining panahon dili gayod ikatandi sa himaya nga ipadayag unya kanato."

Ang Ebanghelyo gikuha gikan sa Balaan nga Ebanghelyo sumala ni San Mateo. Kini naghisgot mahitungod sa sambingay sa binhi.

Palihug manindog alang sa pagsugod sa Santos nga Eyukaristiya.

BASAHON I

Is. 55: 10-11

KINUTLO GIKAN SA BASAHON NI PROPETA ISAIAS

Kay ingon nga ang ulan ug ang yelo mangahulog gikan sa langit ug dili na mobalik didto, kondili mopatubig hinoon sa yuta aron manurok ang mga tanom niini, ug kahatagag binhi ang magpupugas ug pagkaon ang mga tawo. Ang akong mga pulong usab dili mobalik kanako nga kawang lamang; hinonoa, tumanon niini ang akong tuyo ug molampos gayod kini."

ANG PULONG SA DIOS.

SALMO RESPONSORYO

Ps. 65: 10, 11, 12-13, 14

R. Ang binhi nga nahulog sa maayong yuta mohatag og mabungahong ani.

Giduaw nimo ang yuta ug imo kining gibubuan; imo kining giabunohan pag-ayo. Napuno ang mga katubigan sa Dios; ug imong giandam ang binhi.

R. Ang binhi nga nahulog sa maayong yuta mohatag og mabungahong ani. Ingon niini ang imong pag-andam sa yuta: gibubuan mo ang iyang mga tudling, gidugmok mo ang iyang mga bugon, Gihumok mo kini sa makusog nga ulan, gipanalanginan mo ang iyang abot.

R. Ang binhi nga nahulog sa maayong yuta mohatag og mabungahong ani.

Gipurongpurongan mo ang tuig sa no imong manggihatagong kaayo, ug ang imong mga dalan nagasugwak sa abunda nga ani; Ang wala matikad nga kaumahan nagasugwak niini, ug ang kalipay nagatugob sa kabungtoran.

R. Ang binhi nga nahulog sa maayong yuta mohatag og mabungahong ani.

Ang kaumahan napuno sa panon sa kahayopan ug ang mga lugot gihabolan sa mga tanom.

Nagasinggit sila ug nag-awit sa kalipay.

R. Ang binhi nga nahulog sa maayong yuta mohatag og mabungahong ani.

BASAHON II

Rom. 8: 18-23

KINUTLO GIKAN SA SULAT NI SAN PABLO NGADTO SA TAGA-ROMA

Giisip ko nga ang atong mga pag- antos niining panahona dili gayod ikatandi sa himaya nga ipadayag unya kanato. Ang tanang binuhat mahinang- pon nga nagpaabot nga ipadayag sa Dios ang iyang mga anak. Kay gihukmang walay kapuslanan ang tanang binuhat, dili tungod sa kaugalingong pagbuot niini, kondili tungod sa pagbuot sa Dios. Apan bisan pa niini, nagpabilin ang paglaum nga moabot gayod ang panahon nga luwason ang tanang binuhat gikan sa kaulipnan sa pagkamadunoton, ug makaambit kini sa mahimayaong kaga- wasan sa mga anak sa Dios. Nasayod kita nga hangtod karon ang tanang binuhat nag-agulo tungod sa kasakit ingon sa babaye nga nagbati. Apan dili kay ang mga butang ray nag-agulo, kondili lakip kita nga nagbaton na sa Espiritu ingon nga unang gasa sa Dios, samtang nagpaabot kita kon kanus-a sagupa nga mga anak sa Dios ug kanus-a luwasa sa hingpit.

ANG PULONG SA GINOO.

ANG EBANGHELYO

TINAAS

Mt. 13:1-23

Kinutlo gikan sa Balaan nga Ebanghelyo sumala ni Mateo

Niadtong adlawa, migula si Jesus sa balay ug milingkod daplin sa dagat. Ug midugok ngadto kaniya ang daghang panon sa katawhan, busa misakay siya sa sakayan ug milingkod; ug ang tibuok panon sa katawhan nagtindog didto sa baybayon.

Ug nagsulti siya kanilag daghang butang pinaagi sa mga sambingay nga nagkanayon,

"Tan-awa, usa ka magpupugas migawas aron pagpugas.

Ug sa iyang pagsabod sa binhi, adunay pipila nga nahulog sa daplin sa dalan, ug miabòt ang mga langgam ug mituka niini. Ang uban nahulog ibabaw sa kabatohan diin walay bagâ nga yuta; ug miturok dayon kay walâ may lawom nga yuta. Sa pagsubang sa adlaw, nangalawos kini, ug kay walâ may gamot, nalaya. Ug ang ubang mga binhi nahulog ibabaw sa mga sampinit; ug nanubo ang mga sampinit ug gipangtuok kini.

Apan ang ubang mga binhi nahulog ibabaw sa maayong yuta ug nanguhay; ang uban taggatos, ang ubàn tagkan-uman, ug ang ubàn tagkatloan.

Ang adunay dalunggan, papamatia."

Ug midúol kang Jesus ang mga tinun-an ug miingon kaniya, "Nganong nakigsulti ka man kanila pinaagi sa mga sambingay?"

Mitubag siya ug miingon kanila,

"Kaninyo gihatag ang pagsabòt sa mga misteryo sa gingharian sa langit, apan kanila walâ kini ihatag.

Kay ang aduna nay iya, hatagan og labaw apan ang walay iya, pa gayod;

bisan ang anaa kaniya kuhaon pa gayod gikan kaniya.

Kini ang hinungdan nga nagsulti akò kanila pinaagi og mga sambingay, 'tungod kay nagtan-aw sila apan dili makakita, ug namati sila apan dili makadungog ni makasabòt.

Ug natuman gayod diha kanila ang panagna ni Isaias nga nag-ingon:

'Mamati túod kamo apan dili makasabòt, ug motan-aw túod kamo apan dili kamo makakita.

Kay mitig-a ang kasingkasing niining maong katawhan ug naglisod og pamati ang ilang mga dalunggan ug gipiyong nila ang ilang mga mata, kay basin unya og makakita sila pinaagi sa ilang mga mata ug makadungog pinaagi sa ilang mga dalunggan ug makasabot pinaagi sa ilang kasingkasing ug mamalik ug ayohon ko sila.

"Apan bulahan ang inyong mga mata kay makakita kini ug ang inyong mga dalunggan kay makadungog.

Kay sa pagkatinuod sultihan ko kamo nga daghang mga propeta ug mga matarong nga tawo nangandoy nga makakita sa inyong nakita apan walâ makakita, ug nga mamati sa inyong nadungog apan walâ makabatî.

"Ang gipugas ibabaw sa kabatohan mao kadtong nakadungog sa pulong ug dihadiha dayon malipayon nga midawat niini apan walâ kiniy gamot sa iyang kaugalingon ug dili makalahutay; sa pag-abòt sa kalisdanan o paglutos tungod sa pulong, matay-og dayon.

"Ang napugas ngadto sa mga sampinit mao kiniy namati sa pulong apan ang kabalaka sa kalibotan ug ang pagpanghaylo sa bahandi mituok sa pulong ug walâ kini magmabungahon.

"Apan ang binhi nga napugas sa tabunok nga yuta mao kadtong namati sa pulong ug nakasabòt niini; kini namunga gayod; ug adunay namunga og taggatos, tagkan-uman, ug tagkatloan."

Ang Ebanghelyo sa Ginoo.

PANGALIYA SA KATILINGBAN 

Hulyo 16, 2023

Pari: Sa kanunay ang Dios nagsabwag sa iyang grasya ug panalangin. Pangayoon ta kaniya nga ablihan ang atong mga kasingkasing. Puno sa pagsalig, kita moingon:

GINOO, DUNGGA KAMI.

1. Alang sa nagdumala sa Simbahan; Santo Papa Francisco, mga Obispo, Kaparian ug mga Relihiyoso, mamahimo unta silang inspirasyon sa pagsalig ug mamahimong dayag sa matag adlaw nga pagkinabuhi ang Pulong sa Ginoo. Mag-ampo kita.

2. Alang sa tanang pangulo sa kanasuran ilabina ang nasud Pilipinas, ang Pulong sa Dios mamahimong gabayan sa ilang pagdumala. Mag-ampo kita.

3. Alang niining tuig sa Sinodo nga ang mga Gagmayng Kristohanong

Katilingban mamahimong larawan sa tabunok nga yuta diin ang Pulong

sa Dios mabungahon nga gipuy-an. Mag-ampo kita.

4. Alang sa tanang mga nag-antus sa sakit ug kapit-os sa kinabuhi, mga gikapuyan, mga tigulang ug mga himalatyon, nga pinaagi sa Pulong sa Dios, makaangkon sila og kahupayan, kusog ug kalig-on. Mag-ampo kita.

5. Alang sa mga naghalad sa ilang pagdayeg ug pasalamat sa Ginoo ilabina sila maabli ang ilang mga kasingkasing sa Pulong sa Ginoo ug mamahimong dayag diha sa ilang pulong ug buhat. Mag- ampo kita.

6. Alang sa mga magtutuong mipanaw na nga nakadungog sa Pulong sa Dios, ilabina nila ibayaw na unta diha sa Altar sa pagkasantos ug makaambit sa himaya sa nabanhawng Ginoo. Mag-ampo kita.

Pari: Langitnong Amahan, itugot nga ang imong mga pulong moturok ug mamunga dinhi kanamo. Kini among gipangayo pinaagi ni Cristo imong Anak. Amen.