DEC. 31 & JAN. 1

SOLEMNIDAD NI MARIA, INAHAN SA DIOS

PASIUNA

12/01/22 & 01/01/23

Maayong buntag mga igsoon diha ni Cristo!

Karong adlawa gisaulog sa tibuok Simbahan ang Pangilin ni Santa Maria, Inahan sa Dios. Karong adlawa usab atong gisaulog ang World Day of Prayer for Peace

Ang unang pagbasa gikuha gikan sa Basahon sa Numeros. Ang Ginoo miingon, "Kon ilang ibungat ang akong ngalan agig panalangin alang sa katawhan sa Israel, panalanginan ko sila.

Ang ikaduhang pagbasa gikuha gikan sa Sulat ni San Pablo ngadto sa taga-Galacia. Ang Anak sa Dios gipadala ingon nga anak sa tawhanong inahan.

Ang ebanghelyo gikuha gikan sa Ebanghelyo sumala ni San Lucas. Si Maria, sa iyang bahin, mitipig niining tanan nga mga panghitabo ug iyang gipamalandungan kini diha sa iyang kasingkasing."

Palihug manindog alang sa pagsugod sa Santos nga Eyukaristiya

BASAHON I

Nm. 6:22-27

KINUTLO GIKAN SA BASAHON SA NUMEROS

Ang GINOO miingon kang Moises, "Ingna si Aaron ug ang iyang mga anak nga ingnon ninyo niini pagpanalangin ang mga Israelita:"

"Panalanginan ug bantayan unta kamo sa GINOO!"

"Magmaluluy-on ug magmahina- tagon unta siya kaninyo!"

"Kahimut-an unta kamo sa GINOO ug hatagan kamog kalinaw!"

Ug miingon ang GINOO, "Kon ilang ibungat ang akong ngalan agig pa- nalangin alang sa katawhan sa Israel, panalanginan ko sila."

ANG PULONG SA GINOO.

SALMO RESPONSORYO

Ps. 67:2-3, 5, 6, 8

R. Bendisyonan unta kita sa Dios diha sa iyang kaluoy.

Kaloy-an unta kita sa Dios ug bendisyonan kita; ipadan-ag unta kanato ang iyang nawong.

Mahibaw-an unta ang iyang dalan dinhi sa yuta; ug diha sa tanang mga nasod, ang imong kaluwasan.

R. Bendisyonan unta kita sa Dios diha sa iyang kaluoy.

Maglipay unta ang mga nasod ug magsadya kay nagamando ka sa kanasuran diha sa katarong; imong agakon ang mga nasod dinhi sa yuta.

R. Bendisyonan unta kita sa Dios diha sa iyang kaluoy.

Daygon unta ikaw sa katawhan, O Dios; ang tanang kalungsoran magdayeg unta kanimo! 

Bendisyonan unta kita sa Dios, ug sa tanang kautlanan sa yuta mahadlok unta kaniya! 

R. Bendisyonan unta kita sa Dios diha sa iyang kaluoy.

BASAHON II

Gal. 4:4-7

KINUTLO GIKAN SA SULAT NI SAN PABLO NGADTO SA TAGA-GALACIA

Apan pag-abot sa hustong panahon, gipadala sa Dios ang iyang Anak. Mianhi siya ingon nga anak sa tawhanong inahan, ug nagpuyo sa ilalom sa Balaod, aron pagluwas niadtong nailalom sa Balaod ug aron mahimo kitang mga anak sa Dios.

Aron pagpaila nga kamo iyang mga anak, gipadala sa Dios ang Espiritu sa iyang Anak nganhi sa atong kasing- kasing, ang Espiritu nga nagtuwaw, "Amahan ko!" Busa dili na kamo ulipon kondili anak na. Ug tungod kay kamo iyang anak, ang Dios maghatag kaninyo sa tanan nga anaa kaniya.

ANG PULONG SA GINOO.

EBANGHELYO

Lk 2:16-21

Kinutlo gikan sa Balaan nga Ebanghelyo sumala ni Lucas

Midali dayon sila pag-adto, ug ilang nakaplagan si Maria ug si Jose, ug ang bata nga naghigda sa pasungan. Sa dihang nakit-an na nila kini, gisugilon nila ang panghitabo nga gipahibalo kanila mahitungod niining bataa. Ug ang tanan nga nakadungog niini nahibulong mahitungod sa mga gisugilon ngadto kanila sa mga magbalantay sa karnero.

Si Maria, sa iyang bahin, mitipig niining tanan nga mga panghitabo ug iyang gipamalandongan kini diha sa iyang kasingkasing. Ug namauli ang mga magbalantay sa karnero nga nagahimaya ug nagadayeg sa Dios sa tanan nga ilang nadungog ug nakita sumala sa gisugilon ngadto kanila.

Sa dihang miabòt na ang walo ka adlaw aron sa pagtuli kaniya, ginganlan siya og Jesus, ang ngalan nga gihatag sa anghel sa wala pa siya gipanamkon.

Ang Ebanghelyo sa Ginoo.

Katilingbanong Pag-ampo

12/31/22 & 01/01/23

Pari: Niining pagsaulog sa Pangilin ni Maria, Inahan sa Dios, ang atong kasingkasing napuno sa paglaum nga ang tanan natong gidamgo mahimong tinuod ug labi na gayud nga ang tanang katawhan ug mga banay makatagamtam sa matuod ug malahutayong kalinaw. Mangamuyo kita sa Ginoo alang niining talagsaong gasa. Sa matag pangamuyo, kita moingon:

GINOO SA KALINAW, PAMATI-A ANG AMONG PAG-AMPO.

1. Nga ang Santo Papa, Francisco, mga Obispo ug mga kaparian, uban sa mga anghel sa langit, magmaya diha sa ilang pagkamensahero sa kalinaw ngadto sa katawhan nga gipiyal ubos sa ilang pag-amoma. Mag-ampo kita sa Ginoo.

2. Nga ang pangulo sa mga nasud, makatagamtam og kalinaw diha sa ilang paglihok alang sa kaayohan sa tanan, ug mamahimo unta silang intrumento sa kalinaw ug kaangayan sa tanang katawhan. Mag-ampo kita sa Ginoo.

3. Nga ang mga banay sa kalibutan, ilabina ang mga anaa sa panagbingkil, panalanginan unta sila diha ilang pagtahud ug paghigugma sa usa'g-usa. Mag- ampo kita sa Ginoo.

4. Nga ang mga tigulang, nagmasakiton ug mga kabus, makabaton sa Espiritu sa Ginoo sulod sa ilang kasingkasing aron sa tanang panahon, mamahimong makasabwag sa kalinaw ngadto sa uban. Mag-ampo kita sa Ginoo.

5. Nga ang mga mapasalamaton ug nagadayeg sa Ginoo ilabina nila makabaton unta og kadasig ug kalipay diha sa ilang pagserbisyo sa mga nanginahanglan. Mag- ampo kita.

6. Nga ang mga magtutuo nga nangamatay ilabina sila makadawat na unta sila sa gitagana sa Dios nga kinabuhing dayon alang sa mga matarong. Mag- ampo kita Ginoo.

Pari: Ginoo among Dios, ikaw ang sinugdan ug katapusan sa tanan nga maanindot ug maayo. Himo-a nga alang kanamo, mahimo kining tuig sa grasya, kalinaw ug kalipay. Hiusaha ang among mga pamilya ug katilingban. Hingpita kon unsay imong nasugdan diha kanamo pinaagi ni Cristo among Ginoo. Amen.