31st Sunday in Ordinary Time

IKA-KATLOA'G USA NGA DOMINGO SA ORDINARYONG PANAHON

PASIUNA

OCTOBER 30, 2022

Maayong buntag /hapon mga igsoon diha ni Kristo.

Ania na kita sa Ikakatloan ug usa nga Domingo sulod sa tuig sa Ordinaryong Panahon.

Karon usab ang Prison Awareness Sunday.

Ang unang pagbasa gikan sa Basahon sa Kaalam ni Solomon. Siya miingon: "O Ginoo, ang imong espiritu nga dili mamatay anaa sa tagsa-tagsa kanila. "

Ang ikaduhang pagbasa gikan sa ikaduhang sulat ni San Pablo ngadto sa taga Tesalonica. Siya nagkanayon: "Nangamuyo kami sa atong Dios aron himoon kamo niyang takus sa iyang pagtawag kaninyo."

Ug ang ebanghelyo gikan sa ebanghelyo sumala ni San Lucas. Kini mahitungod sa pagbisita ni Jesus sa panimalay ni Zaqueo.

Palihug manindog ang tanan alang sa pagsugod sa Santos nga Eyukaristiya.

BASAHON I

Wis. 11:22-12:1

KINUTLO GIKAN SA BASAHON SA KAALAM NI SOLOMON

Sa imong atubangan ang tibuok kalibutan daw usa lamang ka lugas nga balas, may gibug-aton nga lugos gani makapalihok sa mga timbangan, usa ka tulo sa yamog diha sa yuta sa kabuntagon. May igo ikaw nga gahom sa pagbuhat bisan unsa, apan maluluy-on ka sa tagsa tagsa; wala nimo tagda ang among mga sala ug gihatagan mo kami og panahon sa paghinulsol. Gihigugma mo ang tanan nga ania; wala ikaw magtamay sa bisan unsa nga imong gibuhat. Kon wala pa nimo kini higugmaa, una sa tanan wala unta kini nimo himoa. Unsaon man paglungtad sa bisan unsa, kon dili ikaw magbuot niini? Unsaon pagpadayon niini kon wala pa nimo kini buhata? Nagtugot ikaw niining tanan nga maania kini, O Ginoo, tungod kay kini imoha man, ug gihigugma nimo ang tanang mga buhi.

Ang imong espiritu nga dili mamatay anaa sa tagsatagsa kanila.

ANG PULONG SA GINOO.

SALMO RESPONSORYO

Ps. 145:1-2, 8-9, 10-11, 13-14

R. Daygon ko ang imong ngalan sa kahangturan, akong hari ug akong Dios.

Ibayaw ko ikaw, O Dios ug hari ko, ug daygon ko ang imong ngalan hangtod sa kahangturan. Matag adlaw daygon ko ikaw, ug himayaon ko ang imong ngalan hangtod sa kahangturan.

R. Daygon ko ang imong ngalan sa kahangturan, akong hari ug akong Dios.

Ang Ginoo maayo ug maluluy-on, dugay nga masuko ug dako sa kaluoy.

Ang Ginoo maayo alang sa tanan ug maluluy-on sa tanan niyang mga binuhat.

R. Daygon ko ang imong ngalan sa kahangturan, akong hari ug akong Dios.

Papasalamata kanimo, O Ginoo, ang tanan mong mga buhat ug padayega kanimo ang imong buotang mga alagad. Pahisgota sila bahin sa himaya sa imong gingharian ug pasultia sila mahitungod sa imong gahom.

R. Daygon ko ang imong ngalan sa kahangturan, akong hari ug akong Dios. Ang

Ginoo matinumanon diha sa tanan niyang mga pulong ug balaan diha sa tanan niyang mga buhat.

Ang Ginoo nagpabangon sa tanan nga napukan ug nagapatindog sa tanan nga nangalipay.

R. Daygon ko ang imong ngalan kahangturan, akong hari ug akong Dios. sa

BASAHON II

2 Thes. 1:11 - 2:2

KINUTLO GIKAN SA IKADUHANG SULAT NI SAN PABLO NGADTO SA TAGA-TESALONICA

Mao kini hinungdan nga kanunay kaming nag-ampo alang kaninyo. Nangamuyo kami sa atong Dios aron himoon kamo niyang takus sa iyang pagtawag kaninyo. Hinaut unta nga pinaagi sa iyang gahom tagbawon niya ang tanang maayo nga inyong gipa ngandoy ug hingpiton niya ang inyong buhat sa pagtuo. Niining paagiha ang ngalan sa atong Ginoong Jesus mapas idunggan tungod kaninyo ug kamo tungod kaniya, pinaagi sa grasya sa atong Dios ug sa Ginoong Jesucristo.

Mahitungod sa pag-anhi sa atong Ginoong Jesucristo ug sa iyang pagtigom kanato aron pagpakig-uban kaniya, naghangyo ako kaninyo mga igsuon: ayaw kamo kahikugang dayon ug kabalaka sa taho nga ang Adlaw sa Ginoo miabot na. Ayaw kinig tuohi bisag gipasikad pa kini sa tagna o sa wali o sa sulat nga kuno gikan kanamo.

ANG PULONG SA GINOO.

EBANGHELYO

Lk 19:1-10

Kinutlo gikan sa Ebanghelyo sumala ni Lucas

Ug misulod siya sa Jerico ug unya milatas niini.

Ug tan-awa, adunay usa ka tawo nga ginganlan og Zaqueo, ug siya usa ka pangulong kobrador sa buhis ug siya adunahan. Ug buot siya nga makakita kang Jesus kon kinsa kini; apan wala siya makahimo tungod sa panon, kay mubo man siya.

Ug midagan siya pag-una sa unahan

ug unya mikatkat sa usa ka kahoy nga sikomoro aron malantaw niya siya kay hápit na molabày si Jesus niadtong dapita.

Ug sa dihang miabòt siya niadtong dapita, mihangad si Jesus ug unya miingon ngadto kaniya, "Zaqueo, pagdali og kanaog, kay karong adlawa kinahanglan sa imong balay akò moabòt." Ug midali siya pagkanaog ug unya mipadayon siya kaniya nga malipayon. Ug ang tanan nga nakakita nagbagolbol sila nga nag-ingnanay, "Midayon siya isip bisita sa usa ka tawo nga makasasálâ."

Mitindog si Zaqueo ug unya miingon siya ngadto sa Ginoo, "Tan-awa, katungå sa akong mga kabtangan, Ginoo, ihatag nako sa mga kabos, ug kon aduna man ganiy akoy nalimbungan sa bisan unsa, ulian nako siyag upat ka pilo."

Ug miingon si Jesus mahitungod kaniya, "Karong adlawa ang kaluwasan miabòt niining balaya, tungod kay siya usab anak ni Abraham. Kay mianhi ang Anak sa Tawo aron pagpangita ug paluwas sa nahisalaag."

Ang Ebanghelyo sa Ginoo.

PANGALIYA

OCTOBER 30, 2022

PARI: Uban sa dakong pagsalig ngadto sa Ginoo nga puno sa kaluoy mag-ampo kita kaniya sa tanan natong mga gikinahanglan. Moingon kita..

GINOO, DUNGGA KAMI.

1. Giyahan unta sa Ginoo ang Simbahan ug ang mga pangulo niini aron mag-alagad sila alang sa kaluwasan sa katawhan. Mag ampo kita.

2. Giyahan unta sa Ginoo ang tanang opisyales sa panggamhanan aron mapatunhay nila ang kalinaw ug kaangayan. Mag-ampo kita.

3. Kaloy-an unta sa Ginoo ang tanang mga masakiton, mga tigulang ug mga himalatyon aron makabaton silag kahupayan ug kasigurohan. Mag-ampo kita.

4. Panalanginan unta sa Ginoo sila si ____________ kinsa nagpasalamat sa Dios, ila untang maangkon ang ilang mga pangandoy sa kinabuhi. Mag-ampo kita.

5. Hatagan unta sa Ginoo ug kinabuhing dayon ang tanang nangamatay, hilabina nila __________. Mag-ampo kita

PARI: Ginoong Dios, agaka kami ug tabangi kami sa among mga panginahanglan, pinaagi ni Kristo nga among Ginoo. Amen.